اتىراۋدا ناۋرىز مەرەكەسى قارساڭىنداعى شاڭىراق كۇنىنە وراي 97 وتباسى شاتتىققا بولەندى. ولارعا مۇنايلى شاھارداعى «اياگوز» جانە «مودەرن» تۇرعىن ءۇي كەشەنىنەن جاڭا پاتەر بەرىلدى.
«شاڭىراق كۇنىنە وراي ءبىر توپ اتىراۋلىقتى قۋانتۋدى كوزدەدىك. ويتكەنى ءار وتباسىنىڭ باقۋاتتى تۇرمىسى مەن قۋانىشىنىڭ ۇشقىنى تۇرعىلىقتى مەكەنىنەن باستاۋ الادى. جاڭا پاتەر ۇلكەن ومىرگە بەتبۇرىستىڭ العاشقى قادامى, شاڭىراقتىڭ ءتۇتىنى مەن ۇرپاق ساباقتاستىعىنىڭ بەلگىسى بولعانىن قالايمىن. قازاقتىڭ «شاڭىراعىڭنان شاتتىق ارىلماسىن» دەگەن جاقسى تىلەگى بار. جاڭا باسپاناعا قونىس اۋدارعان وتباسىلاردىڭ قۋانىشى ۇزاعىنان بولسىن», دەدى قالا اكىمى شاكىر كەيكىن.
اكىمنىڭ مالىمەتىنشە, پاتەر كىلتىن العاندار قاتارىندا كوپبالالى 32, تۇرمىسى تومەن 42 وتباسى بار. سونداي-اق ءبىرىنشى جانە ەكىنشى توپتاعى مۇگەدەكتەر, اسىراۋشىسى جوق جالعىزباستى انالار, مۇمكىندىگى شەكتەۋلى بالا تاربيەلەپ وتىرعان وتباسىلار مەن زەينەتكەرلەر, اتا-انا قامقورلىعىنان ايىرىلعان 19 ءجاسوسپىرىم قامتىلعان.
جاڭا پاتەرگە يە بولعانداردىڭ ءبىرى – ولگا ناۋمەتس. اتىراۋ قالاسىنىڭ تۇرعىنى 11 جىلدان بەرى تۋىستارىنىڭ ءۇيىن پانالاپ كەلگەن.
ء«بىز ءۇشىن بۇگىن – وتە ماڭىزدى ءارى قۋانىشتى كۇن. ءدال شاڭىراق كۇنى مەرەكەسىندە ءوز پاتەرىمىزگە قول جەتكىزگەنىمىزگە وتە قۋانىشتىمىز. ۇزاق جىل تۇرعىن ءۇي كەزەگىندە تۇرعان جانداردىڭ بارىنە ايتارىم, ولار دا مەنىڭ وتباسىم سەكىلدى قۋانىشقا كەنەلسىن», دەيدى و.ناۋمەتس.
اتىراۋ وبلىسى