كىنالىلەر جازاعا تارتىلدى

سوت د.قوجاباەۆتى اسا ءىرى كو­لەمدە پارا الدى دەگەن ايىپپەن قىلمىستىق كودەكستىڭ 366-بابى 4-بولىگى بويىنشا كىنالى دەپ تاۋىپ, 11 جىل مەرزىمگە باس بوس­تان­دىعىنان ايىرۋ جازا­سىن تاعايىن­­دا­دى. سونداي-اق سوت د.قوجاباەۆتى مەملە­كەت­تىك ورگاندا لاۋازىمدى قىزمەتتەر ات­قارۋ قۇقىنان ءومىر باقي ايىردى. بۇعان قوسا ول سوت ۇكىمىمەن جەمقورلى­ق­قا قارسى ءىس-قيمىل قىزمەتىنىڭ پولكوۆنيك شەنى­نەن ايىرىلدى. سوتتالۋشى جازاسىن قىلمىستىق-اتقارۋ جۇيەسىنىڭ ورتاشا قاۋىپسىز مەكەمەسىندە وتەيدى. ۇكىم ءالى زاڭدى كۇشىنە ەنگەن جوق.

بۇدان ءارى سوت سىبايلاس جەم­قورلىققا قارسى ءىس-قيمىل اگەنت­تىگىنىڭ شىمكەنت قا­لاسى بويىنشا دەپارتامەنتىنە وسى قىل­مىستىق ءىستى نازارعا الىپ, دەپارتامەنت قىز­مەت­كەرلەرىنىڭ اراسىندا جەمقورلىق قىل­مىسىن بولدىرماۋ ءۇشىن ءتيىستى شارا­لار قابىلداۋ كەرەكتىگى تۋرالى جەكە قاۋ­لى شىعاردى. مەملەكەت­تىك ايىپتاۋشى د.قوجا­باەۆقا 12 جىل مەرزىمگە باس بوستان­دى­عى­نان ايىرۋ جازاسىن ۇسىنعان, الايدا سوت­تالۋشىنىڭ كامەلەتكە تولماعان كىش­كەنتاي قىزىنىڭ بار ەكەنىن ەسكەرگەن سوت 11 جىل مەرزىمدى تاڭدادى. جەمقورلىققا قار­سى ءىس-قيمىل دەپارتامەنتى باسشىسىنىڭ بۇ­رىنعى ورىنباسارى 2024 جىلدىڭ 30 قارا­شاسىندا قاشىپ جۇرگەن جەرىنەن ۇستالادى. ۇكىم زاڭدى كۇشىنە ەنگەنگە دەيىنگى ۋاقىتشا قاماۋ يزولياتورىندا وتكىزگەن ءاربىر كۇن ءۇشىن ۇكىمدە بەلگىلەنگەن مەرزىمنىڭ ءبىر جارىم كۇنى شەگەرىلىپ تاستالادى.

ۇكىم وقىلعاننان كەيىن بە­رىل­گەن تۇسىنىك­تەمەدە سوتتالۋشى د.قوجاباەۆ ۇ.قوش­تانوۆادان ر.قۇ­لىم­بەتوۆا ارقىلى 42 ملن تەڭگە كولەمىندە پارا العانى ايتىلدى. د.قوجاباەۆ ول قوماقتى قار­جىدان 1 ملن تەڭگەنى ورتاداعى دەلدالعا سىياقى رەتىندە بەرەدى دە, قالعانىن وزىنە الىپ قالادى. سوت ارادا ءجۇرىپ اقشانى جەت­­كى­زىپ بەرگەن ر.ق ۇلىمبەتوۆادان 1 ملن تەڭگەنى, قالعان 41 ملن تەڭ­گەنى د.قوجا­باەۆتان مەملەكەت پاي­داسىنا ءوندىرىپ الدى. سونداي-اق تەرگەۋ مەن ساراپ­تاماعا كەتكەن بۇكىل شى­عىن سوتتالۋ­شىنىڭ موينىنا ءىلىندى.

