جاڭاسەمەي اۋدانى ءشۇلبى كەنتىنىنىڭ 26 وتباسى بيىل ناۋرىز مەيرامىن جاڭا ۇيدە جارقىراپ قارسى الدى.
ەكى پاتەرلى تۇرعىن ءۇيدىڭ كىلتىن تابىس ەتۋ سالتاناتتى راسىمىنە اۋدان اكىمى الماس تاستەنبەكوۆ قاتىستى. ونىڭ ايتۋىنشا, قازىر جاڭاسەمەي اۋدانىندا 100-دەن استام ازامات تۇرعىن ءۇي كەزەگىندە تۇر. ولاردىڭ باسپانا ماسەلەسىن كەزەڭ-كەزەڭىمەن شەشۋ ءۇشىن بىرقاتار ءىس-شارالار قولعا الىنىپ جاتىر. سولاردىڭ ءبىرى – ءشۇلبى كەنتىندەگى بۇرىنعى 60 پاتەرلى كوپقاباتتى تۇرعىن ءۇيدى قايتا جاڭعىرتۋ جوباسى. جوندەۋ جۇمىستارى اياقتالعان سوڭ تۇرعىن ءۇي كەزەگىندە تۇرعان ازاماتتارعا پاتەر بەرىلەدى.
قازىر 2023-2029 جىلدارعا ارنالعان ينفراقۇرىلىمدى دامىتۋ تۇجىرىمداماسى اياسىندا جاڭاسەمەي اۋدانىندا بىرنەشە قۇرىلىس جوباسى قولعا الىنعان. مۇقىر, بوكەنشى اۋىلدارى مەن شاعان كەنتىندە ەكى پاتەرلى تۇرعىن ءۇيدىڭ قۇرىلىسى جۇرگىزىلىپ جاتىر.
اباي وبلىسى