اسپانمەن تالاسقان الىپ عيماراتتارىمەن ايگىلى توكيو عاسىرلار بويى جەر سىلكىنىسى, تسۋنامي, ءتىپتى جانارتاۋ اتقىلاۋىنا قارسى كۇرەسىپ كەلە جاتقانى ازداي, ەندى تاعى ءبىر ماسەلەگە تاپ كەلدى. قالا جىل سايىن سانتيمەترلەپ شوگىپ بارا جاتىر.
عالىمداردىڭ ەسەبى بويىنشا, توكيو جىلىنا 1-2 سانتيمەتر شوگەدى. بۇل از بولىپ كورىنۋى مۇمكىن, بىراق 10 جىلدا 15–20 سم دەگەن ءسوز. ويتكەنى قالا استىنداعى جەراستى سۋلارىن شامادان تىس سورىپ الۋ جەر قاباتىنىڭ تىعىزدالۋىنا سەبەپ بولىپ وتىر. سونداي-اق توكيو عيماراتتارى, مەترو جۇيەسى, كوپىرلەر مەن جولدار وتە تىعىز ورنالاسقاندىقتان اۋىرلىق جەردىڭ تابيعي كوتەرگىش قابىلەتىن السىرەتىپ جاتىر. قازىر جاپونيا ۇكىمەتى ارنايى جوبالار جاساپ, شوگۋ ۇدەرىسىن توقتاتۋعا تىرىسىپ جاتىر. بىراق تابيعاتپەن تەكەتىرەس وڭاي شارۋا ەمەس.