پاريجدە فرانتسيا پرەزيدەنتى ەممانۋەل ماكرون مەن ۇلىبريتانيا پرەمەر-ءمينيسترى كير ستارمەر ۇيىمداستىرعان «ىنتالىلار كواليتسياسى» سامميتى ءوتتى. كەزدەسۋ تاقىرىبى رەسەيمەن بەيبىت كەلىسىم جاسالعان جاعدايداعى ۋكراينا ءۇشىن كەپىلدىك ماسەلەلەرىنە ارنالدى, دەپ حابارلايدى Egemen.kz.
ماكرون سامميت قورىتىندىسىنا سايكەس ونىڭ مۇشەلەرى ۋكراينا مەن ونىڭ ارمياسىن قولداۋدى جالعاستىرۋعا كەلىسكەنىن, سونداي-اق رەسەي مەن ونىڭ كولەڭكەلى تانكەرلەر فلوتىنا قىسىم كورسەتۋدى جالعاستىرۋعا ۋادە بەرگەنىن ايتتى.
سونداي-اق, ماكرون ۋكرايناعا «ولاردىڭ بولاشاعىن جوسپارلاۋ ءۇشىن» فرانتسۋز-بريتاندىق اسكەري دەلەگاتسيا جىبەرىلەتىنىن مالىمدەدى.
مۇمكىن بولاتىن بىتىمگەرشىلىك كۇشتەر تۋرالى ايتا وتىرىپ, ماكرون ولاردىڭ ءالى قالىپتاسۋ كەزەڭىندە ەكەنىن ايتتى.
بۇعان قوسا فرانتسيا باسشىسى ەۋروپا ەلدەرى ەشكىمگە ارقا سۇيەمەي, تىعىرىقتان ءوزى شىعۋعا دايىندالۋ كەرەكتىگىن جەتكىزدى.
«جاقسىلىققا ءۇمىت ەتەيىك, جاماندىققا دايىن بولايىق», دەدى ول.