6 جىلدان بەرى ىزدەۋدە بولعان كۇدىكتى تۇركىستان وبلىسىندا «FaceID» smart كامەراسىنان ءوتۋ كەزىندە قولعا تۇسكەن, دەپ جازادى Egemen.kz.
ۇستالعان كۇدىكتى ەسىرتكىنى زاڭسىز ساتقانى ءۇشىن ايىپتالعان. 40 جاستاعى ەر ادامدى حالىقارالىق ىزدەۋ 2019 جىلى باستالعان.
قازىرگى ۋاقىتتا ايماق پوليتسياسى جەدەل-تەرگەۋ ءىس-شارالارىن جالعاستىرىپ جاتىر.
«ۇستالعان ەر ادام ۋاقىتشا ۇستاۋ يزولياتورىنا قامالدى. بولعان وقيعانىڭ بارلىق ءمان-جايلارى انىقتالىپ جاتىر. ال جىل باسىنان بەرى تۇركىستان وبلىسىنىڭ پوليتسەيلەرى ىزدەۋدە جۇرگەن 22 قىلمىسكەردى, ونىڭ ىشىندە حالىقارالىق ىزدەۋدە جۇرگەن 10 ادامدى انىقتاپ ۇستادى», دەلىنگەن تۇركىستان وبلىسى پوليتسيا دەپارتامەنتىنىڭ اقپاراتىندا.