ەلوردادا بوۋلينگتەن تۋرنير ءوتتى. استانا قالاسى مۇگەدەك جاستار قوعامى ۇيىمداستىرعان «ناۋرىز-2025» ءىس-شاراسىنا قاتىسۋشىلار شەبەرلىكتەرىن كورسەتتى, دەپ حابارلايدى Egemen.kz.
«مۇگەدەك جاستار قوعامى» توراعاسىنىڭ ورىنباسارىنىڭ ايتۋىنشا, تۋرنير بيىل ەكىنشى جىل ۇيىمداستىرىلدى. استانا قالاسىنان 6 كوماندا قاتىسىپ, وزدەرىنىڭ شەبەرلىگىن سىنادى.
«اكىمدىكتىڭ قولداۋىمەن, دەمەۋشى ازاماتتاردىڭ كومەگىمەن جەڭىسكە جەتكەن, جۇلدەگەر اتانعان قاتىسۋشىلارعا باعالى سىيلىقتار بەرىلدى. ءبىزدىڭ ۇيىم وسىنداي سپورتتىق سايىستاردى وتكىزۋ ارقىلى دا ەرەكشە جانداردىڭ ورتادان ساياقتانىپ, شەتتەپ قالماۋىنا, سالاماتتى ءومىر سالتىن ناسيحاتتاۋعا سەبەپكەر بولادى. تۋرنيرگە كەلگەن جاستار ءوزارا شۇيىركەلەسەدى, ارالاساتىن ورتاسى كەڭەيەدى. سوندىقتان سايىسقا قاتىسۋدىڭ ءوزى زور مارتەبە», دەيدى «مۇگەدەك جاستار قوعامى» توراعاسىنىڭ ورىنباسارى تاۋەكەل ناۋرىزباەۆ.
سپورتتىق سايىستار الداعى ۋاقىتتا دا جالعاسىن تاپپاق.