22-23 ناۋرىز كۇندەرى ARDA TEAM كومانداسى Riviera International School by Quantum جانە Copa.kz سپورت دۇكەنىنىڭ قولداۋىمەن 2015-2016 جىلى تۋعان جاسوسپىرىمدەر اراسىندا ناۋرىز مەرەكەسىنە وراي فۋتبول ءتۋرنيرىن ۇيىمداستىردى.
تۋرنيرگە قالا مەن وبلىستىڭ التى فۋتبول مەكتەبىنەن سەگىز كوماندا, 96 جاس فۋتبولشى جانە 8 جاتتىقتىرۋشى قاتىستى.
جارىستا ا توبىندا Invictus Maneo, ARDA B, Senim A, ZhaStar كوماندالارى سىنعا تۇسسە, ۆ توبىندا جاس-تۇلعا, Aibyn 2016, ARDA A, Senim B كوماندالارى باق سىناستى.
تۋرنيرگە قاتىسقان بارلىق كوماندالار گراموتالار مەن مەدالدارعا يە بولدى, ال جەڭىمپازدار كۋبوكتار, مەدالدار, سەرتيفيكاتتار جانە دەمەۋشىلەردەن ارنايى سىيلىقتارمەن ماراپاتتالدى.
- بۇل شارا بالالار مەن جاسوسپىرىمدەر فۋتبولىن دامىتىپ, قولداۋدى, فۋتبول كلۋبتارى اراسىنداعى دوستىق قارىم-قاتىناستى نىعايتۋدى, جاس سپورتشىلاردىڭ شەبەرلىگىن ارتتىرىپ, تاجىريبە جيناقتاۋىنا مۇمكىندىك بەرۋدى ماقسات ەتەدى. سونىمەن قاتار جەتكىنشەكتەردىڭ فۋتبولعا دەگەن قىزىعۋشىلىعىن ارتتىرىپ, ولاردىڭ شەبەرلىگىن شىڭداۋعا جانە دوستىق قارىم-قاتىناستى نىعايتۋعا ۇلكەن ۇلەس قوستى, - دەيدى جارىستى ۇيىمداستىرۋشىلار.