وسى زاڭ مەملەكەتتىك جاستار ساياساتى سالاسىندا تۋىندايتىن قوعامدىق قاتىناستاردى رەتتەيدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) جاس مامان – جيىرما توعىز جاسقا تولماعان, تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ءبىلىم بەرەتىن وقۋ باعدارلامالارىن مەڭگەرگەن جانە ءبىلىم تۋرالى قۇجاتتا كورسەتىلگەن ماماندىق بويىنشا ءۇش جىلدان اسپايتىن ۋاقىت جۇمىس ىستەپ جۇرگەن قازاقستان رەسپۋبليكاسىنىڭ ازاماتى;
2) جاس وتباسى – ەرلi-زايىپتىلاردىڭ ەكەۋi دە جيىرما توعىز جاسقا تولماعان وتباسى نە بالانى (بالالاردى) جيىرما توعىز جاسقا تولماعان اتا-انانىڭ بiرەۋi تاربيەلەيتىن تولىق ەمەس وتباسى;
3) جاستار – قازاقستان رەسپۋبليكاسىنىڭ ون ءتورت جاستان جيىرما توعىز جاسقا دەيiنگi ازاماتتارى;
4) جاستارعا ارنالعان الەۋمەتتىك ينفراقۇرىلىم – مەملەكەتتىك جاستار ساياساتىن ىسكە اسىرۋ ءۇشىن قاجەتتى وبەكتىلەر (ۇيلەر, قۇرىلىستار, عيماراتتار), سونداي-اق جاس ازاماتتاردىڭ دەنساۋلىعىن ساقتاۋ, ولارعا ءبىلىم بەرۋ, ولاردى تاربيەلەۋ, الەۋمەتتىك قىزمەت كورسەتۋ, دەنە ءبىتىمىن, رۋحاني جانە يماندىلىق تۇرعىسىنان دامىتۋ, ولاردىڭ جۇمىسپەن قامتىلۋىن قامتاماسىز ەتۋ جانە ولاردىڭ قوعامدىق قاجەتتىلىكتەرىن قاناعاتتاندىرۋ جونىندەگى قىزمەتتى جۇزەگە اسىراتىن ۇيىمدار جۇيەسى;
5) «قازاقستان جاستارى» ۇلتتىق بايانداماسى – مەملەكەتتىك جاستار ساياساتىنىڭ ىسكە اسىرىلۋىن تالداۋدى جانە ونى جەتىلدىرۋ جونىندەگى ۇسىنىمداردى قامتيتىن جىل سايىنعى ەسەپ;
6) مەملەكەتتiك جاستار ساياساتى – مەملەكەت جۇزەگە اسىراتىن جانە جاستاردى قولداۋ مەن دامىتۋعا باعىتتالعان الەۋمەتتىك-ەكونوميكالىق, ۇيىمداستىرۋشىلىق جانە قۇقىقتىق شارالار جۇيەسى;
7) مەملەكەتتىك جاستار ساياساتى ماسەلەلەرى جونىندەگى ۋاكىلەتتى ورگان (بۇدان ءارى – ۋاكىلەتتى ورگان) – مەملەكەتتىك جاستار ساياساتى سالاسىندا باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
8) وڭىرلىك جاستار فورۋمى – جەرگىلىكتى اتقارۋشى ورگاندار مەن جاستار اراسىنداعى ءوزارا ءىس-قيمىلدىڭ وڭىرلىك دەڭگەيىن قالىپتاستىرۋ ماقساتىندا وتكىزىلەتىن جاستار وكىلدەرىنىڭ فورۋمى;
9) رەسپۋبليكالىق جاستار فورۋمى – وڭىرلىك فورۋمداردا سايلانعان جاستار وكىلدەرىنىڭ مەملەكەتتىك ورگاندار مەن جاستار اراسىنداعى ءوزارا ءىس-قيمىلدىڭ جالپىۇلتتىق دەڭگەيىن قالىپتاستىرۋ ماقساتىندا وتكىزىلەتىن فورۋمى.
