بىلىكتى, ءبىلىمدى, كاسىبيلىگى ەل اۋزىندا جۇرەتىن مەديتسينا ماماندارىنىڭ كەڭەسىن الۋ وڭاي ەمەس, بۇگىندە. الدىن الا جازىلاسىز, ىزدەپ باراسىز, كەزەك كۇتەسىز, اقىلى بولسا اقشاسىن تولەيسىز. ال مەديتسينا عىلىمدارىنىڭ كانديداتى مارات پاشيموۆ باستاپ كەلگەن «كارديولوگيا جانە ىشكى اۋرۋلار عىلىمي-زەرتتەۋ ينستيتۋتى» اق ماماندارى تۇركىستان وبلىسى تۇرعىندارىنا مەديتسينالىق قىزمەت كورسەتىپ جاتىر.
الماتىدان ات ارىتىپ كەلگەن ماماندار جانە وبلىستىق كلينيكالىق اۋرۋحاناسىنىڭ دارىگەرلەرى ورداباسى اۋداندىق ورتالىق اۋرۋحاناسىندا ناۋقاستاردى قابىلداپ جاتىر. مامانداردىڭ ماقساتى – تۇرعىندارعا ۇيىمداستىرۋشىلىق-ادىستەمەلىك جانە كونسۋلتاتسيالىق كومەك كورسەتۋ. قۇرامىندا كارديولوگ, كارديوحيرۋرگ, گەپاتولوگ, نەفرولوگ, اريتمولوگ سىندى جوعارى بىلىكتى دارىگەرلەر مەن جۇرەكتىڭ ۋلترادىبىستىق زەرتتەۋ مامانى بار جۇمىس توبىنىڭ كومەگىنە جۇگىنۋشىلەر دە از ەمەس. مىسالى, تاڭنان باستالعان قابىلداۋ ۋاقىتىنىڭ ءبىر ساعاتىندا 50-دەن استام ناۋقاس تىركەلىپ, 17 ادام تەكسەرۋدەن ءوتتى. ياعني ساپالى مەديتسينالىق قىزمەتكە دەگەن سۇرانىس جوعارى. تۇرعىندارعا كورسەتىلەتىن كومەك تەك دياگنوستيكامەن شەكتەلمەي, دارىگەرلەر ەمدەۋ مەن الدىن الۋ شارالارىن ءتۇسىندىرىپ, جۇرەك-قان تامىرلارى, بۇيرەك جانە باۋىر اۋرۋلارى بويىنشا كەڭەستەر بەرىپ جاتىر.
وسىلايشا الماتىلىق ماماندار ءبىر جاعىنان ناۋقاستارعا ساپالى مەديتسينالىق كومەك كورسەتىپ, ەكىنشى جاعىنان, جەرگىلىكتى دارىگەرلەردىڭ تاجىريبە جيناقتاپ, جاڭا تەحنولوگيالاردى مەڭگەرۋىنە مۇمكىندىك جاساپ وتىر. الداعى ۋاقىتتا مۇنداي شارالار جۇيەلى تۇردە ۇيىمداستىرىلماق.
تۇركىستان وبلىسى