بالىق شارۋاشىلىعى كوميتەتى بالقاش-الاكول وبلىسارالىق باسسەيندىك بالىق شارۋاشىلىعى ينسپەكتسياسىنىڭ ۇيلەستىرۋىمەن قاپشاعاي سۋ قويماسىندا «تازا سۋ ايدىندارى» تابيعاتتى قورعاۋ اكتسياسىن باستادى, اكتسيا ماۋسىم ايىنا دەيىن جالعاسادى, دەپ حابارلايدى Egemen.kz.
اكتسيانىڭ ماقساتى – سۋ ايدىنىن قولدانۋعا تىيىم سالىنعان بالىق اۋلاۋ قۇرالدارىنان تازارتۋ ارقىلى بالىقتاردىڭ ۋىلدىرىق شاشۋ ورىندارىنا ەركىن كوشۋىنە قولايلى جاعداي جاساۋ.
اتالعان سۋ قويمادان 20 شاقىرىمنان استام زاڭسىز ورناتىلعان بالىق اۋلاۋ قۇرالدارى الىنعان.
اۋىل شارۋاشىلىعى مينيسترلىگىنىڭ مالىمەتىنشە اكتسياعا تابيعاتتى قورعاۋ پوليتسياسىنىڭ قىزمەتكەرلەرى, تجد, الماتى وبلىسى اكىمدىگىنىڭ ماماندارى, بالىق شارۋاشىلىعى سۋبەكتىلەرىنىڭ قىزمەتكەرلەرى, «الماتى قايىق شەبەرلەرى» توبىنىڭ ەرىكتىلەرى – بارلىعى 115 ادام قاتىسىپ, ءىس-شاراعا 53 سۋ كولىگى مەن 15 اۆتوكولىك تارتىلعان.