وڭتۇستىك وڭىرلەردە جانە اتىراۋ وبلىسىندا جۇرگىزىلگەن شارا – «تازا قازاقستان» ەكولوگيالىق مادەنيەتتى دامىتۋ تۇجىرىمداماسى شەڭبەرىندە وتكىزىلدى, دەپ جازادى Egemen.kz.
اۋقىمدى اكتسيا اۋلا, ساياباق, سكۆەر, كوشە, قوعامدىق ورىنداردى قوسا العاندا, قالالىق اۋماقتاردا تازالىق جۇمىستارىن جۇرگىزۋگە باعىتتالىپ, وعان جەرگىلىكتى تۇرعىندار, وقۋشىلار, كاسىپورىن وكىلدەرى, ستۋدەنتتەر قاتىستى.
800 توننادان استام قالدىق جينالىپ, 23 مىڭنان استام جاسىل جەلەك وتىرعىزىلعان. ءىس-شاراعا 88 مىڭعا جۋىق ادام قاتىسقان, ولاردىڭ 2 مىڭنان استامى ەرىكتىلەر.
ايتا كەتسەك, 27 ناۋرىزدا تاعى 3 اكتسيا باستالدى:
«تازا كاسىپ – تازا ايماق» اياسىندا وڭتۇستىك جانە باتىس وڭىرلەردەگى بيزنەس-سۋبەكتىلەردىڭ اۋماقتارىن جيناۋ جانە كوگالداندىرۋ ۇيىمداستىرىلىپ جاتىر. «قالا ءۇشىن اعاش» اكتسياسى شەڭبەرىندە وڭىرلەردىڭ كاسىپورىندارى ورتاق پايدالانىلاتىن اۋماقتارعا اعاشتار وتىرعىزسا, ەرەكشە قورعالاتىن تابيعي اۋماقتاردا «تازا ايماق» اكتسياسى باستالىپ, ونىڭ شەڭبەرىندە بارلىق 14 ەقتا جانە وعان ىرگەلەس ەلدى مەكەندەردىڭ اۋماقتارىندا ناۋرىز-ءساۋىر ايلارىنىڭ سوڭعى كۇندەرى تازالاۋ جۇمىستارى جۇرگىزىلەدى.