قازاقستاننىڭ دەپوزيتتەرگە كەپىلدىك بەرۋ قورى: تەڭگەلىك دەپوزيتتەر تابىس تابۋدىڭ قۇرالىنا اينالدى

قوردىڭ مالىمەتىنشە, قازاقستاندىق بانكتەردەگى تەڭگەلىك دەپوزيتتەر بۇگىندە قاراجاتتى ينفلياتسيادان قورعاۋ قۇرالى عانا ەمەس, حالىق ءۇشىن ناقتى تابىس كوزىنە اينالىپ وتىر.

ساراپشىلاردىڭ ايتۋىنشا, جىلدىڭ ءبىرىنشى توقسانىنىڭ قورىتىندىسى بويىنشا قازاقستانداعى جىلدىق ينفلياتسيا دەڭگەيى 11 پايىزعا دەيىن تومەندەگەن. سونىمەن قاتار, بازالىق مولشەرلەمەنىڭ ساقتالۋىنا بايلانىستى بانكتەر دەپوزيتتەر بويىنشا سىياقى مولشەرلەمەلەرىن جوعارى دەڭگەيدە ۇستاپ تۇر.

قازاقستاندا دەپوزيت مولشەرلەمەلەرى 20,5%-عا دەيىن ءوستى

وسىنىڭ ناتيجەسىندە بانك جۇيەسىندەگى مەرزىمدى دەپوزيتتەردىڭ كولەمى ەداۋىر ارتقان. ءبىر توقسان ىشىندە بۇل كورسەتكىش شامامەن ەكى ەسەگە وسسە, جىلدىق ەسەپپەن العاندا بولشەك دەپوزيتتىك پورتفەل كولەمى 12 ەسەدەن استام ۇلعايعان.

ەسەپتى كەزەڭنىڭ سوڭىندا مەرزىمسىز سالىمدار بويىنشا ورتاشا نارىقتىق سىياقى مولشەرلەمەسى 15 پايىزدى قۇرادى. قازىرگى تاڭدا ەڭ جوعارى تابىستىلىقتى 1 ايدان 6 ايعا دەيىنگى قىسقا مەرزىمدى دەپوزيتتەر مەن جيناق سالىمدارى ۇسىنىپ وتىر.

مۇنداي سالىمدار بويىنشا تولىقتىرۋ مۇمكىندىگى بار ونىمدەردىڭ جىلدىق مولشەرلەمەسى 19,8 پايىزعا دەيىن جەتسە, تولىقتىرۋ قۇقىعى قاراستىرىلماعان دەپوزيتتەر بويىنشا بۇل كورسەتكىش 19 پايىز دەڭگەيىندە بەلگىلەنگەن.