2015 جىلعى 16 ءساۋىر, استانا قالاسى
قازاقستان رەسپۋبليكاسىنىڭ پروكۋراتۋرا ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى ىرىكتەۋ جونىندەگى كەيبىر ماسەلەلەرى تۋرالى
«پروكۋراتۋرا تۋرالى» قازاقستان رەسپۋبليكاسى زاڭىنىڭ 11 بابىنىڭ 4) تارماقشاسىن, «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 38, 40 باپتارىن باسشىلىققا الا وتىرىپ, قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى №124 جارلىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ قاعيداسىنىڭ 22, 27 تارماقتارىن ىسكە اسىرۋ ماقساتىندا, بۇيىرامىن:
1. مىنالار:
1) وسى بۇيرىققا 1-قوسىمشاعا سايكەس قازاقستان رەسپۋبليكاسى پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردىڭ – وتىنىشتەرى مەن قۇجاتتارىن قاراۋ قاعيدالارى;
2) وسى بۇيرىققا 2-قوسىمشاعا سايكەس قازاقستان رەسپۋبليكاسى پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى كاسىبي جانە پسيحولوگيالىق ىرىكتەۋ بويىنشا ءىس-شارالاردى جۇرگىزۋ, ىرىكتەۋ كوميسسياسىنىڭ قۇرىلۋى مەن قىزمەتىنىڭ قاعيدالارى بەكىتىلسىن.
2. قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتى:
1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە رەسمي جاريالاۋدى;
3) قازاقستان رەسپۋبليكاسىنىڭ ينتەرنەت-رەسۋرستارىنا ورنالاستىرۋدى;
4) وسى بۇيرىقتى قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى جانە مەكەمەلەرىنىڭ قىزمەتكەرلەرىنە تانىستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارىنا جۇكتەلسىن.
4. وسى بۇيرىق ونى العاش رەت رەسمي جاريالاعان كۇننەن كەيىنگى كۇنتىزبەلىك ون كۇننىڭ ءوتۋى بويىنشا قولدانىسقا ەنگىزىلەدى.
قازاقستان رەسپۋبليكاسىنىڭ باس پروكۋرورى ا.داۋىلباەۆ.
«كەلىسىلگەن»
قازاقستان رەسپۋبليكاسىنىڭ قورعانىس ءمينيسترى
____________________ي.تاسماعامبەتوۆ.
23 ءساۋىر 2015 جىل
قازاقستان رەسپۋبليكاسى باس پروكۋرورىنىڭ 2015 جىلعى 16 ساۋىرىندەگى №57 بۇيرىعىنا
1-قوسىمشا
قازاقستان رەسپۋبليكاسى پروكۋراتۋراسىنىڭ ورگاندارىنا, ۆەدومستۆولارىنا جانە
مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن
كانديداتتاردىڭ وتىنىشتەرى مەن قۇجاتتارىن قاراۋ
قاعيدالارى
1. وسى قاعيدالار قازاقستان رەسپۋبليكاسى پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردىڭ وتىنىشتەرى مەن قۇجاتتارىن قاراۋ ءتارتىبىن رەتتەيدى (بۇدان ءارى – قاعيدالار).
2. قازاقستان رەسپۋبليكاسى پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە (بۇدان ءارى – پروكۋراتۋرا ورگاندارى) كەلىسىمشارت بويىنشا اسكەري قىزمەتكە كىرۋگە نيەت بىلدىرگەن ازاماتتار وسى قاعيدانىڭ 1-قوسىمشاسىنا سايكەس نىساندا جازباشا تۇردە ءوتىنىش (بۇدان ءارى – -ءوتىنىش):
1) قازاقستان رەسپۋبليكاسىنىڭ باس پروكۋرورى (بۇدان ءارى – باس پروكۋرور) تاعايىندايتىن اسكەري لاۋازىمعا قابىلدانۋ جاعدايىندا – قازاقستان رەسپۋبليكاسىنىڭ باس پروكۋراتۋراسىنا (بۇدان ءارى – باس پروكۋراتۋرا);
2) باس اسكەري پروكۋرور تاعايىندايتىن جاعدايدا – باس اسكەري پروكۋراتۋراسىنا ۇسىنىلادى.
3. ازامات وتىنىشپەن بىرگە قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى №124 جارلىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ ەرەجەلەرىنىڭ 21-تارماعىندا كورسەتىلگەن قۇجاتتاردى تەزتىكپەگە سالىپ ۇسىنادى جانە وندا قوسا بەرىلگەن قۇجاتتاردىڭ تىزبەسىن كورسەتەدى.
ازاماتتار وزدەرىنىڭ بىلىمىنە, جۇمىس تاجىريبەسىنە, كاسىبي دەڭگەيىنە قاتىستى قوسىمشا اقپاراتتى ۇسىنا الادى.
بۇعان دەيىن اسكەري قىزمەتتى وتكەرمەگەن, جوعارى وقۋ ورنىنىڭ اسكەري كافەدراسىندا وقىماعان ازاماتتار, ايەلدەردى قوسپاعاندا قازاقستان رەسپۋبليكاسى قورعانىس مينيسترلىگىنىڭ ارنايى ءبىلىم بەرۋ ۇيىمىندا اسكەري دايىندىقتان وتكەنىن راستايتىن قۇجاتتى ۇسىنادى.
4. ءوتىنىش پروكۋراتۋرا ورگاندارىندا جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى قازاقستان رەسپۋبليكاسىنىڭ زاڭناماسىنا سايكەس تىركەلەدى.
5. ءوتىنىشى تىركەلگەن جانە قاراۋعا قابىلدانعان ازامات پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرۋشى كانديدات بولىپ تابىلادى (بۇدان ءارى – كانديدات).
6. پروكۋراتۋرا ورگانىنىڭ كادر جۇمىسى بولىمشەسى ءوتىنىش تۇسكەن كۇننەن باستاپ بەس جۇمىس كۇنى ىشىندە كانديداتتار ۇسىنعان قۇجاتتاردىڭ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 38-بابىندا بەلگىلەنگەن تالاپتارعا سايكەستىگىن قارايدى جانە زەرتتەيدى.
7. كانديداتتىڭ قۇجاتتارىن تەكسەرۋ قورىتىندىسى بويىنشا ءتيىستى پروكۋراتۋرا ورگانىنىڭ باسشىسى پروكۋراتۋرا ورگاندارىنا كەلىسىمشارت بويىنشا قىزمەتكە كىرۋ ءۇشىن كانديداتتى ىرىكتەۋگە جىبەرۋ نەمەسە جىبەرۋدەن باس تارتۋ تۋرالى شەشىم قابىلدايدى, بۇل تۋرالى كانديداتقا ءتيىستى شەشىم قابىلدانعان كۇننەن باستاپ بەس جۇمىس كۇنى ىشىندە حابارلانادى.
قازاقستان رەسپۋبليكاسى باس پروكۋرورىنىڭ 2015 جىلعى 16 ساۋىردەگى № 57 بۇيرىعىنا
2-قوسىمشا
قازاقستان رەسپۋبليكاسى پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى كاسىبي جانە پسيحولوگيالىق ىرىكتەۋ بويىنشا ءىس-شارالاردى جۇرگىزۋ, ىرىكتەۋ كوميسسياسىنىڭ قۇرىلۋى مەن قىزمەتىنىڭ
قاعيدالارى
1. جالپى ەرەجەلەر
1. وسى قاعيدالار قازاقستان رەسپۋبليكاسىنىڭ «پروكۋراتۋرا تۋرالى» 1995 جىلعى 21 جەلتوقسانداعى, «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى زاڭدارىنا (بۇدان ءارى - زاڭ), قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى №124 جارلىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ ەرەجەسىنە سايكەس ازىرلەندى (بۇدان ءارى – اسكەري قىزمەت وتكەرۋ ەرەجەسى).
2. پروكۋراتۋرا ورگاندارىنا, ۆەدومستۆولارىنا جانە مەكەمەلەرىنە (بۇدان ءارى – پروكۋراتۋرا ورگاندارى) كەلىسىمشارت بويىنشا ازاماتتاردى اسكەري قىزمەتكە قابىلداۋ زاڭنىڭ 21-بابىنىڭ 2-تارماعىنا سايكەس بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري لاۋازىمدار جانە ولارعا سايكەس اسكەري اتاقتار تىزبەسىنىڭ نەگىزىندە بوس لاۋازىمعا ىرىكتەۋ تارتىبىندە ىسكە اسىرىلادى.
