جاڭا جىلدان كەيىنگى جاعىمدى جاڭالىقتاردىڭ ءبىرى - استانا قالاسىنىڭ جاڭا اۋدانى – سارايشىقتا №112 ورتا ءبىلىم بەرەتىن جايلى مەكتەپ وقۋشىلارعا ەسىگىن ايقارا اشتى. كۇنى كەشە سول ءبىلىم وشاعى وقۋشىلار مەن اتا-انالارعا ارناپ «جايلى مەكتەپ - جاڭا سەرپىن» اتتى العاشقى كەشىن ۇيىمداستىردى, دەپ جازادى Egemen.kz اقپارات اگەنتتىگى.
ء از-ناۋرىز مەرەكەسىنىڭ ۇلتتىق قۇندىلىقتار كۇنىنە ءدوپ تۇسكەن شارادا كىشىگىرىم داستارحان جايىلىپ, قازاقتتىڭ ۇلتتىق ويىندارى ويناتىلدى. سودان كەيىن كوپشىلىك مەكتەپكە ەكسكۋرسيا جاساپ, ارنايى كورمەمەن تانىستى.
مەكتەپ ديرەكتورى قايىرلى قاليبەك ۇلىنىڭ سوزىنشە, پرەزيدەنتتىڭ باستاماسىمەن قولعا الىنعان ۇلتتىق جوبا اياسىندا ىرگە قالاعان ءبىلىم وشاعى بۇگىندە قالىپتى جۇمىس ىستەپ جاتىر.
«جاڭا ۇجىمنىڭ تاتۋلىعى مەن بىرلىگىنىڭ, ىنتىماعىنىڭ ارقاسىندا باستاپقى كەزەڭدەگى قىرۋار شارۋانى ەڭسەردىك دەپ ويلايمىن. العاشقى مەرەكەلىك باسقوسۋىمىزدىڭ ناۋرىز مەيرامىمەن تۇسپا-تۇس كەلگەنىن جاقسىلىققا بالايتىنىمىز تاعى راس. ءبىز ەندى جاس بۋىندى ساپالى بىلىممەن سۋسىنداتىپ, تانىمدارىن كەڭەيتىپ, تاعىلىم مەن تاربيە بەرەتىنىمىزگە سەندىرگىم كەلەدى. قازىرگى تاڭدا مەكتەپتە مىڭنان استام وقۋشى ءبىلىم الىپ جاتىر, تەگىن ۇيىرمەلەر دە جۇمىسىن باستاپ كەتتى. ارنايى كيىم ۇلگىمىز دە بەكىتىلدى», - دەدى ول جيىندا.
سونداي-اق اتا-انالار كوميتەتىنىڭ ءتورايىمى گۇلنۇر ايداروۆا دا مەكتەپ ۇجىمى مەن وقۋشىلارعا ساتتىلىك تىلەدى. ول مەكتەپتىڭ راسىندا جايلى ەكەنىن, ماتەريالدىق-تەحنيكالىق بازاسىنىڭ جوعارى دەڭگەيدە ەكەنىن العا تارتتى. سونىمەن قاتار ۇستازداردىڭ بىلىكتىلىگىنە, قارىم-قاتىناسىنا كوڭىلى تولادى اتا-انالاردىڭ.
وسى مەرەكەدە «اكەلەر كلۋبىنى» توراعاسى ادىلبەك كۇزەمباي ۇلى ء«ومىر» ءانىن شىرقاسا, 6 سىنىپ وقۋشىسى تولەۋقادىر ءانۋار «جاقسى ادامدارىم» ءانىن ناشىنە كەلتىرىپ ورىندادى. سونىمەن قاتار ونەرلى وقۋشىلار «بالبىراۋىن» كۇيىن كوپشىلىك نازارىنا ۇسىندى. «بالدىرعان» ۆوكالدى توبى مەن ء«سات» بي ءانسامبلىنىڭ ونەرى دە كوكرەرمەننىڭ ىستىق ىقىلاسىنا بولەندى.
ەلىمىزگە تانىمال «سارىارقا» توبىنىڭ نەگىزىن قالاعان توپ مۇشەسى, ءانشى قانات سەمبەكوۆ, قر پرەزيدەنتتىك وركەسترىنىڭ ءسوليستى, ءانشى ورالحان التىنبەكوۆ, قر ەڭبەك سىڭىرگەن قايراتكەرلەرى, ءانشى, سازگەر مەدەت سالىقوۆ, «قۇرمەت» وردەنىنىڭ يەگەرى, ءانشى كلارا تولەنباەۆالار دا وسى جيىننىڭ ورتاسىندا بولعانىن اتاپ وتكەن ءجون.
ايتا كەتەيىك, «جايلى مەكتەپ» ۇلتتىق جوباسى اياسىندا 2025 جىلدىڭ سوڭىنا دەيىن 460 مىڭ ورىندىق 217 زاماناۋي مەكتەپتىڭ قۇرىلىسى جوسپارلانعان, ونىڭ ىشىندە 105 مەكتەپ 2024 جىلى سالىندى. مەكتەپ زاماناۋي تالاپتارعا ساي كەلەتىن تەگىن ءبىلىم الۋ مۇمكىندىگىن قامتاماسىز ەتۋگە باعىتتالعان. باستاما جايلى مەكتەپتەردىڭ ماتەريالدىق-تەحنيكالىق بازاسىن جاقسارتىپ قانا قويماي, بالالاردىڭ شىعارماشىلىق جانە ينتەللەكتۋالدى قابىلەتتەرىن دامىتۋعا ىقپال ەتەتىن ورتا قالىپتاستىرادى.
اسەل مۇراتبەكقىزى, №112 جايلى
مەكتەپتىڭ قازاق ءتىلى مەن ادەبيەتى ءپانى مۇعالىمى