مەملەكەتتىك الەۋمەتتىك ساقتاندىرۋ قورىنىڭ ماماندارى 258 ادال ەمەس كاسىپكەرلىك سۋبەكتىسىن انىقتادى, دەپ حابارلايدى Egemen.kz
بەلگىلى بولعانداي, بۇل كومپانيالار مەن جەكە كاسىپكەرلەر ازاماتتارمەن جالعان ەڭبەك قاتىناستارىن راسىمدەپ, سول ارقىلى الەۋمەتتىك تولەمدەردى زاڭسىز الۋعا مۇمكىندىك جاساعان. ناتيجەسىندە 4,4 مىڭنان استام ادام دەكرەتتىك تولەمدەر مەن جۇمىسىنان ايىرىلۋىنا بايلانىستى بەرىلەتىن جاردەماقىلاردى نەگىزسىز راسىمدەگەن.
قازىرگى تاڭدا قازاقستاننىڭ 13 وڭىرىندە اتالعان فاكتىلەر بويىنشا 38 قىلمىستىق ءىس قوزعالدى. ونىڭ ىشىندە 9 قىلمىستىق ءىس بويىنشا سوت ايىپتاۋ ۇكىمىن شىعاردى.
اقتوبە, ماڭعىستاۋ, قىزىلوردا, شىعىس قازاقستان جانە باسقا دا وبلىستاردا زاڭسىز ارەكەتتى ۇيىمداستىرعان 12 ادام كىنالى دەپ تانىلدى.