ەرىگەن قار سۋى سالدارىنان ءۇش وبلىستا جول جابىلدى

23 ناۋرىز ساعات 08:00-دەگى جاعداي بويىنشا, ەرىگەن قار سۋى سالدارىنان 3 وبلىستاعى 3 رەسپۋبليكالىق ماڭىزى بار اۆتوموبيل جولدارىندا كولىك قوزعالىسىنا شەكتەۋ قويىلدى:

اقتوبە وبلىسى:

- «قاندىاعاش-ەمبى-شالقار-ىرعىز» اۆتوجولىنىڭ 3-92 شاقىرىم ارالىعى (قاندىاعاش قالاسى-ەمبى قالاسى).

قوستاناي وبلىسى:

- قازاقستان مەن رەسەي اراسىنداعى بەيتاراپ تەرريتورياداعى مارينوۆكا اۋىلىنا جاقىن ايماقتا (رف شەكاراسى).

سولتۇستىك قازاقستان وبلىسى:

- «پەتروپاۆل قالاسىنىڭ اينالما جولى» اۆتوجولىنىڭ 4-7 شاقىرىمى ارالىعىندا (قوجابەرگەن جىراۋ اينالما جولىنان ەسىل وزەنى ارقىلى وتەتىن كوپىرگە دەيىن).

قازىر رەسپۋبليكالىق جولداردى كۇتىپ-ۇستاۋعا 60 ارنايى تەحنيكا مەن 108 مامان جۇمىلدىرىلدى.