3. كانديداتتاردى ىرىكتەۋ بويىنشا پروكۋراتۋرا ورگاندارىنىڭ قىزمەتى اشىق جانە جاريالى تۇردە ىسكە اسىرىلادى.
4. پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى ىرىكتەۋدى ىرىكتەۋ كوميسسياسى (بۇدان ءارى - كوميسسيا) جۇرگىزەدى جانە كەلەسى پروكۋراتۋرالاردىڭ كادر جۇمىسى بولىمشەلەرى (بۇدان ءارى – كادر جۇمىسىنىڭ بولىمشەلەرى):
1) قازاقستان رەسپۋبليكاسىنىڭ باس پروكۋراتۋراسى (بۇدان ءارى – باس پروكۋراتۋرا) – قازاقستان رەسپۋبليكاسىنىڭ باس پروكۋرورى (بۇدان ءارى – باس پروكۋرور) تاعايىندايتىن اسكەري لاۋازىمدار بويىنشا;
2) باس اسكەري پروكۋراتۋرا – باس اسكەري پروكۋرور تاعايىندايتىن اسكەري لاۋازىمدار بويىنشا قامتاماسىز ەتەدى.
5. كانديداتتاردى ىرىكتەۋگە قاتىستى شىعىندار (اڭگىمەلەسۋ, تەستىلەۋ, تاعىلىمداما, كۋالاندىرۋدان وتەتىن جەرگە بارۋ جانە كەرى قايتۋ, تۇرعىن ءۇيدى جالداۋ, تۇرۋ, بايلانىس قىزمەتىنىڭ بارلىق تۇرلەرىن قولدانۋ جانە باسقا دا شىعىستار) ازاماتتاردىڭ ءوز قاراجاتتارى ەسەبىنەن تولەنەدى.
2. ىرىكتەۋ كوميسسياسىنىڭ قۇرىلۋى مەن قىزمەتى
6. كانديداتتىڭ قۇجاتتارىن (جەكە ءىسىن) قاراستىرۋ ماقساتىندا ىرىكتەۋ كوميسسياسى قۇرىلادى (بۇدان ءارى – كوميسسيا).
كوميسسيا القالى ورگان بولىپ تابىلادى جانە پروكۋراتۋرا ورگاندارىنداعى بوس اسكەري لاۋازىمدارعا كانديداتتاردى ىرىكتەۋدى جۇزەگە اسىرادى.
7. كوميسسيانىڭ قۇرامى باس پروكۋراتۋرادا باس پروكۋروردىڭ, باس اسكەري پروكۋراتۋرادا باس اسكەري پروكۋروردىڭ بۇيرىقتارىمەن بەكىتىلەدى.
كوميسسيانىڭ قۇرامىنا توراعا, ونىڭ ورىنباسارى جانە بەستەن كەم ەمەس كوميسسيا مۇشەلەرى كىرەدى.
پروكۋراتۋرا ورگانى باسشىسىنىڭ شەشىمى بويىنشا ونىڭ ورىنباسارلارىنىڭ بىرەۋى ىرىكتەۋ كوميسسياسىنىڭ توراعاسى بولىپ تاعايىندالادى. كوميسسيانىڭ قۇرامىنا پروكۋراتۋرا ورگانى بولىمشەلەرىنىڭ باسشىلارى, كادر جۇمىسى جانە ىشكى قاۋىپسىزدىكتى قامتاماسىز ەتۋ بولىمشەلەرىنىڭ وكىلدەرى كىرەدى.
كوميسسيا جۇمىسىنىڭ ورىندالۋىن كادر جۇمىس بولىمشەسىنىڭ قىزمەتكەرلەرى اراسىنان تاعايىندالعان حاتشى قامتاماسىز ەتەدى.
8. كوميسسيانىڭ توراعاسى كوميسسيانى باسقارادى, ونىڭ جۇمىسىن ۇيلەستىرەدى, كوميسسيا مۇشەلەرىنىڭ اراسىندا مىندەتتەردى بولەدى, كۇن ءتارتىبىن, وتىرىستىڭ وتكىزىلۋ ورنى مەن ۋاقىتىن بەلگىلەيدى, ىرىكتەۋگە كەلەتىن كانديداتتاردىڭ ءتىزىمىن بەكىتەدى.
9. كوميسسيا توراعاسىنىڭ ورىنباسارى كوميسسيا وتىرىستارىن دايىنداۋ مەن وتكىزۋگە باقىلاۋ جۇرگىزەدى, توراعا بولماعان جاعدايدا ونىڭ مىندەتتەرىن اتقارادى.
10) كوميسسيا مۇشەلەرى:
1) قۇزىرەتتەرىنە كىرەتىن سۇراقتاردى قاراستىرۋدا بەيتاراپ جانە ءادىل بولۋدى;
2) وزدەرىنە جۇكتەلگەن وكىلەتتىكتەردى ورىنداۋعا بايلانىستى بەلگىلى بولعان كانديداتتار تۋرالى جەكە دەرەكتەر مەن باسقا دا اقپاراتتارعا قاتىستى قۇپيالىلىقتى, سونداي-اق داۋىس بەرۋ قۇپياسىن ساقتاۋدى;
3) شەشىم قابىلدانىپ جاتقان كانديداتتىڭ ىرىكتەۋ مالىمەتتەرىن قاراستىرۋ بارىسىندا, ەگەر ول كوميسسيا مۇشەسىنىڭ جاقىن تۋىسى نەمەسە جەكجاتى بولسا, وزدىگىنەن باس تارتۋدى;
4) حاتتامالىق شەشىمدەرگە ءوز قولىن قويۋدى, كوميسسيا قىزمەتىنە قاتىستى توراعانىڭ تاپسىرمالارىن ورىنداۋدى قامتاماسىز ەتەدى.
11. كوميسسيانىڭ حاتشىسى:
1) ىرىكتەۋ كوميسسياسىنىڭ قاراۋىنا تۇسكەن كانديداتتاردىڭ قۇجاتتارىمەن جۇمىس جۇرگىزۋدى ۇيىمداستىرادى, ولار تۋرالى توراعاعا باياندايدى, كوميسسيا مۇشەلەرىن قۇجاتتارمەن تانىستىرادى;
2) كوميسسيا مۇشەلەرىنە وتىرىستىڭ وتكىزىلۋ ورنى مەن ۋاقىتى تۋرالى حابارلايدى;
3) كانديداتتاردى كوميسسيانىڭ وتىرىسىنا جانە اڭگىمەلەسۋگە شاقىرۋدى قامتاماسىز ەتەدى;
4) كوميسسيانىڭ ءىس-قاعازدارىن جۇرگىزەدى, وتىرىستىڭ حاتتاماسىن دايىندايدى, كوميسسيا قابىلداعان شەشىمدەرگە ءوز قولىن قويادى, سونداي-اق كوميسسيا شەشىمىنىڭ ورىندالۋىن باقىلايدى;
5) كوميسسيانىڭ قىزمەتىنە قاتىستى توراعانىڭ تاپسىرمالارىن ورىندايدى.
12. پروكۋراتۋرا ورگانىنىڭ ىشكى قاۋىپسىزدىگىن قامتاماسىز ەتۋ بولىمشەسى كانديداتقا قاتىستى پروكۋراتۋرا ورگاندارىنا كەلىسىمشارت بويىنشا اسكەري قىزمەتكە الۋعا كەدەرگىلەردىڭ بار-جوقتىعى تۋرالى انىقتامانى كوميسسيا وتىرىسىنا ۇسىنادى.
13. كوميسسيا قۇرامىنىڭ ۇشتەن ەكى بولىگى قاتىسقان جاعدايدا, كوميسسيا وتىرىسى زاڭدى بولىپ ەسەپتەلەدى. ىرىكتەۋ كوميسسياسىنىڭ جوق مۇشەلەرىنىڭ ورنىن ۋاقىتشا اۋىستىرۋعا رۇقسات ەتىلمەيدى.
كوميسسيا مۇشەلەرى كۇن تارتىبىمەن كوميسسيانىڭ وتىرىسى باستالعانعا دەيىن ءۇش كۇن بۇرىن تانىسادى.
كوميسسيانىڭ جۇمىسىنا قاتىسۋ ءۇشىن كانديداتتاردى ىرىكتەۋ جۇرگىزىلىپ جاتقان, بوس لاۋازىمدارى بار بولىمشەلەردىڭ باسشىلارى شاقىرىلۋى مۇمكىن, ولاردىڭ پىكىرلەرى ۇسىنىمدىق سيپاتتا بولادى.