2-باپ. قازاقستان رەسپۋبليكاسىنىڭ مەملەكەتتىك جاستار ساياساتى سالاسىنداعى زاڭناماسى
1. قازاقستان رەسپۋبليكاسىنىڭ مەملەكەتتiك جاستار ساياساتى سالاسىنداعى زاڭناماسى قازاقستان رەسپۋبليكاسىنىڭ كونستيتۋتسياسىنا نەگiزدەلەدi جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتiك-قۇقىقتىق اكتiلەرiنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭداعىدان وزگەشە قاعيدالار بەلگiلەنسە, وندا حالىقارالىق شارتتىڭ قاعيدالارى قولدانىلادى.
3-باپ. مەملەكەتتىك جاستار ساياساتىنىڭ ماقساتى, مىندەتتەرى جانە قاعيداتتارى
1. مەملەكەتتiك جاستار ساياساتىنىڭ ماقساتى جاستاردىڭ رۋحاني, مادەني, ءبىلىم الىپ, كاسىبي جانە دەنە ءبىتىمىنىڭ تولىققاندى دامۋى, شەشىمدەر قابىلداۋ پروتسەسىنە قاتىسۋى, ويداعىداي الەۋمەتتەنۋى جانە ولاردىڭ الەۋەتىن ەلدى ودان ءارى دامىتۋعا باعىتتاۋ ءۇشىن جاعدايلار جاساۋ بولىپ تابىلادى.
2. مەملەكەتتىك جاستار ساياساتىنىڭ مىندەتتەرى:
1) جاستاردىڭ قۇقىقتارى مەن زاڭدى مۇددەلەرىن قورعاۋ;
2) جاستاردى ەلدىڭ الەۋمەتتىك-ەكونوميكالىق جانە قوعامدىق-ساياسي ومىرىنە تارتۋ;
3) ازاماتتىققا تاربيەلەۋ جانە قازاقستاندىق پاتريوتيزم سەزىمىن نىعايتۋ بولىپ تابىلادى.
3. مەملەكەتتىك جاستار ساياساتى:
1) مادەني, يماندىلىق جانە رۋحاني قۇندىلىقتاردىڭ باسىمدىعى;
2) ازاماتتىق, جاۋاپكەرشىلىك, ەڭبەكسۇيگىشتىك;
3) كونفەسسياارالىق كەلىسىم مەن ەتنوسارالىق تاعاتتىلىق;
4) ۇرپاقتار ساباقتاستىعى, وتباسىلىق تاربيەنىڭ باسىمدىعى;
5) مەملەكەتتىك جاستار ساياساتىن قالىپتاستىرۋعا جانە ىسكە اسىرۋعا جاستاردىڭ قاتىسۋى;
6) مەملەكەتتىك جاستار ساياساتىن قالىپتاستىرۋعا جانە ىسكە اسىرۋعا عىلىمي, كەشەندى جانە دايەكتى كوزقاراس قاعيداتتارىنا نەگىزدەلەدى.
4-باپ. مەملەكەتتىك جاستار ساياساتىنىڭ
نەگىزگى باعىتتارى
مەملەكەتتىك جاستار ساياساتىنىڭ نەگىزگى باعىتتارى:
1) قولجەتىمدى جانە ساپالى ءبىلىم بەرۋدى قامتاماسىز ەتۋ, عىلىمي-تەحنيكالىق الەۋەتتى دامىتۋ;
2) دەنساۋلىقتى ساقتاۋ جانە نىعايتۋ, سالاماتتى ءومىر سالتىن قالىپتاستىرۋ;
3) جۇمىسقا ورنالاسۋ مەن جۇمىسپەن قامتۋ ءۇشىن جاعدايلار جاساۋ;
4) جاستار اراسىندا كاسىپكەرلىك قىزمەتتى دامىتۋ ءۇشىن جاعدايلار جاساۋ;
5) جاس وتباسىلار ءۇشىن قولجەتىمدى تۇرعىن ءۇي جۇيەسىن دامىتۋ;
6) قۇقىقتىق مادەنيەت دەڭگەيىن ارتتىرۋ, سىبايلاس جەمقورلىق كورىنىستەرىنە توزبەۋشىلىككە تاربيەلەۋ;
7) ەكولوگيالىق مادەنيەتتى قالىپتاستىرۋ;
8) دارىندى جاستاردى دامىتۋعا جاردەمدەسۋ;
9) مادەني بوس ۋاقىت پەن دەمالىس ءۇشىن جاعدايلاردى قامتاماسىز ەتۋ بولىپ تابىلادى.
