19-25 ءساۋىر ارالىعىندا استانا قالاسىنداعى ماڭگىلىك ەل داڭعىلىنىڭ ۋچاسكەسىندە سارايشىق/ماڭگىلىك ەل كوشەلەرىنىڭ قيىلىسىنداعى كولىك ايرىعىنان ف.وڭعارسىنوۆا كوشەسىنە دەيىن جول توسەمىنىڭ جوعارعى قاباتىن اۋىستىرۋ بويىنشا جۇمىس كەزەڭ-كەزەڭىمەن جۇرگىزىلەتىن بولادى, دەپ حابارلايدى Egemen.kz.
وسىعان بايلانىستى اتالعان كەزەڭدە جول ۋچاسكەسى ءىشىنارا جابىلادى. ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاعانى ءجون.
استانا اكىمدىگىنىڭ رەسمي سايتىنىڭ مالىمدەۋىنشە بيىل قالادا بارلىعى 60-تان استام كوشە جوندەلەدى. ولاردىڭ ىشىندە: - جاڭاقونىس كوشەسى ا. كەنجيننەن د. باباتاي ۇلىنا دەيىن; - قارتالى كوشەسى وقجەتپەس كوشەسىنەن م. دۋلاتوۆ كوشەسىنە دەيىن; - الاشتاس جولى 191-كوشەدەن اينالما جولعا دەيىن; - قورعالجىن تاسجولى (تروتۋارلار ورناتۋ) - ابىلايحان داڭعىلى ب. مومىش ۇلى داڭعىلىنان ماناس كوشەسىنە دەيىن; - جۇماباەۆ كوشەسى ب. مومىش ۇلىنان قوشقارباەۆ داڭعىلىنا دەيىن; - س.سەيفۋللين كوشەسى سارىارقا داڭعىلىنان رەسپۋبليكا داڭعىلىنا دەيىن جانە ت.ب.
سونداي-اق, قۇرىلىس اياسىندا جوبالاردى ىسكە اسىرۋ جوسپارلانعان: - ق.قايسەنوۆ كوشەسىن بۇقار جىراۋ كوشەسىنەن ۇلى دالا داڭعىلىنا دەيىن سالۋ; - بۇقار جىراۋ كوشەسىن جوشى حان كوشەسىنەن ءال-فارابي داڭعىلىنا دەيىن سالۋ; - ميراس مەكتەبىنەن م.جۇماباەۆ كوشەسىنە دەيىن كۇيشى دينا كوشەسىنىڭ قۇرىلىسى جانە ت.ب.