14. كانديداتتىڭ پروكۋراتۋرا ورگاندارىندا كەلىسىمشارت بويىنشا اسكەري قىزمەتتى وتكەرۋ ءۇشىن پسيحولوگيالىق جارامدىلىق دەڭگەيىن انىقتاۋدىڭ ناتيجەلەرى مەن مىندەتتى ارنايى تەكسەرىس قورىتىندىلارى دايىن بولعان جاعدايدا كوميسسيانىڭ قورىتىندى وتىرىسى وتكىزىلەدى.
15. كوميسسيا وتىرىسى كەلەسى ءتارتىپ بويىنشا وتكىزىلەدى:
1) كوميسسيا توراعاسىنىڭ وتىرىستى اشىق دەپ جاريالاۋى;
2) كوميسسيا حاتشىسىنىڭ وتىرىستىڭ كۇن ءتارتىبى مەن كانديداتتىڭ ءبىلىم دەڭگەيىن, اسكەري لاۋازىمنىڭ اسكەري-ەسەپتىك ماماندىعىن, ونىڭ تالاپتارعا سايكەس دەنە شىنىقتىرۋ دايارلىعىن, قىزمەتكە قاجەتتى كاسىبي جارامدىلىعىن تەكسەرۋدىڭ ناتيجەلەرىن جاريالاۋى;
3) كانديداتپەن اڭگىمەلەسۋ;
4) كوميسسيا مۇشەلەرىنىڭ پىكىرلەرىن تىڭداۋ;
5) داۋىس بەرۋ مەن شەشىم قابىلداۋ;
6) كانديداتقا قابىلدانعان شەشىم تۋرالى حابارلاۋ.
اڭگىمەلەسۋ ءار كانديداتپەن جەكە تۇردە وتكىزىلەدى جانە تەحنيكالىق قۇرال-جابدىقتار ارقىلى جازىلادى, بۇل تۋرالى كانديداتقا الدىن-الا حابارلانادى.
كوميسسيا مۇشەلەرىنىڭ تالقىلاۋلارى مەن داۋىس بەرۋلەرى بوگدە تۇلعالاردىڭ قاتىسۋىنسىز جۇزەگە اسىرىلادى.
16. كوميسسيا شەشىمى وعان قاتىسقان مۇشەلەرىنىڭ كوپشىلىگىنىڭ داۋسىمەن قابىلدانادى. داۋىستار تەڭ بولعان كەزدە كوميسسيا توراعاسىنىڭ داۋىسى شەشۋشى بولىپ تابىلادى.
كوميسسيانىڭ شەشىمى حاتتامامەن رەسىمدەلەدى.
كوميسسيا حاتشىسىنىڭ داۋىس بەرۋگە قاتىسۋعا قۇقىعى جوق.
17. وتىرىستىڭ قورىتىندىسى بويىنشا كوميسسيا كەلەسى شەشىمدەردىڭ ءبىرىن قابىلدايدى:
1) كەلىسىمشارت بويىنشا اسكەري قىزمەتكە كىرۋگە ۇسىنۋ جانە لاۋازىمعا تاعايىنداۋ;
2) كەلىسىمشارت بويىنشا اسكەري قىزمەتكە كىرۋ ءۇشىن رەزەرۆكە ەنگىزۋگە ۇسىنۋ;
3) كەلىسىمشارت بويىنشا اسكەري قىزمەتكە كىرۋدەن باس تارتۋ.
كوميسسيا وتىرىسىنىڭ قورىتىندىسى بويىنشا توراعا قابىلدانعان شەشىم تۋرالى ءاربىر كانديداتقا حابارلايدى.
18. كەلىسىمشارت بويىنشا اسكەري قىزمەتكە كىرۋ ءۇشىن رەزەرۆكە ەنگىزۋگە ىرىكتەۋ كوميسسياسى ۇسىنعان كانديداتتار, ءتيىستى اسكەري-ەسەپتىك ماماندىعىنا سايكەس اسكەري لاۋازىمنىڭ ساناتى بويىنشا الىنادى.
19. رەزەرۆكە ەنگىزۋ تۋرالى كوميسسيانىڭ ۇسىنىمدارى ءاربىر بوس لاۋازىم ءۇشىن ۇشەۋدەن اسپايتىن كانديداتقا قاتىستى شىعارىلادى.
20. رەزەرۆكە ەنگىزۋ ىرىكتەۋ كوميسسياسى شەشىم شىعارعان كۇننەن باستاپ بەس جۇمىس كۇنىنەن كەشىكتىرمەي پروكۋراتۋرا ورگانى باسشىسىنىڭ بۇيرىعىمەن جۇرگىزىلەدى.
21. كەلىسىمشارت بويىنشا اسكەري قىزمەتكە كىرۋ ءۇشىن كانديداتتاردىڭ رەزەرۆتە تۇرۋ مەرزىمى, ول ەنگىزىلگەن كۇننەن باستاپ ءبىر جىل.
22. كوميسسيا وتىرىسىنا دالەلدى سەبەپتەرمەن (اۋىرىپ قالعان جاعدايدا, وتباسى نەمەسە باسقا جاعدايلارعا بايلانىستى) كەلمەگەن كانديداتپەن اڭگىمەلەسۋ كەلەسى وتىرىستا وتكىزىلەدى.
كانديداتتىڭ دالەلدى سەبەپسىز قورىتىندى وتىرىسقا كەلمەۋى پروكۋراتۋرا ورگاندارىنا كەلىسىمشارت بويىنشا اسكەري قىزمەتكە قابىلداۋدان باس تارتۋعا نەگىز بولىپ تابىلادى.
23. شەشىم ەركىن نىساندا حاتتاما تۇرىندە رەسىمدەلەدى جانە وعان توراعا, كوميسسيانىڭ مۇشەلەرى مەن حاتشىسى قول قويادى.
وتىرىستىڭ حاتتاماسىندا ءاربىر كانديداتقا قاتىستى شەشىم كورسەتىلەدى. كوميسسيا مۇشەسىندە ەرەكشە پىكىر بولعان جاعدايدا, ول مىندەتتى تۇردە جازباشا كورسەتىلەدى جانە وتىرىس حاتتاماسىنا قوسا تىركەلەدى.
3. پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى كاسىبي جانە پسيحولوگيالىق ىرىكتەۋ جونىندەگى شارالار
24. پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى ىرىكتەۋ اسكەري لاۋازىمعا سايكەس اسكەري-ەسەپتىك ماماندىق بويىنشا بوس ورىن پايدا بولۋىنا قاراي جىلىنا كەمىندە ءبىر رەت وتكىزىلەدى جانە كەلەسى تارتىپتە ىسكە اسىرىلادى:
1) مەديتسينالىق كۋالاندىرۋدان ءوتۋ;
2) دەنە شىنىقتىرۋ دايارلىعىنىڭ دەڭگەيىنە سايكەستىكتى انىقتاۋ;
3) كاسىبي دايارلىق دەڭگەيىن جانە اسكەري لاۋازىمعا تاعايىنداۋ ءۇشىن قارالىپ وتىرعان اسكەري-ەسەپتىك ماماندىققا (بىلىمگە) سايكەستىكتى انىقتاۋ;
4) پسيحولوگيالىق جارامدىلىققا تەكسەرىستەن ءوتۋ.
25. كادر جۇمىسىنىڭ بولىمشەلەرى پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى ىرىكتەۋ كەزىندە اسكەري ەسەپ, مەديتسينالىق كۋالاندىرۋ, پسيحولوگيالىق دايارلىققا تەكسەرۋ ماسەلەلەرى بويىنشا جەرگىلىكتى اسكەري باسقارۋ ورگاندارىمەن ءوزارا ارەكەتتەسەدى (بۇدان ءارى – ءجابو).
26. كانديداتتى ىرىكتەۋگە جىبەرگەن جاعدايدا, كادر قىزمەتى بولىمشەسى ءۇش جۇمىس كۇنى ىشىندە وسى قاعيدانىڭ 1-قوسىمشاسىنا سايكەس نىسان بويىنشا, اسكەري ەسەپكە الىنۋ (تىركەلۋ) ورنى بويىنشا ءجابو-عا كانديداتقا جولداما بەرەدى, كانديداتتىڭ قۇجاتتارىن مىندەتتى ارنايى تەكسەرىس جۇرگىزۋ ءۇشىن ۇلتتىق قاۋىپسىزدىك ورگاندارىنا جىبەرەدى.
