تاريحتان بىلەتىنىمىزدەي الاشتىڭ ايبوز انشىلەرى مەن داۋىلپاز كۇيشىلەرى توي-دۋماننىڭ كورىگى – جارمەڭكەلەردە شىعارمالارىن اۋەلەتە ورىندايتىن بولعان. دالا ساحناسى سانالعان جارمەڭكەلەردە ونەرپازدار جاڭا شىعارماسىن ەلگە ورىنداپ, ءتۇرلى ونەر سايىستارىنا تۇسەدى دەسەدى. بۇگىنگى كۇندە دە ول ءداستۇر ۇزىلگەن جوق.
ۇلىستىڭ ۇلى كۇنىنە وراي 20-21 ناۋرىز كۇندەرى روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمى ء«بىزدىڭ جارمەڭكە» – ۇلتتىق ونەر مەرەكەسىن ۇيىمداستىرادى.
قازاقكونتسەرتتىڭ «حالىق قازىناسى» ۇلتتىق ونەر ورتالىعى كورەرمەن نازارىنا قوياندى, كوكجار, قاراوتكەل سىندى تاعىلىمى مول تاريحي جارمەڭكەلەردى جاڭعىرتقان, ءداستۇرلى ونەردىڭ بارلىق تۇستارىن قامتىعان جاڭا فورماتتاعى دۋماندى كەش ۇسىنادى.
كونتسەرتتىڭ جاڭالىعى – بۇرىن-سوڭدى ورىندالماعان 30-عا جۋىق حالىق اندەرى شىرقالماقشى.
ءان-كۇي دۋمانىنا جانعالي ءجۇزباي, ايگۇل ەلشىباەۆا, مەدەت سالىق, كلارا تولەنباەۆا, ەربولات شالدىبەكوۆ سىندى ونەرپازدار قاتىسادى.