قازاقستاندا الداعى كۇندەرى اۋا رايى قانداي بولادى؟

بولجام بويىنشا, اتموسفەرالىق فرونتتاردىڭ وتۋىنە بايلانىستى ەلىمىزدىڭ باسىم بولىگىندە اۋا رايى تۇراقسىز بولادى: جاڭبىر, نايزاعاي, بۇرشاق جاۋى مۇمكىن, تۇندە باتىس, سولتۇستىك, شىعىس, ورتالىق ايماقتاردا جانە تاۋلى وڭىرلەردە جاۋىن-شاشىن (جاڭبىر, قار) بولادى.

15 ءساۋىر تۇندە اقمولا وبلىسىندا, 15 ءساۋىر تۇندە جانە 16 ساۋىردە شىعىس قازاقستان وبلىسىندا, 15 ءساۋىر تۇندە جانە 16 ءساۋىر كۇنى بويى اباي وبلىسىندا, 16 ساۋىردە قاراعاندى, الماتى جانە جەتىسۋ وبلىستارىندا جاۋىن-شاشىن (جاڭبىر, قار) كۇتىلەدى.

ەلىمىز بويىنشا تۇمان كۇتىلەدى. 15-17 ءساۋىر تۇندەرى باتىس قازاقستاندا, 15-16 ساۋىردە اتىراۋ مەن اقمولا وبلىستارىندا, 15-17 ساۋىردە اقتوبە, قوستاناي, سولتۇستىك قازاقستان مەن اباي وبلىستارىندا, 16 ساۋىردە پاۆلودار وبلىسىندا, 16-17 ساۋىردە ۇلىتاۋ جانە قاراعاندى وبلىستارىندا, 15 جانە 17 ساۋىردە شىعىس قازاقستان وبلىسىندا 1-5 گرادۋس ۇسىك جۇرەدى دەپ بولجانعان.

باتىستا اۋا تەمپەراتۋراسى 15-20 گرادۋستان 17-23 گرادۋسقا دەيىن جوعارىلايدى;

وڭتۇستىك-باتىستا نەگىزگى تەمپەراتۋرا 15-25 گرادۋس جىلى;

سولتۇستىك-باتىستا 8-16 گرادۋستان 12-20 گرادۋسقا دەيىن جوعارىلايدى, 17 ساۋىردە سولتۇستىگىندە 5-10 گرادۋسقا دەيىن تومەندەيدى;

سولتۇستىكتە 7-15 گرادۋستان 0-10 گرادۋسقا دەيىن تومەندەيدى;

ورتالىقتا 10-18 گرادۋستان 13-21 گرادۋسقا دەيىن جوعارىلايدى;

شىعىستا 9-18 گرادۋستان 10-20 گرادۋسقا دەيىن جوعارىلايدى;

وڭتۇستىكتە 15-23 گرادۋستان 17-25 گرادۋسقا دەيىن كوتەرىلەدى;

وڭتۇستىك-شىعىستا 17-23 گرادۋستان 13-20 گرادۋسقا دەيىن تومەندەيدى.