شىعىس قازاقستان وبلىسىندا 2016 جىلدان بەرى ىزدەۋدە جۇرگەن 38 جاستاعى كۇدىكتى قولعا ءتۇستى, دەپ حابارلايدى Egemen.kz.
پوليتسەيلەر كۇدىكتىنى وسكەمەن قالاسىنا ۇشىپ كەلگەن مەزەتىندە اۋەجايدان ۇستاعان.
«قىلمىستىق ءىس ماتەريالدارىنا سايكەس, ەر ادام جابىرلەنۋشىنىڭ سەنىمىنە كىرە وتىرىپ, ونى الداپ, اقشاسىن قالتاعا باسقان. تۇرعىلىقتى جەرىن ءجيى اۋىستىرىپ وتىرعان جانە قوعامدىق ورىنداردان ادەيى بوي تاسالاپ جۇرگەن», دەپ مالىمدەدى شقو پد-ءنىڭ ءباسپاسوز قىزمەتى.
ول ۋاقىتشا ۇستاۋ يزولياتورىنا قامالدى, تەرگەۋ جۇرگىزىلىپ جاتىر.