پروكۋراتۋرا ورگاندارىنا كەلىسىمشارت بويىنشا اسكەري قىزمەتكە قابىلدانۋشى كانديداتتارعا ءجابو-عا جولدامالاردى بەرۋ وسى قاعيدانىڭ 2-قوسىمشاسىنا سايكەس ەسەپكە الۋ جانە بەرۋ جۋرنالىنداعى (بۇدان ءارى - جۋرنال) جازبا نەگىزىندە جۇزەگە اسىرىلادى.
جۋرنال نومىرلەنگەن, باۋمەن بايلانعان, ءمور باسىلعان جانە كادر جۇمىسىنىڭ بولىمشەسىنىڭ باسشىسى قول قويعان بولۋى ءتيىس.
كانديداتقا جولدامانى بەرۋ كەزىندە, قۇرىلىمدىق بولىمشە يندەكسىنەن, جۋرنالدىڭ رەتتىك نومىرىنەن جانە ونى بەرگەن جىلدىڭ سوڭعى ەكى سانىمەن قوسا ءنومىر بەرىلەدى (مىسالى, 6/1-14).
جۋرنال پروكۋراتۋرا ورگانىنىڭ مۇراعاتىندا ساقتالادى جانە ىستەردىڭ بەكىتىلگەن نومەنكلاتۋراسى بويىنشا بەلگىلەنگەن مەرزىم اياقتالعاننان كەيىن جويىلۋعا جاتادى.
27. اسكەري قىزمەت وتكەرۋ قاعيدالارىنىڭ 21-تارماعىندا كورسەتىلگەن كانديداتپەن ۇسىنىلعان قۇجاتتار جانە كادر جۇمىسى بولىمشەسىنىڭ جولداماسى نەگىزىندە ءجابو:
1) كانديداتتىڭ جەكە ءىسىن راسىمدەيدى;
2) مەديتسينالىق كۋالاندىرۋدى ۇيىمداستىرادى;
3) پسيحولوگيالىق جارامدىلىققا تەكسەرۋ جۇرگىزەدى.
28. كانديداتتى مەديتسينالىق كۋالاندىرۋ حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستىڭ 8-بابىنىڭ 12) تارماقشاسىنا سايكەس جۇزەگە اسىرىلادى.
29. ءجابو-نىڭ مەديتسينالىق كۋالاندىرۋ قورىتىندىلارى كانديداتتىڭ جەكە ىسىنە قوسىلادى جانە بەس جۇمىس كۇنى ىشىندە جولداما بەرگەن پروكۋراتۋرا ورگانىنىڭ كادر جۇمىسى بولىمشەسىنە جىبەرىلەدى.
30. اسكەري قىزمەتتى وتكەرۋگە دەنساۋلىق جاعدايى بويىنشا جارامدى دەپ تانىلعان كانديدات, ءجابو-دان جەكە ءىسىن كادر جۇمىسى بولىمشەسى العاننان كەيىن ون بەس جۇمىس كۇنى ىشىندە دەنە شىنىقتىرۋ دايارلىعى بويىنشا تەكسەرۋدەن وتەدى.
دەنە شىنىقتىرۋ دايارلىعىن تەكسەرۋدى وتكىزۋ ورنى مەن ۋاقىتى تۋرالى كانديداتقا كادر جۇمىسى بولىمشەسى, ول باستالعانعا دەيىن بەس جۇمىس كۇنى بۇرىن حابارلايدى.
31. كانديداتتىڭ دەنە شىنىقتىرۋ دايارلىعىن تەكسەرۋ كادر جۇمىسى بولىمشەسىنە جۇكتەلەدى جانە دەنە شىنىقتىرۋ دايارلىعى بويىنشا ۋاكىلەتتى لاۋازىمدى تۇلعانىڭ (نۇسقاۋشى) جانە ىرىكتەۋ كوميسسياسىنىڭ كەم دەگەندە ءۇش مۇشەسىنىڭ قاتىسۋىمەن جۇرگىزىلەدى.
32. دەنە شىنىقتىرۋ دايارلىعىنىڭ جاعدايىن تەكسەرۋ پروكۋراتۋرا ورگاندارىنا اسكەري قىزمەتكە كەلىسىمشارت بويىنشا قابىلداناتىن كانديداتتاردىڭ جاس ەرەكشەلىك توبى ەسكەرىلىپ, وسى قاعيدالاردىڭ 3-قوسىمشاسىنا سايكەس دەنە شىنىقتىرۋ دايارلىعى بويىنشا جۇزەگە اسىرىلادى.
كانديداتتىڭ دەنە شىنىقتىرۋ دايارلىعىن تەكسەرۋ پروكۋراتۋرا ورگاندارىنا كەلىسىمشارت بويىنشا اسكەري قىزمەتكە قابىلداناتىن كانديداتتار (ەر, ايەل) ءۇشىن دەنە شىنىقتىرۋ دايارلىعىن باعالاۋ بويىنشا باقىلاۋ نورماتيۆتەرىنە سايكەس كۇشتىك, جىلدامدىق جانە شىدامدىلىق دەيگەيلەرىن انىقتاۋدان جانە پروكۋراتۋرا ورگاندارىنا كەلىسىمشارت بويىنشا اسكەري قىزمەتكە قابىلداناتىن كانديداتتاردىڭ دەنە شىنىقتىرۋ جاتتىعۋلارىن وسى قاعيدالاردىڭ 4 جانە 5-قوسىمشالارىنا سايكەس ورىنداۋ جاعدايىنان تۇرادى.
33. پروكۋراتۋرا ورگاندارىنا كەلىسىمشارت بويىنشا اسكەري قىزمەتكە قابىلداناتىن كانديداتتاردىڭ دەنە شىنىقتىرۋ دايارلىعى بويىنشا ناتيجەلەرى مەن باعالارى باقىلاۋ نورماتيۆتەرىن تاپسىرۋ تىزىمدەمەسىندە (بۇدان ءارى – تىزىمدەمە) وسى قاعيدالاردىڭ 6-قوسىمشاسىنا سايكەس كورسەتىلەدى.
تەكسەرىسكە بەلگىلەنگەن بارلىق جاتتىعۋلاردى كانديدات ءبىر جۇمىس كۇنى ىشىندە ورىندايدى جانە تەحنيكالىق جازبا قۇرالدارى كومەگىمەن بەلگىلەنىپ وتىرادى, بۇل تۋرالى كانديداتقا ەسكەرتىلەدى.
34. جاتتىعۋدى جاساۋ ءۇشىن ءبىر مۇمكىندىك بەرىلەدى, ال جەكەلەگەن جاعدايلاردا ء(ۇزىلىپ كەتسە, قۇلاپ قالسا) كانديداتقا جاتتىعۋدى قايتا جاساۋعا رۇقسات ەتىلەدى. الىنعان باعانى جاقسارتۋ ماقساتىندا جاتتىعۋلاردى جاساۋعا جول بەرىلمەيدى.
تەكسەرىس بارىسىندا جاتتىعۋلار كەلەسى رەتپەن ورىندالادى: جىلدامدىققا ارنالعان جاتتىعۋلار, كۇش جۇمساپ ورىندالاتىن جاتتىعۋلار, شىدامدىلىقتى سىناۋعا ارنالعان جاتتىعۋلار.
كانديداتتىڭ دالەلدى سەبەپتەرسىز جاتتىعۋدى جاساۋدان باس تارتۋى «قاناعاتتانارلىقسىز» دەپ باعالانادى.
كانديدات ۋاقىتشا ەڭبەككە جارامسىزدىق تۋرالى انىقتاما نەمەسە پاراقشا ارقىلى راستالعان جاراقات نەمەسە ناۋقاستىعىنا بايلانىستى جاتتىعۋدى ورىنداۋ مۇمكىن بولمايتىن جاعدايدا, نۇسقاۋشى ونىڭ ورنىنا باسقا جاتتىعۋدى ۇسىنادى.
تەكسەرۋگە دالەلدى سەبەپتەرسىز كەلمەگەن كانديدات نەمەسە تەكسەرۋ ورنىنا ول اياقتالعاننان كەيىن كەلگەن كانديدات «قاناعاتتانارلىقسىز» دەپ باعالانادى.
