30 مامىر كۇنى تاڭەرتەڭ قوسالقى ستانساداعى اپاتقا بايلانىستى پاۆلودار قالاسىندا اۋىزسۋ بەرۋ توقتاپ قالدى, دەپ حابارلايدى Egemen.kz
«پاۆلودار-ۆودوكانال» جشس-ءنىڭ مالىمەتىنشە, ساعات 05:54-تە «اتامەكەن» قوسالقى ستانساسىنداعى اپات سالدارىنان وڭتۇستىك سۋ تارتۋ ستانساسىنا باراتىن 110 كۆ ەلەكتر جەلىسىندە كەرنەۋ تومەندەگەن.
سونىڭ ناتيجەسىندە شارۋاشىلىق-اۋىزسۋ جۇيەسىنە قىزمەت كورسەتەتىن بارلىق سورعىلار توقتاپ, قالاعا بەرىلەتىن سۋ قىسىمى ايتارلىقتاي تومەندەگەن.
قازىرگى ۋاقىتتا سورعى قوندىرعىلارى قايتا ىسكە قوسىلدى. مامانداردىڭ ايتۋىنشا, سۋ قىسىمىن تولىق قالپىنا كەلتىرۋگە شامامەن ەكى-ءۇش ساعات قاجەت بولادى.
«پاۆلودار-ۆودوكانال» جشس تۇرعىنداردان ۋاقىتشا قولايسىزدىقتار ءۇشىن كەشىرىم سۇرادى.