اتىراۋ تۇرعىندارى سوڭعى اپتادا قالانى جايلاعان گاز نەمەسە بەنزينگە ۇقساس جاعىمسىز يىسكە شاعىمدانىپ كەلەدى. الەۋمەتتىك جەلىدە ەكولوگيانىڭ ناشارلاعانى ايتىلىپ, زياندى گازداردىڭ بولىنۋىنە الاڭداۋشىلىق ءبىلدىرىلدى, دەپ حابارلايدى Egemen.kz.
جاعىمسىز ءيىستىڭ كوزىن انىقتاۋ ءۇشىن «قازگيدرومەت», اتىراۋ مۇناي وڭدەۋ زاۋىتىنىڭ سىناق زەرتحاناسى جانە ەكولوگيا دەپارتامەنتىنىڭ ماماندارى قالانىڭ ءارتۇرلى بولىگىنەن اۋا سىنامالارىن الدى.
زەرتتەۋ ناتيجەلەرى كوڭىل كونشىتپەيدى: كۇكىرتسۋتەگى, كومىرسۋتەكتەر جانە بەنزول كونتسەنتراتسياسى رۇقسات ەتىلگەن شەكتەن 11 ەسە جوعارى.
ەكولوگيا دەپارتامەنتى قالاداعى ءىرى كاسىپورىنداردا ەكولوگيالىق نورمالاردىڭ ساقتالۋىن تەكسەرۋدى تاپسىردى. ونىڭ قورىتىندىسى بويىنشا ەسەپ بەرىلەدى.