كانديداتتىڭ دەنە شىنىقتىرۋ دايارلىعى دەڭگەيىنىڭ جالپى باعاسى ونىڭ ءۇش نورماتيۆ – كۇشتىك, جىلدامدىق جانە شىدامدىلىق دەڭگەيى بويىنشا ورىنداعان باعالارىنىڭ قوسىندىسىنان تۇرادى جانە ول كەلەسىدەي انىقتالادى:
1) «وتە جاقسى» – ەكى «وتە جاقسى» جانە ءبىر «جاقسى» دەگەن باعالار بولعان جاعدايدا;
2) «جاقسى» – ەكى «جاقسى» جانە ءبىر «قاناعاتتانارلىق» دەگەن باعالار بولعان جاعدايدا;
3) «قاناعاتتانارلىق» – ەگەر ءبىر «قاناعاتتانارلىقسىز» باعاسى بولعان جاعدايدا, «قاناعاتتانارلىق» دەگەن ەكى باعاعا رۇقسات ەتىلەدى.
دەنە شىنىقتىرۋ دايارلىعى بويىنشا ناتيجەلەر مەن باعالار كانديداتتاردىڭ قولدارىن قويۋ ارقىلى تانىساتىن تىزىمدەمەدە كورسەتىلەدى. كانديداتتىڭ قولى قويىلعان تىزىمدەمە ونىڭ جەكە ىسىنە تىركەلەدى.
35. كانديدات دەنە شىنىقتىرۋ دايارلىعى بويىنشا قويىلاتىن تالاپتارعا سايكەس كەلگەن جاعدايدا, ونىڭ كاسىبي دايىندىق دەڭگەيى جانە قاراستىرىلىپ وتىرعان اسكەري لاۋازىمعا تاعايىنداۋ ءۇشىن ونىڭ اسكەري-ەسەپتىك ماماندىعىنا (بىلىمگە) سايكەستىگى انىقتالادى, ول مىناداي ءىس-شارالار جۇرگىزۋدى قامتيدى:
1) قازاقستان رەسپۋبليكاسى زاڭناماسى تۋرالى ءبىلىمىن كومپيۋتەرلىك تەستىلەۋ جانە لوگيكالىق ويلاۋ (بۇدان ءارى – تەستىلەۋ);
2) تاعىلىمداما.
36. قاتارداعى, سەرجانتتىق جانە وفيتسەرلىك قۇرامداردىڭ اسكەري لاۋازىمدارىنا تاعايىنداۋ ءۇشىن قاراستىرىلاتىن كانديداتتاردى تەستىلەۋدى باس پروكۋراتۋرا وسى قاعيدالاردىڭ 7-قوسىمشاسىنا سايكەس كومپيۋتەرلىك تەستىلەۋ باعدارلاماسىنا ساي زاڭنامانىڭ وزگەرۋ جاعدايىنا بايلانىستى مەرزىمدى تۇردە جاڭارتىلىپ وتىراتىن, ارنايى ازىرلەنگەن سۇراقتار بويىنشا كانديداتتىڭ قالاۋىمەن قازاق نەمەسە ورىس تىلدەرىندە «ون-لاين» رەجيمىندە نەمەسە باس پروكۋراتۋرانىڭ كومپيۋتەرلىك تەستىلەۋ زالىندا جۇرگىزىلۋى مۇمكىن.
37. كادر جۇمىسى بولىمشەسى دەنە شىنىقتىرۋ دايارلىعىن تەكسەرۋدىڭ ناتيجەلەرىن العاننان كەيىن ون جۇمىس كۇنى ىشىندە تەستىلەۋگە جىبەرىلەتىن كانديداتتاردىڭ ءتىزىمىن راسىمدەيدى جانە ول تەستىلەۋدىڭ ورنى مەن ۋاقىتىن كەلىسۋ ءۇشىن باس پروكۋراتۋراعا جولدايدى.
تىزىمدە كەلەسى مالىمەتتەر كورسەتىلەدى: كانديداتتىڭ تەگى, اتى, اكەسىنىڭ اتى (بار بولعان جاعدايدا), جەكە سايكەستەندىرۋ ءنومىرى (جسن), قازاقستان رەسپۋبليكاسى ازاماتىنىڭ جەكە كۋالىگىنىڭ (قازاقستان رەسپۋبليكاسى ازاماتىنىڭ تولقۇجاتى) ءنومىرى مەن بەرىلگەن كۇنى, لاۋازىمدىق ساناتىنىڭ قۇرامى, تەستىلەۋدى وتكىزۋ ورنى.
باس پروكۋراتۋرانىڭ كادر جۇمىسى بولىمشەسى كانديداتتارعا ارناپ لوگيندەر مەن قۇپياسوزدەر جاساقتايدى, تەستىلەۋدى وتكىزۋ كەستەسىن دايىندايدى, وسىدان كەيىن وسى مالىمەتتەر پروكۋراتۋرا ورگاندارىنىڭ كادر جۇمىسى بولىمشەلەرىنە جولدانادى.
تەستىلەۋ وتەتىن كۇن, ۋاقىت جانە ورىن تۋرالى تەستىلەۋ باستالعانعا دەيىن, كەمىندە بەس جۇمىس كۇنى بۇرىن كادر جۇمىسى بولىمشەسى كانديداتتارعا حابارلايدى.
38. تەستىلەۋدى جۇرگىزۋ وبەكتيۆتىلىگى شارتتاردىڭ ستاندارتتىعى, ۋاقىتى, اۆتوماتتىق ەسەپتەلۋى مەن تەستىلەردىڭ مازمۇنىمەن قامتاماسىز ەتىلەدى. تەستىلەۋ پروتسەسى اۋديو-بەينە حاتتاما جاساۋ مەن تەحنيكالىق بايلانىس قۇرالدارىن قولدانۋ ارقىلى جۇرگىزىلەدى, ول تۋرالى كانديداتقا ەسكەرتىلەدى.
جسن بار, قازاقستان رەسپۋبليكاسى ازاماتىنىڭ جەكە كۋالىگىن وزىمەن بىرگە اكەلگەن كانديدات تەستىلەۋگە جىبەرىلەدى.
تەستىلەۋ ۋاقىتىندا كانديداتتارعا باسقا كانديداتتارمەن سويلەسۋگە, ماتەريالدار الماسۋعا, قاعاز جانە ەلەكتروندى تاسىمالداعىشتارداعى اقپاراتتاردى (سونىڭ ىشىندە ۇيالى تەلەفونداردى, قالتا دەربەس كومپيۋتەرلەرىن جانە باسقا دا ەلەكتروندى قۇرىلعىلاردى) پايدالانۋعا, تەستىلەۋ اياقتالعانعا دەيىن بولمەدەن شىعۋعا تىيىم سالىنادى.
كانديدات تەستىلەۋگە دالەلدى سەبەپتەرمەن كەلمەگەن جاعدايدا, سونىمەن بىرگە تەستىلەۋ ۋاقىتىندا ءوزىن جايسىز سەزىنگەن جاعدايدا, بۇل تۋرالى الدىن-الا تەستىلەۋ وتكىزۋدىڭ باستالۋىنا دەيىن كادر جۇمىسى بولىمشەسىنىڭ وكىلىنە حابارلانادى, وسىنداي تۇلعالاردىڭ تەستىلەنۋى وسى كۇن ىشىندە باسقا ۋاقىتتا نەمەسە تەستىلەۋ كەستەسىنە سايكەس انىقتالاتىن باسقا كۇنى جۇرگىزىلەدى.
وسى تارماقتىڭ تالاپتارىن بۇزعان كانديدات, سونىمەن بىرگە تەستىلەۋگە دالەلسىز سەبەپتەرمەن كەلمەگەن كانديدات قايتا تەستىلەۋگە التى اي مەرزىم وتكەننەن كەيىن عانا جىبەرىلەدى.
39. وفيتسەرلىك قۇرامداعى لاۋازىمدارعا نيەت بىلدىرگەن كانديداتتار ءۇشىن تەستىلەۋ باعدارلاماسى بويىنشا تەستىلەردى ورىنداۋعا بەرىلەتىن ۋاقىت 90 مينۋتتى (120 سۇراقتار), قاتارداعى جانە سەرجانتتىق قۇرامدار – 90 مينۋتتى (90 سۇراقتار) قۇرايدى.
تەست بويىنشا ءوتۋ ءمانى تەستىلەۋ باعدارلاماسىندا كورسەتىلگەن نورماتيۆتىك قۇقىقتىق اكتىلەر بويىنشا دۇرىس جاۋاپتاردىڭ سانى جالپى سۇراقتاردىڭ سانىنان 70% كەم بولماۋى كەرەك.
