سپورتتىق گيمناستيكادان دوحادا ءوتىپ جاتقان الەم كۋبوگىنىڭ كەزەڭىندە قازاقستان قۇراماسىنىڭ سپورتشىلارى جارقىن ناتيجە كورسەتىپ, ەكى گيمناست فينالعا جولداما الدى, دەپ حابارلايدى Egemen.kz.
قوسسىرىقتاعى جاتتىعۋلار بويىنشا ىرىكتەۋ كەزەڭىندە ميلاد كاريمي تاماشا ونەر كورسەتىپ, 14.000 ۇپايمەن ءبىرىنشى ورىن يەلەندى. وسىلايشا ول سەنىمدى تۇردە فينالعا ءوتتى.
تاعى ءبىر وتانداسىمىز التىنحان تەمىربەك تىرەۋىشپەن سەكىرۋ جاتتىعۋىندا 13.199 ۇپاي جيناپ, سەگىزىنشى ورىنمەن شەشۋشى كەزەڭگە جولداما الدى.
ايتا كەتەيىك, كاريمي مەن تەمىربەك ەركىن جاتتىعۋ باعدارلاماسىنىڭ فينالىندا دا ونەر كورسەتەتىن بولادى. سونىمەن قاتار ناريمان قۇربانوۆ پەن زەينوللا ىدىرىسوۆ قوسسىرىقتاعى جاتتىعۋدا جۇلدەگە تالاسادى.
فينالدىق باسەكەلەر 18-19 ءساۋىر كۇندەرى وتەدى.