كەڭگىر سۋ قويماسى 97,9 پايىزعا تولىپ تۇر. قاراكەڭگىر وزەنى ارناسىنا سالىنعان كەڭگىر بوگەنى 1952 جىلى ىسكە قوسىلعان. ۇلىتاۋ وبلىسىنا قارايتىن ءۇش قالانى سۋمەن قامتاماسىز ەتىپ وتىر. جاقىندا بۇعان دەيىن «Kazakhmys Distribution» جشس قۇزىرىندا بولىپ كەلگەن كەڭگىر سۋ قويماسى مەملەكەت مەنشىگىنە قايتارىلدى.
كەڭگىر جاساندى كولىنىڭ جالپى سىيىمدىلىعى 319 ملن. تەكشە مەتر. ناۋرىزدىڭ 21 - 3 ءساۋىر ارالىعىندا سۋ قويماسىنا شامامەن 75 ملن. تەكشە مەتردەن استام سۋ كەلدى.
ۇلىتاۋ وبلىسى توتەنشە جاعدايلاردىڭ الدىن الۋ باسقارماسىنىڭ اعا ينجەنەرى قۋاندىق امانقان ۇلى: «قازىر سۋ قويماسى 97,9 پايىزعا تولىپ تۇرعان سوڭ ارتىق سۋدى سىرتقا اعىزىپ جاتىر. 5 جانە 4 شاندورلار اشىق تۇر. 4 جانە 5 شاندور 1 مەتردەن, ياعني 16,8 ملن. تەكشە مەتر سۋدى جىبەرىپ جاتىر», دەيدى.
قار قالىڭ تۇسكەن ۇلىتاۋدىڭ باسىنداعى قار ەرىگەنشە ءالى سۋ كەلەتىنىن بىلەتىن جاۋاپتى ادامدار جاعدايدى باقىلاۋدا ۇستاپ تۇر.
ازىرگە جاعداي تۇراقتى. توتەنشە جاعدايلار دەپارتامەنتى جانىنان قۇرىلعان شتاب جۇمىس ىستەپ جاتىر.
ۇلىتاۋ وبلىسى