الماتىدا الداعى كۇندەرى, انىعىراعى 5-6 ءساۋىر ارالىعىندا جاۋىن-شاشىن بولادى دەگەن بولجام بار. وسىعان بايلانىستى قالالىق كوممۋنالدىق قىزمەت كۇشەيتىلگەن جۇمىس رەجيمىنە كوشتى, دەپ جازادى Egemen.kz.
سونىمەن 5 ءساۋىردىڭ تاڭىنان 6 ءساۋىر كۇنى كۇن باتقانعا دەيىن 14 مم-گە دەيىن جاۋىن-شاشىن, 15-20 م/س ەكپىندى جەلمەن بىرگە نايزاعاي ويناپ, تاۋلى ايماقتا قار ارالاس جاڭبىر جاۋى ىقتيمال.
سۋ تاسۋ قاۋپىنىڭ الدىن الۋ مەن سالدارىن جويۋ ماقساتىندا كوممۋنالدىق قىزمەتتىڭ, قۇتقارۋ قىزمەتى مەن تجد-نىڭ بارلىق تەحنيكاسى ءازىر. 4200 قاپ قۇم دايىندالعان.
سۋ باسۋى مۇمكىن ۋچاسكەدە تۇنگى ۋاقىتتان باستاپ اسسەنيزاتور ماشيناسى مەن موتوپومپا جابدىقتالعان بريگادالار كەزەكشىلىك اتقارادى.
سونىمەن قاتار, جاۋىن-شاشىن كەزەڭىندە جەرگىلىكتى سۋ باسۋدىڭ الدىن الۋ جانە ولاردى جويۋ ءۇشىن موتوپومپالار مەن ارنايى قۇرالدارمەن جابدىقتالعان جەدەل بريگادالار جۇمىس ىستەيدى.