اتىراۋ وبلىسىندا 18 جاستاعى بوزبالا جول اپاتىنان اۋىر جاراقات الدى. وبلىستىق اۋرۋحانا دارىگەرلەرى ونىڭ ومىرىنە اراشا بولا المادى, دەپ جازادى Egemen.kz.
اتىراۋ وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, جول-كولىك وقيعاسىنان كەيىن 2007 جىلعى ازامات جەدەل جاردەم بريگاداسىنىڭ كولىگىمەن وبلىستىق اۋرۋحاناسىنا جەتكىزىلگەن.
«اۋرۋحاناعا تۇسكەن كەزدە ەر ادامنىڭ جاعدايى وتە اۋىر بولدى. دارىگەرلەر ناۋقاستىڭ جاعدايىن تۇراقتاندىرۋ ءۇشىن بارلىق قاجەتتى رەانيماتسيالىق شارانى شۇعىل تۇردە جۇرگىزدى. الايدا كورسەتىلگەن مەديتسينالىق كومەكتەرگە قاراماستان پاتسيەنتتىڭ ءومىرىن ساقتاپ قالۋ مۇمكىن بولمادى», دەپ حابارلادى باسقارمانىڭ ءباسپاسوز قىزمەتى.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى راستاعان دەرەككە سۇيەنسەك, جول-كولىك وقيعاسى 27 ناۋرىزدا بولعان.
«تۇسكى ساعات 13:43 شاماسىندا دوسسور كەنتىنەن اتىراۋ قالاسى باعىتىنداعى جولدىڭ وڭاي اتا زيراتى تۇسىندا Shacman جانە Hyundai Elantra كولىكتەرى سوقتىعىستى. جول-كولىك وقيعاسىنىڭ سالدارىنان جەڭىل كولىكتەگى 2007 جىلى جولاۋشى ءتۇرلى دەنە جاراقاتىن الدى. زارداپ شەككەن جولاۋشى اتىراۋ وبلىستىق اۋرۋحاناسىنا جەتكىزىلگەن ەدى», دەپ ءمالىم ەتتى دەپارتامەنتتىڭ ءباسپاسوز قىزمەتى.