سوتتا ۇ.قوشتانوۆانىڭ تۋعان اپ­كەسى ز.قوشتانوۆانى دا قىل­مىستىق جاۋاپ­­­كەرشىلىككە تارتۋ كەرەكتىگى ءسوز بول­دى. ويتكەنى ول 42 ملن تەڭگە پارانى جي­ناۋعا كومەكتەسكەن. الايدا سوت ءىستى قا­راۋ بارى­سىندا ز.قوشتانوۆانىڭ ارەكە­تىندە ەشقانداي قىلمىس جوق دەپ تاپقان. ارينە, ول جەمقورلىق قىلمىسىنا اتسا­لىس­­قانى­مەن جانە وعان سانالى تۇردە بارسا دا زاڭدا جاقىن تۋىستار ءبىر-بىرىنە كۋا­لىك بەرە ال­مايدى دەگەن قاعيداعا سايكەس بارلىق جاۋاپكەرشىلىكتەن بوساتىلىپ وتىر. ال پارا بەرگەن ايىپتالۋشى ۇ.قوشت­انوۆا تەرگەۋ بارىسىندا قايتىس بولۋى­نا بايلانىستى وعان قاتىستى قوزعال­عان قىلمىستىق باپ توقتاتىلدى. ءوز كەزە­گىندە 5 كۇن ارالىعىندا ۇكىمنىڭ كوشىر­مەسى تاراپتاردىڭ قولىنا تيگەن سوڭ سوتتالۋ­شى, ايىپتاۋشى مەن قورعاۋشى 15 كۇن ىشىندە ۇكىمگە قارسى اپپەلياتسيا بەرە الادى.

دەگەنمەن اشىق سوت وتىرىسىنان كەيىن جۋرناليستەرگە سۇحبات بەرگەن ز.قوش­تانوۆا بۇل ۇكىم­مەن كەلىسپەيتىنىن مالىم­دەدى. تۋعان ءسىڭلىسىن ولىمگە شەيىن اپار­عان د.قوجا­باەۆقا بەرىلگەن باس بوستان­دىعىنان ايىرۋ جازاسى تىم جەڭىل دەيدى. ول سىڭلىسىنە ابدەن ءزابىر كورسەتكەن سوت­تالۋ­شىنى بۇدان دا اۋىر جازالاپ, ماتە­ريالدىق, مورالدىق شىعىن ءوندى­رىپ الۋ ءۇشىن سوڭىنا دەيىن كۇرە­سەتىنىن جەتكىزدى.

سوت ماتەريالدارىنان بەلگىلى بول­عان­­داي, وسى قىل­­مىستىڭ باسى 2022 جىل­­دىڭ قىركۇيەگىنەن باستالعان. قالا­داعى №132 مەكتەپ ديرەكتورى ۇ.قوش­تانوۆا­­­­عا سىباي­لاس جەمقورلىققا قار­­­سى ءىس-قي­­مىل اگەنت­­تى­گى­­نىڭ شىم­­كەنت قا­­­لاسى بو­­يىنشا دەپارتامەنتى ­1 ملن تەڭ­­­گەگە جۋىق پارا الدى دەگەن كۇدىك­پەن قىل­­­مىستىق ءىس قوزعايدى. جازادان قۇ­تى­لۋ ءۇشىن ۇ.قوشتانوۆا ءارتۇرلى جولدار قا­راس­تىرىپ, تامىر-تانىس ىزدەيدى. ءسوي­تىپ, سول كەزدەگى دەپارتامەنت باسشىسى­نىڭ ورىن­باسارى د.قوجاباەۆتى تابادى. ول بەلگىلەنگەن قارا­جات­تى جيناپ بەرسە, بۇل ءىستى سوتقا جەتكىزبەي جاۋىپ تاستاۋعا ۋادە بەرەدى. ناتيجەسىندە, مەكتەپ ديرەكتورى 42 ملن تەڭگە قاراجات­تى جيناپ ۇلگەرەدى. د.قوجاباەۆ پەن ۇ.قوشتانوۆا­نىڭ اراسىندا كەلىسسوزدەر جۇرگىزىپ جۇر­گەن – ر.ق ۇلىمبەتوۆا دەيتىن ايەل. ول مەكتەپ باسشىسىنىڭ تانىسى ەدى. اقشانى د.قوجاباەۆتىڭ قىزمەتتىك كولىگىندە تاپسىرعان. جوعارىدا ايتقانىمىزداي وسى قىزمەتى ءۇشىن انتيكوردىڭ لاۋازىمدى وكىلى وعان سىياقى ەسەبىندە 1 ملن تەڭگە بەرگەن. الايدا د.قوجاباەۆ جۇمىسىنان شىعىپ كەتىپ, ءىس سول كۇيى اياقسىز قالادى. ەكى ورتادا بار كىنانى ۇ.قوشتانوۆانىڭ ءوزى كوتەرۋگە تۋرا كەلەدى. وسى كەزدە كۇيىككە شىداي الماعان ول قاپىدا دۇنيە سالادى. الايدا مەكتەپ ديرەكتورىنىڭ اپكەسى ز.قوشتانوۆانىڭ ايتۋىنشا, قايتىس بولاردان بۇرىن ءسىڭلىسى د.قوجاباەۆقا قارسى ۇقك ورگانىنا ارىز جازىپ كەتكەن. ورتادا دەلدالدىق جاساپ جۇرگەن ر.ق ۇلىمبەتوۆا كىناسىن مويىنداپ وكىنگەنىمەن سوت ونى 1,5 جىل­عا باس بوستاندىعىنان ايىرۋ تۋرالى ۇكىم شىعارىپ, ءومىر باقي مەملەكەتتىك قىزمەتتە جۇمىس ىستەۋ قۇقىنان ايىرادى. ارادا تەرگەۋ امالدارى ءجۇرىپ جاتقان تۇستا سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ بۇرىنعى ورىنباسارى د.قوجاباەۆ قاشىپ كەتىپ, وعان اسا ءىرى كولەمدە پارا العان قىلمىسكەر رەتىندە ىزدەۋ جاريالانادى. ءتارتىپ ساقشىلارى 2024 جىلدىڭ قاراشا ايىندا ىزدەپ تاۋىپ, 2025 جىلدىڭ قاڭتارىندا سوتقا تاپسىرادى.

