«قازاقستان» تەلەراديوكورپوراتسياسى ۇلتتىق مادەنيەت پەن ونەر تاريحىنان سىر شەرتەتىن «شام تۇبىندەگى شىندىق» جاڭا تاريحي-درامالىق تەلەحيكاياسىن ۇسىنادى, دەپ حابارلايدى Egemen.kz.
تەلەحيكايا قازاق تەاترىنىڭ 100 جىلدىعىنا ارنالعان. ءۇش ءبولىمدى سەريال ارقىلى كورەرمەندەر سول كەزدەگى استانا قىزىلوردا قالاسىندا 1925 جىلى قۇرىلعان تۇڭعىش ۇلتتىق قازاق تەاترىنىڭ تاريحىمەن, ونەر ورداسىنىڭ الماتىعا كوشىرىلۋى كەزىندەگى كورنەكتى رەجيسسەر جۇمات ءشانيننىڭ ەڭبەگىمەن تانىسادى.
تاريحي تەلەحيكايادا 1927 جىلى ماسكەۋدە وتكەن ەتنوگرافيالىق كونتسەرتتەگى قازاق زيالىلارىنىڭ ونەر كورسەتۋى جانە سول كەزدەگى قالىبەك قۋانىشباەۆ, امىرە قاشاۋباەۆ, كۇلاش بايسەيىتوۆا, سەركە قوجامقۇلوۆ باستاعان قازاق دەلەگاتسياسى قۇرامىنداعى قايراتكەرلەردىڭ ءرولى جان-جاقتى كورسەتىلەدى.
تەلەحيكايانىڭ قويۋشى-رەجيسسەرى – جاسۇلان پوشانوۆ. باستى رولدەگى جۇمات ءشانيننىڭ جاس كەزىن عالىم وسپانوۆ, ەسەيگەن شاعىن ازامات ەسقۇلوۆ وينايدى. سەركە قوجامقۇلوۆتىڭ بەينەسىن جانداۋلەت باتاي, امىرە قاشاۋباەۆتى ءبىرجان ءبازىلجانوۆ, قالىبەك قۋانىشباەۆتى الماس شاياحمەتوۆ سومدايدى. ال كۇلاش بايسەيىتوۆانىڭ رولىندە كورەرمەن ينابات ريزابەكوۆانى كورە الادى.