پراگادان شىعىسقا قاراي 135 شاقىرىم جەردە پوليچكا قالاسىنىڭ اۋماعىندا ورنالاسقان مەتالل وڭدەۋ جانە وق-ءدارى شىعاراتىن زاۋىت قويماسىندا جارىلىس بولدى, دەپ حابارلايدى Egemen.kz dw.com سايتىنا سىلتەمە جاساپ.
الدىن الا مالىمەتتەرگە سايكەس, جارىلىس تروتيل (تنت) ساقتالعان STV Invest حولدينگىنە تيەسىلى قويمادا بولعان.
وقيعا سالدارىنان ءبىر ادام اۋىر جاراقات الىپ, تىكۇشاقپەن اۋرۋحاناعا جەتكىزىلگەن. جەرگىلىكتى بيلىك قاۋىپسىزدىك ماقساتىندا ايماقتى قورشاۋعا الىپ, بارلىق كوشەلەردى جاۋىپ, كاسىپورىن قىزمەتكەرلەرىن ەۆاكۋاتسيالاعان.
كومپانيا وكىلدەرى العاشقى تەكسەرۋ ناتيجەلەرىنە سۇيەنە وتىرىپ, جارىلىستىڭ وندىرىستىك پروتسەستەگى تەحنيكالىق قاتەلىكتەن بولۋى مۇمكىن ەكەنىن حابارلادى.
ايتا كەتەيىك, STV Invest حولدينگى ارتيللەريالىق وق-دارىلەر وندىرىسىمەن اينالىسادى, سونداي-اق جاياۋ اسكەردىڭ سوعىس ماشينالارى, تانكتەر مەن گاۋبيتسالاردى جوندەۋ جانە جاڭعىرتۋ جۇمىستارىن جۇرگىزەدى. بۇدان بولەك, كومپانيا اۆتوبۋستارعا ارنالعان ەسىك جۇيەلەرىن شىعارادى.
قازىرگى تاڭدا جارىلىستىڭ ناقتى سەبەبى انىقتالىپ جاتىر.