بۇگىن, 28 ناۋرىزدا, ەلىمىزدىڭ بىرقاتار وڭىرىندە قۇبىلمالى اۋا رايى ساقتالادى. سينوپتيكتەردىڭ حابارلاۋىنشا, وڭتۇستىكتە, وڭتۇستىك-شىعىستا تۇندە جاڭبىر جاۋىپ, كەي جەرلەردە قار ارالاس جاڭبىر كۇتىلەدى. كۇندىز جاڭبىر جاۋىپ, قاتتى جەل سوعادى, دەپ حابارلايدى Egemen.kz.
رەسپۋبليكامىزدىڭ شىعىسىندا, وڭتۇستىك شىعىسىندا, ورتالىعىندا جەل كۇشەيىپ, شىعىستا شاڭدى داۋىل تۇرادى, باتىستا, وڭتۇستىكتە, وڭتۇستىك شىعىستا تۇمان تۇسەدى.
جەتىسۋ وبلىسىنىڭ الاكول وڭىرىندە سولتۇستىك-شىعىستان سوققان داۋىلدى جەل 30 م/س جىلدامدىقپەن ۇيتقىپ, كەي ساتتەردە ودان دا قاتتى ۇدەي ءتۇسۋى مۇمكىن. ال وڭتۇستىك پەن باتىستا تۇمان ءتۇسىپ, كورۋ مۇمكىندىگىن شەكتەمەك.
استانادا كۇن الا بۇلتتى, كۇندىز اۋا تەمپەراتۋراسى +7,+9°C, جەلدىڭ جىلدامدىعى 7-12 م/س.
الماتىدا كۇن الا بۇلتتى, جاڭبىر جاۋادى. كۇندىز اۋا تەمپەراتۋراسى +6+8°C, جەلدىڭ جىلدامدىعى 3-8, كەي ۋاقىتتا ەكپىنى 15 م/س-گە جەتەدى.
شىمكەنتتە كۇندىز اۋا تەمپەراتۋراسى +10+12°C, جەلدىڭ جىلدامدىعى 5-10 م/س.