وسى ورايدا, قازاقستان رەسپۋبليكاسىنىڭ كونستيتۋتسياسى, «پروكۋراتۋرا تۋرالى», «سىبايلاس جەمقورلىققا قارسى كۇرەس تۋرالى» قازاقستان رەسپۋبليكاسىنىڭ زاڭدارىنا, قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى №1567 جارلىعىمەن بەكىتىلگەن قازاقستان رەسپۋبليكاسىنىڭ مەملەكەتتىك قىزمەتشىلەرىنىڭ ار-نامىس كودەكسى بويىنشا (مەملەكەتتىك قىزمەتشىلەردىڭ قىزمەت ەتيكاسى ەرەجەلەرى) (بۇدان ءارى – ار-نامىس كودەكسى) دۇرىس جاۋاپتار سانى ءاربىر نورماتيۆتىك قۇقىقتىق اكتىنىڭ 70% كەم بولماۋى كەرەك.
40. تەستىلەۋ اياقتالعاننان كەيىن كادر جۇمىسى بولىمشەسىنىڭ وكىلى كانديداتقا تەستىلەۋدىڭ ناتيجەلەرىن قول قويۋ ارقىلى تانىستىرادى. كانديداتتىڭ قولى قويىلعان تەستىلەۋ ناتيجەلەرىنىڭ ءبىر داناسى ونىڭ جەكە ىسىنە تىركەلەدى.
ءوتۋ مانىنەن كەم ەمەس باعا العان كانديداتتىڭ تەستىلەۋ ناتيجەلەرى تەستىلەۋ وتكەن كۇننەن باستاپ ءبىر جىل ىشىندە جارامدى بولىپ ەسەپتەلەدى.
كانديدات تەستىلەۋدەن ءوتۋ مانىنەن تومەن باعا العان جاعدايدا, ول الداعى تەستىلەۋ كۇنىنەن باستاپ ءۇش اي وتكەننەن كەيىن تەستىلەۋدەن قايتا وتۋگە قۇقىلى.
41. دەنساۋلىق جاعدايى بويىنشا پروكۋراتۋرا ورگاندارىندا اسكەري قىزمەتتەن وتۋگە جانە دەنە شىنىقتىرۋ دايارلىعى بويىنشا ءتيىستى تالاپتارعا جارامدى دەپ تانىلعان, كومپيۋتەرلىك تەستىلەۋ ناتيجەسىندە ءوتۋ مانىنەن كەم ەمەس باعا العان جانە پروكۋراتۋرا ورگاندارىنا اسكەري قىزمەتكە كىرۋ ءۇشىن ەش كەدەرگىلەردىڭ جوقتىعى تۋرالى مىندەتتى ارنايى تەكسەرىستىڭ قورىتىندىسىن العان كانديدات تەستىلەۋ كۇنىنەن باستاپ بەس جۇمىس كۇنى ىشىندە تاعىلىمدامادان وتۋگە جولدانادى.
كادر جۇمىسى بولىمشەسى تاعىلىمدامانىڭ ورنى مەن جەتەكشىسىن بەلگىلەيدى.
42. تاعىلىمدامادان ءوتۋ مەرزىمى:
1) وفيتسەرلىك قۇرامداعى لاۋازىمدارعا كانديداتتار ءۇشىن – ءبىر اي;
2) قاتارداعى جانە سەرجانتتىق قۇرامداعى لاۋازىمدارعا كانديداتتار ءۇشىن – ون جۇمىس كۇنى;
3) بۇعان دەيىن قۇقىق قورعاۋ جانە ارنايى مەملەكەتتىك ورگانداردا اعا جانە ورتا باسشى قۇرامنىڭ لاۋازىمدارىندا قىزمەت اتقارعان, سىنىپتىق شەندەرگە, اسكەري نەمەسە ارنايى اتاقتارعا يە جانە (نەمەسە) اسكەري اتاقتارى بار وفيتسەرلىك قۇرامداعى اسكەري لاۋازىمداردا كەلىسىمشارت بويىنشا اسكەري قىزمەت اتقارعان كانديداتتار ءۇشىن – ون جۇمىس كۇنى بولادى.
43. تاعىلىمدامانىڭ جەتەكشىسى:
1) وسى قاعيدالاردىڭ 8-قوسىمشاسىنا سايكەس كانديداتتى تاعىلىمدامادان وتكىزۋدىڭ ۇلگىلىك جوسپارى بويىنشا تاعىلىمدامانىڭ جەكە جوسپارىن دايىنداپ, بەكىتەدى;
2) كانديداتتى ونىڭ فۋنكتسيونالدىق مىندەتتەرى مەن پروكۋراتۋرا ورگانى قىزمەتىنىڭ ۇيىمداستىرىلۋىمەن تانىستىرادى;
3) تاعىلىمدامانىڭ جەكە جوسپارىمەن قاراستىرىلعان ماسەلەلەردى زەرتتەۋدە قاجەتتى ادىستەمەلىك جانە تاجىريبەلىك كومەك كورسەتەدى;
4) تاعىلىمدامانىڭ جەكە جوسپارىنىڭ مەرزىمدى ورىندالۋىن قاداعالايدى.
44. كانديدات تاعىلىمداما بارىسىندا:
1) تاعىلىمدامانىڭ جەكە جوسپارىندا كورسەتىلگەن ءىس-شارالاردى بەلگىلەنگەن مەرزىمدە ورىندايدى;
2) بەلگىلەنگەن كۇن ءتارتىبى مەن ەڭبەك ءتارتىبىن ساقتايدى;
3) ورىندالعان جۇمىس ەسەبىن جۇرگىزەدى;
4) تاعىلىمداما بارىسىندا العان اقپاراتتى جاريا ەتپەيدى;
5) تاعىلىمداما جەتەكشىسىنىڭ تاپسىرمالارى شەگىندە ارەكەت ەتەدى, مەملەكەتتىك قۇپيالارعا رۇقساتتى تالاپ ەتەتىن رەجيمدىك نىسانداردا جۇرگىزىلەتىن ءىc-شارالاردى, سونداي-اق ونىڭ ءومىرى مەن دەنساۋلىعىنا قاۋىپ تونگەن جاعدايلاردى قوسپاعاندا, بارلىق پروكۋراتۋرا ورگاندارىندا وتەتىن ءىس-شارالارعا قاتىسادى;
6) قىزمەتتىك م ۇلىك پەن تەحنيكالىق قۇرالدارعا ۇقىپتى قارايدى;
7) كيىنۋدە ىسكەرلىك ءستيلدى ۇستانادى.
45. تاعىلىمداما مەرزىمى اياقتالعاننان كەيىن كانديدات تاعىلىمدامانىڭ جەكە جوسپارىن ورىنداۋدىڭ ناتيجەلەرى باياندالاتىن جازباشا ەسەپ دايىندايدى. ەسەپكە كانديدات دايىنداعان جانە جەتەكشىمەن راستالعان قۇجاتتاردىڭ جوبالارى تىركەلەدى.
46. تاعىلىمداما ناتيجەلەرى بويىنشا جەتەكشى كانديداتقا مىنەزدەمە جازادى.
مىنەزدەمەدە تەوريالىق ءبىلىمى مەن تاجىريبەلىك جۇمىس داعدىلارىنا باعا بەرىلىپ, كانديداتتىڭ ادامگەرشىلىك جانە ىسكەرلىك قاسيەتتەرى, ونىڭ ەڭبەك جانە ورىنداۋشىلىق تارتىپكە دەگەن كوزقاراسى, سونداي-اق كانديداتتىڭ جەكە تۇلعاسىن سيپاتتايتىن باسقا دا دەرەكتەر كورسەتىلەدى.
تاعىلىمداما جەتەكشىسى كانديدات تاعىلىمداماسىنىڭ مالىمەتتەرىن (ەسەپ, سيپاتتاما) كادر جۇمىسى بولىمشەسىنە تاعىلىمداما اياقتالعاننان كەيىن ءۇش كۇننەن كەشىكتىرمەي ۇسىنادى.
47. كانديدات تاعىلىمدامادان كەلەسى جاعدايلاردا وتپەيدى:
1) وسى قاعيدالاردىڭ 26-تارماعىندا كوزدەلگەن تالاپتاردىڭ بىرەۋى بۇزىلسا;
2) تاعىلىمدامادان ءوتۋ ورنىندا دالەلدى سەبەپتەرسىز ءبىر جۇمىس كۇنى ىشىندە ءۇش نەمەسە ودان دا كوپ ساعات بويى بولماسا.
