جوعارعى سوت توراعاسى اسلامبەك مەرعاليەۆ پەن ادام قۇقىقتارى جونىندەگى ەۋروپالىق سوتتىڭ توراعاسى ماركو بوشنياك ىنتىماقتاستىق تۋرالى مەموراندۋمعا قول قويدى, دەپ حابارلايدى Egemen.kz.
مەموراندۋم سوت تورەلىگىنىڭ حالىقارالىق ستاندارتتارىن قولدانۋ, تاجىريبە الماسۋ جانە سۋديالاردىڭ بىلىكتىلىگىن ارتتىرۋ سالاسىنداعى تاراپتار اراسىنداعى ىنتىماقتاستىقتى نىعايتۋعا باعىتتالعان.
قۇجات قازاقستاننىڭ جوعارعى سوتىنا قازىرگى ۋاقىتتا جالپىعا قولجەتىمدى ەمەس سوت پراكتيكاسى ماتەريالدارىن قاراۋعا ارتىقشىلىق بەرەدى. بۇل قازاقستاندىق سۋديالارعا شەشىم قابىلداۋ كەزىندە وزەكتى ەۋروپالىق سوت پراكتيكاسىن ەسكەرۋگە مۇمكىندىك بەرەدى.
سونىمەن قاتار, قازاقستاندىق سۋديالار ءۇشىن تانىمدىق ءىس-شارالاردى ۇيىمداستىرۋ تۋرالى كەلىسىمدەرگە قول جەتكىزىلدى. وسى سالاداعى اقەس-پەن ىنتىماقتاستىق قازاقستانداعى قۇقىق قولدانۋ پراكتيكاسىن جەتىلدىرۋ جانە ادام قۇقىقتارى مەن بوستاندىقتارىن قورعاۋ پەرسپەكتيۆالارىن اشادى.
تاراپتار جوعارعى سوتى مەن ادام قۇقىقتارى جونىندەگى ەۋروپالىق سوت اراسىنداعى ىنتىماقتاستىق ەلىمىزدىڭ سوت جۇيەسىن دامىتۋعا جانە سوت تورەلىگىنىڭ ستاندارتتارىن ارتتىرۋعا ەلەۋلى ۇلەس قوساتىنىنا سەنىم ءبىلدىردى.