2-تاراۋ. مەملەكەتتىك ورگانداردىڭ مەملەكەتتىك جاستار ساياساتى سالاسىنداعى قۇزىرەتى
5-باپ. قازاقستان رەسپۋبليكاسى ۇكىمەتىنىڭ قۇزىرەتى
قازاقستان رەسپۋبليكاسىنىڭ ۇكىمەتى:
1) مەملەكەتتىك جاستار ساياساتىنىڭ نەگىزگى باعىتتارىن ازىرلەيدى جانە ونىڭ جۇزەگە اسىرىلۋىن ۇيىمداستىرادى;
2) قازاقستان رەسپۋبليكاسىنىڭ پرەزيدەنتىنە «قازاقستان جاستارى» ۇلتتىق بايانداماسىن ەنگىزەدى;
3) «دارىن» مەملەكەتتىك جاستار سىيلىعىن بەرۋ ءتارتىبىن, ونىڭ اقشالاي سىياقى مولشەرىن جانە نوميناتسيالارىن بەكىتەدى;
4) وزىنە قازاقستان رەسپۋبليكاسىنىڭ كونستيتۋتسياسىمەن, زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن جۇكتەلگەن وزگە دە فۋنكتسيالاردى ورىندايدى.
6-باپ. ۋاكىلەتتى ورگاننىڭ قۇزىرەتى
ۋاكىلەتتى ورگان:
1) مەملەكەتتىك جاستار ساياساتىن قالىپتاستىرادى جانە ىسكە اسىرادى;
2) مەملەكەتتىك جاستار ساياساتى ماسەلەلەرى بويىنشا جەرگىلىكتى اتقارۋشى ورگانداردى ۇيلەستىرۋدى جانە ولارعا ادىستەمەلىك باسشىلىق جاساۋدى جۇزەگە اسىرادى;
3) جاستار ۇيىمدارىمەن مەملەكەتتىك جاستار ساياساتى ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
4) مەملەكەتتىك جاستار ساياساتى ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
5) مەملەكەتتىك جاستار ساياساتى ماسەلەلەرى بويىنشا ءتۇسىندىرۋ جۇمىسىن جۇزەگە اسىرادى;
6) مەملەكەتتىك جاستار ساياساتىن عىلىمي جانە ادىستەمەلىك قامتاماسىز ەتۋدى جۇزەگە اسىرادى;
7) مەملەكەتتىك جاستار ساياساتى سالاسىنداعى نورماتيۆتىك-قۇقىقتىق اكتىلەردى ازىرلەيدى جانە بەكىتەدى;
8) «قازاقستان جاستارى» ۇلتتىق بايانداماسىن دايىنداۋ جانە ونى قازاقستان رەسپۋبليكاسىنىڭ ۇكىمەتىنە ەنگىزۋ جونىندەگى جۇمىستى ۇيىمداستىرادى جانە ۇيلەستىرەدى;
9) اكىمدىكتەر جانىنداعى جاستار ىستەرى جونىندەگى كەڭەستەر تۋرالى ۇلگىلىك ەرەجەنى ازىرلەيدى جانە بەكىتەدى;
10) رەسپۋبليكالىق جاستار فورۋمىن وتكىزۋ ءتارتىبىن جانە وڭىرلىك جاستار فورۋمى تۋرالى ۇلگىلىك قاعيدالاردى ازىرلەيدى جانە بەكىتەدى;
11) جاستار رەسۋرستىق ورتالىقتارى تۋرالى ۇلگىلىك ەرەجەنى ازىرلەيدى جانە بەكىتەدى;
12) «دارىن» مەملەكەتتىك جاستار سىيلىعىن بەرۋ ءتارتىبىن ازىرلەيدى;
13) جاستاردىڭ ۆولونتەرلىك قىزمەتىن دامىتۋعا جاردەمدەسەدى;
14) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
7-باپ. ءبىلىم بەرۋ سالاسىنداعى ۋاكىلەتتى
ورگاننىڭ قۇزىرەتى
ءبىلىم بەرۋ سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار ۇيىمدارىمەن ءبىلىم بەرۋ ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
3) ءبىلىم بەرۋ ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
4) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
8-باپ. عىلىم سالاسىنداعى ۋاكىلەتتى
ورگاننىڭ قۇزىرەتى