سونىمەن بىرگە, تاعىلىمداما جەتەكشىسى كانديداتتىڭ تاعىلىمدامانىڭ جەكە جوسپارىن بۇزعانى تۋرالى جازباشا بايانات دايىندايدى. ونى تەز ارادا كادر جۇمىسى بولىمشەسىنە ۇسىنادى.
تاعىلىمدامانىڭ جەكە جوسپارىن بۇزۋ تۋرالى بايانات جازىلعان كانديدات تاعىلىمدامادان قايتا وتۋگە جىبەرىلمەيدى.
كانديدات دالەلدى سەبەپتەرمەن كەلمەگەن جاعدايدا, تاعىلىمدامانىڭ مەرزىمى ول بولماعان كۇندەرىنە ۇزارتىلادى, بىراق ۇزارتىلۋ مەرزىمى ون جۇمىس كۇنىنەن اسپاۋى ءتيىس. كانديدات تاعىلىمدامادان ءوتۋ ورنىندا جوعارىدا اتالعان مەرزىمنەن كوپ ۋاقىت بولماعان جاعدايدا, تاعىلىمداما مالىمەتتەرى كۇشىن جويىپ, تاعىلىمدامادان قايتا ءوتۋ مۇمكىندىگى ىرىكتەۋ كوميسسياسىندا قاراستىرىلادى.
48. كادر جۇمىسى بولىمشەسى تاعىلىمداما مالىمەتتەرىن كانديداتتىڭ جەكە ىسىنە تىركەيدى.
49. تاعىلىمدامانىڭ اياقتالعان كۇنىنەن باستاپ ون جۇمىس كۇنى ىشىندە كادر جۇمىسى بولىمشەسى كانديداتتى پسيحولوگيالىق جارامدىلىققا تەكسەرۋدەن وتۋگە جىبەرەدى.
پسيحولوگيالىق ىرىكتەۋگە قاتىستى ءىس-شارالاردى, كانديداتتىڭ اسكەري ەسەپ (تىركەلۋ) ورنى بويىنشا ءجابو-نىڭ پسيحولوگيالىق قىزمەتىنىڭ ءتيىستى مامانى جۇرگىزەدى.
50. پسيحولوگيالىق ىرىكتەۋ بارىسىندا كانديداتتىڭ ينتەللەكتۋالدىق دامۋ دەڭگەيى, اسكەري قىزمەتتەن ءوتۋ ءۇشىن پسيحولوگيالىق جارامدىلىعى, اقىل-ويىنىڭ ورامدىلىعى مەن شاپشاڭدىعى, ءتىل تاپقىشتىعى مەن باسقا قاسيەتتەرى باعالانادى.
پسيحولوگيالىق ىرىكتەۋ بارىسىندا كەلەسى مىندەتتەر شەشىلەدى:
1) الەۋمەتتىك بەيىمدەلە الماۋ مەن جۇيكە-پسيحيكالىق تۇراقسىزدىقتىڭ بەلگىلەرىن انىقتاۋ;
2) بەلگىلى ءبىر لاۋازىمدىق جانە قىزمەتتىك قۇزىرەتتەرگە سايكەس داعدىلاردىڭ بار بولۋىن جانە دامۋ دەڭگەيىن انىقتاۋ;
3) بەلگىلى ءبىر لاۋازىمدىق جانە قىزمەتتىك قۇزىرەتتەردى ورىنداۋعا قاجەتتى پسيحيكالىق قاسيەتتەر مەن تۇلعالىق سيپاتتامالاردىڭ سايكەستىلىك دارەجەسىن انىقتاۋ.
51. پسيحولوگيالىق ىرىكتەۋدىڭ ناتيجەلەرى بويىنشا كانديداتتىڭ كەلىسىمشارت بويىنشا ناقتى اسكەري لاۋازىمدارىندا اسكەري قىزمەت ەتۋگە جارامدىلىعى تۋرالى تومەندەگى قورىتىندىلاردىڭ بىرەۋى جاسالادى:
1) «ۇسىنىلادى»;
2) «شارتتى تۇردە ۇسىنىلادى»;
3) «ۇسىنىلمايدى».
كانديدات «شارتتى تۇردە ۇسىنىلادى» دەگەن قورىتىندىنى العان جاعدايدا, وعان پسيحولوگيالىق ىرىكتەۋدەن قايتا وتۋگە مۇمكىندىك بەرىلەدى. بۇل ىرىكتەۋدىڭ ناتيجەلەرى بويىنشا وسى تارماقتىڭ 1) نەمەسە 3) تارماقشالارىندا بەلگىلەنگەن قورىتىندىلاردىڭ بىرەۋى شىعارىلادى.
پسيحولوگيالىق قايتا ىرىكتەۋدىڭ ۋاقىتىن پسيحولوگيالىق جارامدىلىققا تەكسەرۋ جۇرگىزگەن مامان بەلگىلەيدى.
پروكۋراتۋرا ورگاندارىندا كەلىسىمشارت بويىنشا اسكەري قىزمەت وتكەرۋ ءۇشىن پسيحولوگيالىق جارامدىلىق دەڭگەيىن انىقتاۋدىڭ ناتيجەلەرى كانديداتتىڭ جەكە ىسىنە تىركەلەدى.
4. قورىتىندى ەرەجەلەر
52. كوميسسيانىڭ شەشىمى جوعارى تۇرعان پروكۋراتۋرا ورگانىنا (جوعارى تۇرعان لاۋازىمدى تۇلعاعا) نەمەسە سوتقا شاعىمدالۋى مۇمكىن.
كوميسسيا شەشىمىنە شاعىم بەرۋ, بۇل ماسەلە ءمانى بويىنشا تۇپكىلىكتى قارالعانعا دەيىن كانديداتقا قاتىستى قورىتىندىنى ىسكە اسىرۋدى توقتاتا تۇرادى.
53. كەلىسىمشارت بويىنشا اسكەري قىزمەتكە كىرۋگە ارنالعان رەزەرۆتەن پروكۋراتۋرا ورگاندارىنا اسكەري قىزمەتكە قابىلداۋ, كادر جۇمىسى جانە ىشكى قاۋىپسىزدىكتى قامتاماسىز ەتۋ بولىمشەلەرىنىڭ قورىتىندىسى نەگىزىندە, كەلىسىمشارت جاساۋ تۋرالى جەكە قۇرام بويىنشا بۇيرىق شىعارۋ جانە كانديداتتى ءتيىستى اسكەري لاۋازىمعا تاعايىنداۋ جولىمەن بوس ورىن پايدا بولعان جاعدايدا جۇرگىزىلەدى.
54. كادر جۇمىسى بولىمشەسى جەكە قۇرام بويىنشا بۇيرىق شىعارعاننان كەيىن ونى كانديداتتىڭ اسكەري ەسەپكە الۋ ورنى بويىنشا ءجابو-عا جىبەرەدى.
55. كانديداتتار كەلەسى نەگىزدەردىڭ ءبىرى بويىنشا:
1) پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرۋدەن, سونداي-اق ۇسىنىلعان اسكەري لاۋازىمعا تاعايىنداۋدان جازباشا تۇردە باس تارتقان;
2) قىزمەت ورنىنا جولداما (ۇيعارىم) الۋ ءۇشىن كادر جۇمىسى بولىمشەسىنىڭ شاقىرتۋى بويىنشا بەس كۇن ىشىندە دالەلدى سەبەپسىز كەلمەگەن;
3) قازاقستان رەسپۋبليكاسىنىڭ شەگىنەن تىس جەرگە تۇراقتى تۇرۋعا كەتكەن;
4) باسقا قۇقىق قورعاۋ, اسكەري جانە ارنايى ورگاندارعا قىزمەتكە كىرگەن;
5) پروكۋراتۋرا ورگاندارىنا اسكەري قىزمەتكە كىرۋگە بوگەت جاسايتىن كانديداتتاردى تىزىمگە قويۋ تۋرالى شەشىم قابىلداعان كەزدە بولماعان نەمەسە وسىعان دەيىن بەلگىسىز بولعان قوسىمشا مالىمەتتەر انىقتالعان;
6) قاساقانا قۇقىق بۇزۋشىلىق جاساعانى ءۇشىن سوت تارتىبىندە اكىمشىلىك جاۋاپكەرشىلىككە, سىبايلاس جەمقورلىق جانە باسقا قۇقىق بۇزۋشىلىقتار, قىلمىس (تەرىس قىلىق) جاساعانى ءۇشىن تارتىپتىك جانە اكىمشىلىك جاۋاپكەرشىلىككە تارتىلعان;
7) كەلىسىمشارت بويىنشا اسكەري قىزمەتكە كىرۋ ءۇشىن رەزەرۆتەگى ءبىر جىل مەرزىم اياقتالعان جاعدايدا كەلىسىمشارت ارقىلى اسكەري قىزمەتكە كىرۋ ءۇشىن رەزەرۆتەن الىنىپ تاستالادى.
