ەكى ەل اراسىندا دەرەكتەرمەن الماسۋ سۋ تاسقىنى كەزەڭى اياقتالعانعا دەيىن جالعاسادى, دەپ حابارلايدى Egemen.kz.
قازاقستان-رەسەي بىرلەسكەن جۇمىس توبىنىڭ ەكى وتىرىسى ءوتىپ, تاراپتار سۋ قويمالارىنىڭ جوسپارلانعان جۇمىس رەجيمدەرى تۋرالى دەرەك الماسىپ, سۋ قويمالارىنا سۋ اعىنى جانە ترانسشەكارالىق وزەندەردەگى كۇتىلەتىن سۋ دەڭگەيى بويىنشا بولجامدارمەن ءبولىستى.
«قازىرگى ۋاقىتتا قازاقستاننىڭ وزەندەرى مەن سۋ قويمالارىنداعى سۋ دەڭگەيىنە تۇراقتى باقىلاۋ جۇرگىزىلىپ, تاۋلىك بويى كەزەكشىلىك ۇيىمداستىرىلدى. سۋ قويمالارىندا تاسقىن سۋدى قابىلداۋ جانە قاۋىپسىز وتكىزۋ ءۇشىن بوس سىيىمدىلىقتار قامتاماسىز ەتىلەدى. رەسەي فەدەراتسياسىنىڭ اۋماعى ارقىلى وتەتىن ەرتىس پەن جايىقتى قوسا العاندا 240 شاقىرىم وزەن ارناسى تازارتىلدى», دەدى ۆيتسە-مينيستر نۇرلان الدامجاروۆ.