پرەزيدەنت قاسىم-جومارت توقاەۆ تانىمال جۋرناليست, قوعام قايراتكەرى, «ۆرەميا» گازەتىنىڭ باس رەداكتورى لەۆ تاراكوۆتىڭ دۇنيەدەن وتۋىنە بايلانىستى ونىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلايدى Egemen.kz.
«شىعارماشىلىق ديناستيانىڭ تالانتتى وكىلى لەۆ يۋرەۆيچ وتاندىق جۋرناليستيكانىڭ دامۋىنا, جاس مامانداردى تاربيەلەۋگە ۇلكەن ۇلەس قوستى. ول ارىپتەستەرى اراسىندا زور ابىروي مەن قۇرمەتكە بولەنىپ, كاسىبيلىك پەن ءوز ىسىنە ادالدىقتىڭ ۇلگىسىن تانىتتى», دەلىنگەن جەدەلحاتتا.