اۋستريانىڭ ۆەنا قالاسىنداعى قولدانبالى ونەر ۋنيۆەرسيتەتى العاش رەت جاساندى ينتەللەكتىنى رەسمي ستۋدەنت رەتىندە قابىلدادى.
«فلينن» دەپ اتالاتىن نەيروجۇيە تسيفرلىق ونەر باعدارلاماسى بويىنشا ءبىلىم الادى. ۋنيۆەرسيتەت وكىلدەرىنىڭ ايتۋىنشا, فلينن كادىمگى تالاپكەرلەر سەكىلدى تولىق قابىلداۋ كەزەڭىنەن وتكەن, ياعني پورتفوليو ۇسىنىپ, سۇحباتتاسقان, سودان سوڭ باعدارلامانىڭ تالاپتارىنا سايكەستىگى تەكسەرىلگەن. ۋنيۆەرسيتەت باسشىلىعى ستۋدەنتتىڭ ادام بولۋى شارت دەگەن ەرەجە بولماعاندىقتان, ونى وقۋعا قابىلداعان. ەندى ول كادىمگى ستۋدەنت سەكىلدى ساباقتارعا قاتىسىپ, وقىتۋشىلاردان باعالار مەن سىن-ەسكەرتپەلەر الادى.