ايتا كەتۋ كەرەك, داۋرەنبەك قوجاباەۆ – سىبايلاس جەم­قور­­لىققا قارسى ءىس-قيمىل اگەنتتىگى توراعا­سى­نىڭ ورىنباسارى بولعان ماقسات قوجاباەۆتىڭ تۋعان ءىنىسى. اعاسى دا ءىنىسى سەكىلدى 2023 جىلى اسا ءىرى كولەمدە پارا العانى ءۇشىن ءىستى بولىپ سوتتالعان ەدى.

سىبايلاس جەمقورلىققا قارسى كۇ­رەس قىزمە­تىنىڭ وكىلدەرى زاڭدى بەلدەن باسىپ پارا الىپ جاتقان سوڭ باسقالار تۋرالى نە ايتۋعا بولادى. جالپى, شىمكەنتتە جەمقورلىق­قا بايلانىستى قىلمىستار مەم­لەكەتتىك قىزمەتكەرلەر اراسىن­دا وتە قاتتى اسقىنىپ تۇر. اسىرەسە كەيىن­گى ءبىر-ەكى جىل كولەمىندە ءتىپتى ءور­شىپ كەتتى. ناقتى مىسالدارمەن ايتساق, قالا اكىمى­نىڭ ورىنباسارى ماقسۇت يساحوۆ, جولاۋ­شىلار كو­لىگى جانە اۆتوموبيلدەر جولدارى باسقارماسىنىڭ باس­شىسى مۇح­تار قوقانباەۆ, تۇرعىن ءۇي باس­قارما­سى باسشى­سىنىڭ مىن­دەتىن اتقارۋ­شى ازات مومىنوۆ, مادە­نيەت, تىل­دەردى دامىتۋ جانە ارحيۆتەر باس­­قارماسىنىڭ باس­شىسى ساكەن شا­كەەۆ, سانيتارلىق-ەپيدە­­ميو­لوگيالىق با­قىلاۋ دەپارتا­مەن­تىنىڭ باسشىسى ءابدىماناپ تولەباەۆ, اباي اۋدانى اكىمىنىڭ ورىنباسارى ەرىك تىلەنشين – سىبايلاس جەمقورلىق قىلمىسى بويىنشا سوتتالعاندار. سونداي-اق شىمكەنتتە مادەني ءىس-شارالار­عا بولىنگەن مەملەكەت قاراجاتىن تۇراقتى تۇردە جىمقى­رىپ كەلگەن ەسەپشىلەردەن قۇرالعان قىلمىستىق توپ قۇرىقتالدى. ولاردىڭ ءبارى مادەنيەت باس­قارماسىنا قاراستى ءتۇرلى مادەني ۇيىم­داردىڭ ەسەپشىلەرى بولىپ قىزمەت اتقارعان.

شىمكەنت