قوستاناي وبلىسىندا تاسقىن سۋىن قاۋىپسىز وتكىزۋ ءۇشىن 18 گيدروتەحنيكالىق قۇرىلىس جوندەلدى. بۇل تۋرالى سۋ رەسۋرستارى جانە يرريگاتسيا مينيسترلىگى حابارلادى, دەپ جازادى Egemen.kz.
سونىمەن قاتار, ءوڭىردىڭ 21 ەلدى مەكەنىن سۋ تاسقىنىنان قورعاۋ ءۇشىن بوگەت قۇرىلىسى اياقتالعان. ماسەلەن, قوستاناي وبلىسىنىڭ 9 اۋدانى مەن رۋدنىي قالاسىندا بوگەتتەر سالىنعان. ال جانگەلدين اۋدانىنىڭ شەگەن, سارىسۋ جانە تاۋىش اۋىلدارىندا بۇل باعىتتاعى جۇمىستاردى تاياۋ ارادا اياقتاۋ جوسپارلانعان.
«توبىل-تورعاي باسسەيندىك ينسپەكتسياسى ءىرى سۋ قويمالارىنىڭ جۇمىس كەستەسىن بەكىتتى. سۋ قۇرىلىستارىندا تاۋلىك بويى مونيتورينگ جۇرگىزىلىپ جاتىر», دەدى سۋ رەسۋرستارىن رەتتەۋ, قورعاۋ جانە پايدالانۋ كوميتەتى توراعاسىنىڭ ورىنباسارى تەمىرلان ابدىقۇلوۆ.