قوعامدىق ساياسات ينستيتۋتى حالىق اراسىندا كەزەكتى قوعامدىق پىكىر ساۋالناماسىن وتكىزدى. تاڭداما كولەمى ەلدىڭ بارلىق وڭىرلەرىنەن 2000 رەسپوندەنتتى قامتىدى, دەپ جازادى Egemen.kz.
زەرتتەۋ 17 اقپان مەن 6 ناۋرىز ارالىعىندا «face-to-face» جاپپاي ساۋالناما ادىسىمەن جۇرگىزىلدى.
الىنعان ناتيجەلەرگە سايكەس, ازاماتتاردىڭ 70%-دان استامى ەلىمىز دۇرىس باعىتتا دامىپ كەلە جاتىر دەپ ەسەپتەيدى.
سونىمەن قاتار, نەگىزگى بيلىك ينستيتۋتتارىنا دەگەن سەنىم دەڭگەيى بۇرىنعىسىنشا جوعارى دەڭگەيدە قالىپ وتىر, بۇل ەلدە جۇرگىزىلىپ جاتقان مەملەكەتتىك ساياساتتىڭ تيىمدىلىگىنە بەرىلگەن لايىقتى باعانى كورسەتەدى.
قوعام مەن بيلىكتىڭ بىرىگۋ دەڭگەيىن حالىقتىڭ قازىرگى ساياسي (76,5%) جانە الەۋمەتتىك-ەكونوميكالىق (67%) جاعدايدى باعالاۋى دا راستايدى.