اتىراۋ وبلىسىنىڭ پوليتسياسى 31 جاستاعى ايەلگە قاتىستى قىلمىستىق ءىس قوزعادى. كۇدىكتى الاياقتىق جولمەن 30 قىلمىس جاساعان.
جەرگىلىكتى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, كۇدىكتى تۇرعىنداردى نەسيەنى قولما-قول الىپ بەرۋگە ۋادە ەتكەن.
«اتىراۋ وبلىسىنىڭ 31 جاستاعى تۇرعىنى ونلاين-بانكينگ ارقىلى تۇرعىندارعا نەسيە قاراجاتىن قولما-قول الىپ بەرەتىنىن ايتىپ, الاياقتىق قىلمىس جاساعان. كۇدىكتى وسىنداي جولمەن 30 قىلمىس جاساپ, تۇرعىندارعا 80 ملن تەڭگەگە جۋىق شىعىن كەلتىرگەن. قازىر كۇدىكتىگە قاتىستى الاياقتىق دەرەگىمەن قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر. وزگە اقپارات تەرگەۋ مۇددەسىنە سايكەس جاريالاۋعا جاتپايدى», دەپ حابارلادى دەپارتامەنتتىڭ ءباسپاسوز قىزمەتى.