بيىل الماتىدا جۇمىس ورىندارىن اشۋدىڭ وڭىرلىك كارتاسى اياسىندا 87 226 جاڭا بوس جۇمىس ورنىن اشۋ جوسپارلانعان, دەپ حابارلايدى Egemen.kz.
قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنشە, جۇمىسپەن قامتۋ شارالارىمەن 32 مىڭ ادامدى قامتۋ جوسپارلانعان. ونىڭ 10,6 مىڭى تۇراقتى جۇمىسپەن قامتىلسا, 8,7 مىڭى سۋبسيديالانعان جۇمىسقا ورنالاسادى.
سونىمەن قاتار 7 مىڭ ادام enbek.kz پلاتفورماسىندا قىسقا مەرزىمدى كۋرستاردان ءوتىپ, «Bastau Business» جوباسىنا قاتىسا الادى. كاسىپكەرلىك باستامالاردى قولداۋعا 400 اەك-كە دەيىن (1 572 800 تەڭگە) گرانتتار دا قاراستىرىلعان.
الماتىدا وتكەن جىلى 84,7 مىڭ جۇمىس ورنى اشىلىپ, جۇمىسسىزدىق دەڭگەيىنىڭ 4,8 پايىزدان 4,6 پايىزعا تومەندەۋىنە ىقپال ەتكەن.
ەستەرىڭىزگە سالا كەتەيىك, بۇعان دەيىن ەلىمىزدىڭ سولتۇستىك, ورتالىق جانە شىعىس وڭىرلەرىندە 379 ينۆەستيتسيالىق جوبا جۇزەگە اسىرىلىپ, 50 مىڭ جۇمىس ورنى اشىلعان ەدى.