قاراعاندى قالاسىندا جەڭىل اۆتوكولىك جۇرگىزۋشىسى جاياۋ جۇرگىنشىلەر جولاعىنا شىعىپ, ەكى ادامدى قاعىپ كەتكەن. سالدارىنان ءبىر ايەل وقيعا ورنىندا قازا تاپتى, دەپ حابارلايدى Egemen.kz.
وقيعا 31 ناۋرىز كۇنى ساعات 23:00 شاماسىندا بۋحار-جىراۋ داڭعىلىندا بولعان. Audi كولىگىنىڭ جۇرگىزۋشىسى ديۋسەنبەكوۆ كوشەسىنە قاراي قوزعالىپ, جىلدامدىقتى اسىرىپ, جاياۋ جۇرگىنشىلەر جولاعىنا شىعىپ كەتكەن.
«جول اپاتىنىڭ سالدارىنان ءبىر ايەل قازا تاۋىپ, ەكىنشى جاياۋ جۇرگىنشى, سونداي-اق كولىك جۇرگىزۋشىسى مەن جولاۋشى ءتۇرلى جاراقاتتارمەن وبلىستىق كلينيكالىق اۋرۋحاناعا جەتكىزىلدى», دەپ حابارلادى وبلىستىق پوليتسيا دەپارتامەنتىنىڭ تەرگەۋ باسقارماسىنىڭ باستىعى ازامات احمەتوۆ.
وقيعا بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.