جەكسەنبى كۇنى كەشكىسىن گازا سەكتورىنان اتىلعان زىمىرانداردىڭ سالدارىنان ءيزرايلدىڭ وڭتۇستىگىندە بىرنەشە ادام جاراقات الدى. ولاردىڭ ءبىرى – 30 جاستاعى ەر ادام – جارىقشاق جاراقاتتارىمەن اۋرۋحاناعا جەتكىزىلدى. بۇل جونىندە ءيزرايلدىڭ جەدەل جاردەمىنىڭ ءباسپاسوز قىزمەتى حابارلادى, دەپ جازادى Egemen.kz.
«مەديتسينا قىزمەتكەرلەرى جارىقشاقتان جەڭىل جارالانعان 30 جاستاعى ەر ادامعا العاشقى كومەك كورسەتىپ, ونى بارزيلاي اۋرۋحاناسىنا جونەلتتى. سونىمەن قاتار, زىمىران شابۋىلى كەزىندە ۇرەيگە بوي الدىرعان جانە قورعانىس پانالارىنا بارا جاتقان جولدا جاراقات العان بىرنەشە ازاماتقا كومەك كورسەتىلۋدە», دەلىنگەن جەدەل جاردەمنىڭ رەسمي حابارلاماسىندا.
بۇعان دەيىن يزرايل قورعانىس ارمياسىنىڭ ءباسپاسوز قىزمەتى ەلدىڭ وڭتۇستىگىندەگى بىرنەشە اۋداندا اۋە دابىلدارى ىسكە قوسىلعانىن حابارلاعان. اسكەريلەردىڭ مالىمەتىنشە, گازا سەكتورىنان پالەستينالىق راديكالدار شامامەن 10 سنارياد اتقان. ولاردىڭ جارتىسى اۋەدە جويىلعانىمەن, كەيبىرى جەرگە تۇسكەن. دابىل سيرەنالارى اشكەلون, اشدود قالالارىندا جانە ماڭايداعى ەلدى مەكەندەردە قوسىلدى.