ايماقتا الاياقتار باسپانا الۋعا كومەكتەسۋگە ۋادە بەرىپ, تۇرعىن ءۇي سەرتيفيكاتتارىن تاراتقان, دەپ حابارلايدى Egemen.kz.
شىمكەنت قالاسىنىڭ اكىمدىگى رەسمي حابارلامالاردىڭ تەك جەرگىلىكتى اتقارۋشى ورگانداردىڭ جانە تۇرعىن ءۇي باسقارماسىنىڭ رەسمي سايتتارى مەن الەۋمەتتىك جەلىلەردەگى رەسمي پاراقشالارى ارقىلى تاراتىلاتىندىعىن مالىمدەدى.
سونداي-اق, الاياقتاردىڭ جولداعان جالعان قۇجاتتامالارىنا نەمەسە شىندىققا سايكەس كەلمەيتىن اقپاراتتارىنا سەنبەۋگە شاقىردى.
قاۋىپسىزدىك ءۇشىن:
— بەيتانىس نومىرلەرگە اقشا اۋدارماۋ قاجەت,— جەكە دەرەكتەرىڭىزدى بوگدە ادامدارمەن بولىسپەڭىز,— اقپاراتتى تەك رەسمي دەرەككوزدەردەن تەكسەرىڭىز. كۇماندى حابارلامالارعا سەنبەڭىز.
— وكىنىشكە قاراي, حالىق اراسىندا, ينتەرنەت كەڭىستىگىندە جەرگىلىكتى اتقارۋشى ورگانداردىڭ اتىنان ازاماتتار اراسىندا جوعارىدا كورسەتىلگەندەي جالعان قۇجاتتار تارالىپ جاتقاندىعى جانە پاتەر الىپ بەرۋگە كومەكتەسەمىن دەپ زاڭسىزدىققا باراتىن الاياقتار كوبەيگەن. ەگەر وسىنداي كۇماندى جاعدايعا تاپ بولساڭىزدار, شۇعىل قۇقىق قورعاۋ ورگاندارىنا حابارلاسىڭىزدار. الاياقتىق ارەكەت قازاقستان رەسپۋبليكاسىنىڭ قىلمىستىق كودەكسىنىڭ 190-بابىنا سايكەس قىلمىستىق جاۋاپكەرشىلىككە الىپ كەلەدى, ياعني باس بوستاندىعىنان ايىرۋ جازاسىنا كەسىلەتىنىن ەسكەرتەمىز, — دەلىنگەن قالا اكىمدىگى تاراتقان اقپاراتتا.