تۇركىستان وبلىسى سارىاعاش اۋدانىنداعى ماگيسترالدى سۋ قۇبىرىن رەكونسترۋكتسيالاۋ جۇمىستارىن اياقتاۋ ءۇشىن ارناۋلى مەملەكەتتىك قوردان 2,5 ملرد تەڭگەدەن استام قارجى ءبولىندى. جوبا 260 مىڭنان استام تۇرعىنى بار 66 اۋىلدى سۋمەن قامتاماسىز ەتۋگە باعىتتالعان, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ايتا كەتەيىك, جوبانىڭ جالپى قۇنى شامامەن 6,5 ملرد تەڭگەنى قۇرايدى. وندا 34,3 شاقىرىم جەلى قۇرىلىسى قاراستىرىلعان, ونىڭ 20,8 شاقىرىمى بۇرىن بولىنگەن قاراجات اياسىندا توسەلگەن.
«قازىرگى ۋاقىتتا قازاقستاندا سۋمەن جابدىقتاۋ قىزمەتتەرىنە قولجەتىمدىلىك قالالىق جەرلەردە 99,4%-دى, اۋىلدىق ەلدى مەكەندەردە 97,8%-دى قۇرايدى. تۇركىستان وبلىسى بويىنشا قالا – 100%, اۋىلدار 98,1% اۋىزسۋمەن قامتىلعان», دەلىنگەن حابارلامادا.
بۇگىندە ارناۋلى مەملەكەتتىك قوردان ءبىلىم بەرۋ, دەنساۋلىق ساقتاۋ, سپورت, الەۋمەتتىك قامسىزداندىرۋ سياقتى سالالارداعى جوبالاردى جۇزەگە اسىرۋ, سونداي-اق ينجەنەرلىك جەلىلەر مەن سۋ قۇرىلىستارىن جاڭارتۋ ءۇشىن قاراجات بولىنگەن.