قازاقستاندا اۋقىمدى سۋ جوباسى ىسكە قوسىلدى. يسلام دامۋ بانكىنىڭ قولداۋىمەن جانە بۇۇ دامۋ باعدارلاماسىمەن بىرلەسىپ جۇزەگە اسىرىلىپ جاتقان باستاما ەلدىڭ بىرنەشە وڭىرىندە سۋ ينفراقۇرىلىمىن تۇبەگەيلى جاڭارتۋدى كوزدەيدى, دەپ حابارلايدى Egemen.kz.
اتاپ ايتساق:
4 جاڭا سۋ قويماسى سالىنادى; 4 توزىعى جەتكەن قويما قايتا جاڭعىرادى; 115 سۋ ارناسى قايتا جوندەلىپ, تىرشىلىك كوزىنە جول اشادى.ايتا كەتەيىك, اۋقىمدى جۇمىستار استانا قالاسى مەن اقمولا, الماتى, جامبىل, قىزىلوردا, تۇركىستان, باتىس قازاقستان جانە جەتىسۋ وبلىستارىن قامتيدى.
سونىمەن قاتار جوبا اياسىندا سۋ باسسەيندەرى تەرەڭ زەرتتەلىپ, ەرتە ەسكەرتۋ جۇيەلەرى ەنگىزىلەدى. سونداي-اق ەلدىڭ سۋ سالاسىنداعى باستى قۇرىلىمى – «قازسۋشار» تولىق جاڭعىرتىلماق.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ بۇل جوبانىڭ ەلدەگى سۋ شارۋاشىلىعىنا جاڭا سەرپىن بەرىپ, بولاشاق ۇرپاققا قاۋىپسىز ءارى تۇراقتى سۋ جۇيەسىن قالدىرۋعا باعىتتالعانىن اتاپ ءوتتى.