تاراز. 19 ماۋسىم. تاراز قالاسىنداعى جەلتوقسان مەن سۇلەيمەنوۆ كوشەلەرىنىڭ قيىلىسىنداعى 9 قاباتتىق اكىمدىك عيماراتىندا ءورت بولدى. بۇل تۋرالى egemen.kz ءتىلشىسى حابارلادى.
قالالىق ءورت ءسوندىرۋ مەكەمەسىنە كۇندىزگى ساعات 16:42-دە توتەنشە جاعداي تۋرالى حابار كەلىپ تۇسەدى. بۇل عيماراتتىڭ استىڭعى قاباتىندا ستۋدەنتتىك ەمحانا مەن بىرقاتار كەڭسەلەر ورنالاسقان بولاتىن. ازىرگە ماماندار ءورت ەكىنشى قاباتتاعى ەلەكتر جەلىسىنىڭ قىسقا تۇيىقتالۋىنان ورىن الدى دەگەن بولجام جاساپ وتىر.
ءتىلسىز جاۋ سالدارىنان 6 ادام زارداپ شەكتى. ونىڭ ەكەۋىنىڭ دەنەلەرىن كۇيىك شالسا, تورتەۋى تۇتىنگە تۇنشىعىپ قالعان. ءورت تولىق ءسوندىرىلدى.
ورالحان ءداۋىت.
دەرەك: egemen.kz.
سۋرەت: «قازاقپارات».