قر وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا ومىردەن وزدى. قارالى حاباردى اتالعان ۆەدومستۆو باسشىسى عاني بەيسەمباەۆ جازدى, دەپ حابارلايدى Egemen.kz.
«ول ءوزىنىڭ ەڭبەك جولىن باستاۋىش سىنىپ مۇعالىمى بولىپ باستادى. ءار جىلدارى مەكتەپ ديرەكتورى, قىزىلوردا قالالىق ءبىلىم ءبولىمىنىڭ باسشىسىنىڭ ورىنباسارى, قر پارلامەنتى ءماجىلىسىنىڭ VI شاقىرىلىمىنىڭ دەپۋتاتى, قر وقۋ-اعارتۋ مينيسترلىگىنىڭ مەكتەپكە دەيىنگى ءبىلىم دەپارتامەنتىن باسقارا وتىرىپ, مەكتەپكە دەيىنگى جانە ورتا ءبىلىم بەرۋدى دامىتۋعا ەلەۋلى ۇلەس قوستى», — دەپ جازىلعان حابارلامادا.
ول ءبىلىم جۇيەسىن جەتىلدىرۋگە جانە بالالاردىڭ ساپالى ءبىلىم الۋىنا قولايلى جاعداي جاساۋعا ەرەكشە نازار اۋداردى.
ء«بىلىم بەرۋ سالاسىنىڭ وسىنداي بىلىكتى ماماندارىنىڭ ورتامىزدان كەتۋى - ورنى تولماس وكىنىش. ناتاليا ۆاسيلەۆنانىڭ تۋىستارى مەن جاقىندارىنا قايعىرىپ كوڭىل ايتامىن!», — دەپ جازدى مينيستر.