شىمكەنت قالالىق №2 اۋرۋحانا پەرزەنتحاناسىندا 6700 گرام سالماقتاعى ءسابي ومىرگە كەلدى. بۇل تۋرالى شىمكەنت قالالىق دەنساۋلىق ساقتاۋ باسقارماسى حابارلادى, دەپ جازادى Egemen.kz.
41 جاستاعى انا سالماعى 7 كەلىگە جۋىق ءسابيىن تابيعي جولمەن بوسانعان. دارىگەر-ماماندار بۇل ەلىمىزدە سيرەك كەزدەسەتىن جاعداي دەپ باعالاپ وتىر.
ۇل بالا - وتباسىنداعى التىنشى پەرزەنت. كوپ بالالى انا بۇعان دەيىن ءتورت ۇل, ءبىر قىز دۇنيەگە اكەلگەن.
«قازىرگى تاڭدا انانىڭ دا, بالانىڭ دا جاعدايلارى جاقسى. الىپ بالانى اناسى ءوزى بوسانىپ, وتا دا, كۇردەلى ارالاسۋ دا قاجەت بولمادى. ايتا كەتەيىك, جىل باسىنان بەرى شىمكەنتتە جىل باسىنان بەرى 6719 ءسابي دۇنيەگە كەلگەن. ونىڭ ىشىندە 3271 قىز بالا, 3448 ۇل بالا بار», دەلىنگەن قالالىق دەنساۋلىق ساقتاۋ باسقارماسىنىڭ حابارلاماسىندا.