ورال. 10 اقپان. رەسەي جانارماي ونىمدەرىن شىعارۋ جونىنەن تمد ەلدەرى اراسىندا الدىڭعى لەكتە كەلەدى. بۇل تۇرعىدا قازاقستاندىق «كوندەنسات» كومپانيالار توبى كورشى مەملەكەت وندىرىسشىلەرىمەن باسەكەلەستىككە ءازىر, دەپ حابارلادى egemen.kz ءتىلشىسى.
مۇنداي ءتۇيىن جاساۋعا اتالعان وتاندىق كومپانيادا ساپاسى وتە جوعارى, ەكولوگيالىق تۇرعىدا تازا ءونىم قاتارىنا كىرەتىن ەۋرو-5 جانارمايمىن وندىرۋگە ارنالعان شاعىن كەشەن قۇرىلىسىنىڭ اياقتالىپ كەلە جاتقانى سەبەبشى بولىپ وتىر.
«كوندەنسات» كومپانيالار توبى ديرەكتورلار كەڭەسىنىڭ توراعاسى ۆالەري ءجۇنىسوۆتىڭ مالىمدەۋىنە قاراعاندا, ازىرگە ەلىمىزدە ەش بالاماسى جوق ايرىقشا جوبانى ەكى كەزەڭ بويىنشا ىسكە اسىرۋ كوزدەلگەن. سوعان ساي ءبىرىنشى كەزەڭدە جىلىنا 200 مىڭ توننا باسەكەلەستىككە قابىلەتتى جوعارى ءونىم وندىرىلمەك. ال ەكىنشى كەزەڭ اياسىندا ەكولوگيالىق تۇرعىدان تازا جاعارماي شىعارىلماق. ونىڭ قۇنى 200 ملن. اقش دوللارىنا تەڭ. بۇل جوبا وتكەن جىلى يندۋستريالاندىرۋ كارتاسىنا ەنگىزىلگەن.
وسىنداي تاسىلمەن «قاراشىعاناق» كەن ورنىندا شيكىزاتتى تەرەڭ تۇردە وڭدەۋ ءوندىرىسى جولعا قويىلماق. سونىمەن بىرگە, ونى تاياۋ جانە الىس شەتەلدەر نارىعىنا شىعارۋ ماسەلەلەرى دە ويلاستىرىلعان. مىنە, وسىلايشا وكتاندى, ەتيلسىز كا 5 بەنزينىن تۇتىنۋشىلارعا ۇسىنا الاتىن وتاندىق زاۋىت بيىلعى جىدىڭ ءۇشىنشى توقسانىندا ىسكە قوسىلادى دەپ كۇتىلۋدە. ەڭ باستىسى ورال وڭىرىندە شىعارىلاتىن مۇناي ونىمدەرى حالىقارالىق ساپا ستاندارتتارىنا ساي بولماق.
تەمىر قۇسايىن.
دەرەك: egemen.kz.
سۋرەت: kursiv.kz.