مادەنيەت جانە اقپارات ءمينيسترى ايدا بالاەۆا ۇكىمەت وتىرىسىندا قازاقستاننىڭ تاريحي-مادەني مۇراسىن تسيفرلاندىرۋ بويىنشا جۇرگىزىلىپ جاتقان جۇمىستار تۋرالى باياندادى, دەپ حابارلايدى Egemen.kz.
ول قازىرگى ۋاقىتتا مينيسترلىكتىڭ قولداۋىمەن «Qazaq Culture» اقپاراتتىق-اعارتۋ پلاتفورماسى جۇمىس ىستەيتىنىن اتاپ ءوتتى. پلاتفورما 8 تىلدە جۇمىس ىستەيدى. «Qazaq Culture» پلاتفورماسى قازاقستاننىڭ مادەني قۇندىلىقتارى تۋرالى تەك قازاقستاندىق ەمەس, سونىمەن قاتار شەتەلدىك اۋديتورياعا دا اقپارات تاراتادى.
«Qazaq Culture» جوباسىن كەڭەيتۋ جونىندەگى جۇمىستار شەڭبەرىندە ەلىمىزدىڭ تاريحي-مادەني مۇراسىنىڭ تسيفرلانعان وبەكتىلەرى, قۇندى ەكسپوناتتارى مەن سيرەك كەزدەسەتىن جادىگەرلەرى بار جەكە مودۋل ىسكە قوسىلادى», دەپ ءتۇسىندىردى ايدا بالاەۆا.