وسى تارماقتىڭ 1), 2) جانە 7) تارماقشالارىندا كوزدەلگەن نەگىزدەرگە سايكەس كەلىسىمشارت بويىنشا اسكەري قىزمەتكە كىرۋ ءۇشىن رەزەرۆتەن الىنىپ تاستالعان كانديدات, پروكۋراتۋرا ورگاندارىنا كەلىسىمشارت بويىنشا قىزمەتكە قابىلداۋ ءۇشىن ازاماتتاردىڭ ىشىنەن وسى قاعيدالاردا بەلگىلەنگەن جالپى نەگىزدە قايتا ىرىكتەۋدەن وتەدى.
كەلىسىمشارت بويىنشا اسكەري قىزمەتكە كىرۋ ءۇشىن رەزەرۆتەن الىپ تاستاۋ تۋرالى كادر جۇمىسى بولىمشەسى ونىڭ نەگىزدەرىن كورسەتە وتىرىپ, كانديداتقا حابارلايدى.
قازاقستان رەسپۋبليكاسىنىڭ پروكۋراتۋرا ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن كانديداتتاردىڭ وتىنىشتەرى مەن قۇجاتتارىن قاراۋ قاعيدالارىنا 1-قوسىمشا
نىسان
(كىمگە)_______________________________________________
پروكۋراتۋرا ورگانىنىڭ (ۆەدومستۆونىڭ, مەكەمەنىڭ) باسشىسى
___________________________________________________
(كىمنەن)_____________________________________________
ازاماتتىڭ تەگى, اتى, اكەسىنىڭ اتى (بار بولعان جاعدايدا)
___________________________________________________
تۋعان كۇنى, ايى, جىلى
_____________________________________
تۇرعىلىقتى جەرى
ءوتىنىش
«اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ 40-بابىنا سايكەس قازاقستان رەسپۋبليكاسىنىڭ پروكۋراتۋرا ورگاندارىنا (ۆەدومستۆولارىنا, مەكەمەلەرىنە) كەلىسىمشارت بويىنشا ___________ جىلعا (ۋاقىتقا) اسكەري قىزمەتكە كىرۋ جانە بوس اسكەري قىزمەتكە (لاۋازىم اتاۋى) تاعايىنداۋ ءۇشىن ______________________________________________________________. مەنىڭ قۇجاتتارىمدى قابىلداۋىڭىزدى سۇرايمىن.
قازاقستان رەسپۋبليكاسىنىڭ پروكۋراتۋرا ورگاندارىنا (ۆەدومستۆولىقتارىنا, مەكەمەلەرىنە) كەلىسىمشارت بويىنشا اسكەري قىزمەتكە كىرۋ ءۇشىن كانديداتتاردى ىرىكتەۋدەن ءوتۋ تارتىبىمەن جانە شارتتارىمەن تانىستىم, ولاردى ورىنداۋعا مىندەتتەنەمىن.
قازاقستان رەسپۋبليكاسىنىڭ قارۋلى كۇشتەرى, باسقا اسكەرلەرى مەن اسكەري قۇرامالارىندا اسكەري قىزمەتتەن ءوتۋ ەرەجەلەرىنىڭ 21-تارماعىنا سايكەس وسى وتىنىشكە قوسا ۇسىنىلعان قۇجاتتاردىڭ تۇپنۇسقاعا ساي ەكەندىگىن راستايمىن.
قوسىمشا:___________________________________________________________________
____________________________________________________________________________
____________________
قولى, كۇنى
قازاقستان رەسپۋبليكاسىنىڭ پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى كاسىبي جانە پسيحولوگيالىق ىرىكتەۋ بويىنشا ءىس-شارالاردى جۇرگىزۋ, ىرىكتەۋ كوميسسياسىنىڭ قۇرىلۋى مەن قىزمەتىنىڭ قاعيدالارىنا 1-قوسىمشا
نىسان
______________________________________
(جەرگىلىكتى اسكەري باسقارۋ ورگانىنىڭ اتاۋى)
________________________________________
جولداما № ______
كەلىسىمشارت بويىنشا اسكەري قىزمەتتەن وتۋگە جارامدىلىعىن انىقتاۋ ماقساتىندا ____________
_________________________________________________________________________لاۋازىمىنا
اسكەري لاۋازىمنىڭ اتاۋى
قازاقستان رەسپۋبليكاسىنىڭ پروكۋراتۋرا ورگاندارىنا (ۆەدومستۆولارىنا, مەكەمەلەرىنە) قىزمەتكە كىرەتىن كانديدات رەتىندە _______________________________________________________________________________
ازاماتتىڭ تەگى, اتى, اكەسىنىڭ اتى (بار بولعان جاعدايدا) تۋعان كۇنى, ايى, جىلى
جەكە ءىسىن رەسىمدەۋ ءۇشىن جانە مەديتسينالىق كۋالاندىرۋدان (پسيحولوگيالىق تەكسەرۋدەن) ءوتۋ ءۇشىن جىبەرىلەدى.
سۋرەتى
3ح4
جىبەرىلىپ وتىرعان ۇمىتكەرگە قازاقستان رەسپۋبليكاسىنىڭ قارۋلى كۇشتەرى, باسقا اسكەرلەرى مەن اسكەري قۇرامالارىندا اسكەري قىزمەتتەن ءوتۋ ەرەجەلەرىنىڭ 21-تارماعىندا تىزىمدەلگەن قۇجاتتاردى ۇسىنۋعا مىندەتتى ەكەندىگى ەسكەرتىلدى.
م.و. كادر جۇمىسى بولىمشەسىنىڭ باسشىسى __________________
قولى, تەگى
جولدامانىڭ بەرىلگەن كۇنى _____________________
اتقارۋشى ___________________________________
لاۋازىمى, تەگى, تەلەفونى
قازاقستان رەسپۋبليكاسىنىڭ پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى كاسىبي جانە پسيحولوگيالىق ىرىكتەۋ بويىنشا ءىس-شارالاردى جۇرگىزۋ, ىرىكتەۋ كوميسسياسىنىڭ قۇرىلۋى مەن قىزمەتىنىڭ قاعيدالارىنا 2-قوسىمشا
نىسان
پروكۋراتۋرا ورگاندارىنا كەلىسىمشارت بويىنشا اسكەري قىزمەتكە كىرەتىن كانديداتتاردى تىركەۋ
جانە جولداما بەرۋ
جۋرنالى
№
ر/ن كانديداتتىڭ تەگى, اتى, اكەسىنىڭ اتى, تۋعان جىلى قاي ءجابو جولداما بەرىلدى بەرىلگەن كۇنى كۇنى جانە العان جاعدايدا كانديداتتىڭ قولى
1 2 3 4 5
ءجابو-نان كانديداتتىڭ جەكە ءىسىنىڭ كەلگەندىگى تۋرالى بەلگى مەديتسينالىق كۋالاندىرۋ قورىتىندىلارى (قۇجاتتىڭ ءنومىرى جانە كۇنى) پسيحولوگيالىق تەكسەرۋ قورىتىندىلارى (قۇجاتتىڭ ءنومىرى جانە كۇنى) ەسكەرتپە
6 7 8 9
ەسكەرتپە: ءجابو – جەرگىلىكتى اسكەري باسقارۋ ورگانى
قازاقستان رەسپۋبليكاسىنىڭ پروكۋراتۋراسىنىڭ ورگاندارىنا, ۆەدومستۆولارىنا جانە مەكەمەلەرىنە كەلىسىمشارت بويىنشا اسكەري قىزمەتكە كىرۋ ءۇشىن ازاماتتار ىشىنەن كانديداتتاردى كاسىبي جانە پسيحولوگيالىق ىرىكتەۋ بويىنشا ءىس-شارالاردى جۇرگىزۋ, ىرىكتەۋ كوميسسياسىنىڭ قۇرىلۋى مەن قىزمەتىنىڭ قاعيدالارىنا 3-قوسىمشا
پروكۋراتۋرا ورگاندارىنا كەلىسىمشارت بويىنشا اسكەر