اقتوبە وبلىسىندا جالپى قۋاتى 450 مۆت بولاتىن بەس جاڭارتىلاتىن ەنەرگيا جوباسىن ىسكە اسىرۋ جوسپارىنا سايكەس, وسى جىلى حرومتاۋ اۋدانىندا جالپى قۋاتى 100 مۆت بولاتىن ەكى جەل ەلەكترستانساسى قۇرىلىسى باستالادى. وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسىنىڭ حابارلاۋىنشا, وسى جوبا جەكە ينۆەستيتسيالار ەسەبىنەن جۇزەگە اسىرىلادى جانە قۇرىلىستى «Darmen Shuak» جانە «Next Green Energy» جشس-تەرى جۇرگىزەدى, دەپ حابارلايدى Egemen.kz.
ەنەرگەتيكالىق ينفراقۇرىلىمدى جاڭعىرتۋ, جاڭارتىلاتىن ەنەرگيا كوزدەرىن دامىتۋ باعىتىندا قولعا الىنعان جوبالار سونداي-اق وڭىردەگى قۋات تاپشىلىعىن ازايتۋعا جانە ەكولوگيالىق احۋالدى جاقسارتۋعا مۇمكىندىك بەرەدى.
اقتوبە وبلىسىنىڭ ەنەرگەتيكاسىن دامىتۋ اياسىندا 2028 جىلعا قاراي 1475 مۆت, 2030 جىلعا قاراي 1535 مۆت كولەمىندە ەلەكتر ەنەرگياسىن ءوندىرۋ جوسپارلاندى.