عىلىم سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار ۇيىمدارىمەن عىلىم ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
3) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
9-باپ. دەنساۋلىق ساقتاۋ سالاسىنداعى ۋاكىلەتتى ورگاننىڭ قۇزىرەتى
دەنساۋلىق ساقتاۋ سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار ۇيىمدارىمەن دەنساۋلىق ساقتاۋ ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
3) جاستار اراسىندا دەنساۋلىق ساقتاۋ جانە سالاماتتى ءومىر سالتىن ناسيحاتتاۋ ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
4) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
10-باپ. ەڭبەك جونىندەگى ۋاكىلەتتى مەملەكەتتىك ورگاننىڭ قۇزىرەتى
ەڭبەك جونىندەگى ۋاكىلەتتى مەملەكەتتىك ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستاردى جۇمىسقا ورنالاستىرۋعا جانە جۇمىسپەن قامتۋعا جاردەمدەسۋ جونىندە شارالار ازىرلەيدى;
3) «جاستاردىڭ ەڭبەك بيرجاسى» بىرىڭعاي اقپاراتتىق پورتالىنىڭ جۇمىس ىستەۋىن قامتاماسىز ەتەدى;
4) جاستار ۇيىمدارىمەن جاستاردى جۇمىسقا ورنالاستىرۋعا جانە جۇمىسپەن قامتۋعا جاردەمدەسۋ ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
5) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
11-باپ. كاسىپكەرلىك جونىندەگى ۋاكىلەتتى
ورگاننىڭ قۇزىرەتى
كاسىپكەرلىك جونىندەگى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار جۇزەگە اسىراتىن كاسىپكەرلىك قىزمەتتى دامىتۋ جونىندە شارالار ازىرلەيدى;
3) جاستار ۇيىمدارىمەن جاستار اراسىندا كاسىپكەرلىك قىزمەتتى دامىتۋ ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
4) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
12-باپ. مادەنيەت سالاسىنداعى ۋاكىلەتتى
ورگاننىڭ قۇزىرەتى
مادەنيەت سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) دارىندى جاستاردى جانە بولاشاعى بار جاستار شىعارماشىلىق ۇجىمدارىن ىزدەستىرۋ مەن قولداۋعا باعىتتالعان ءىس-شارالار كەشەنىن جۇزەگە اسىرادى;
3) جاستار ۇيىمدارىمەن مادەنيەت ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
4) جاستاردىڭ مادەنيەت, قوعامدىق كەلىسىم مەن ۇلتتىق بىرلىكتى نىعايتۋ ماسەلەلەرى جونىندەگى باستامالارىن قولداۋعا باعىتتالعان مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
5) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
13-باپ. دەنە شىنىقتىرۋ جانە سپورت سالاسىنداعى ۋاكىلەتتى ورگاننىڭ قۇزىرەتى
دەنە شىنىقتىرۋ جانە سپورت سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستاردىڭ قاتىسۋىمەن سپورت تۇرلەرى, ونىڭ ىشىندە ۇلتتىق, تەحنيكالىق جانە قولدانبالى تۇرلەرى, بۇقارالىق سپورت بويىنشا جارىستار وتكىزەدى;
3) دەنە شىنىقتىرۋ جانە سپورت سالاسىنداعى ءبىلىم مەن جەتىستىكتەردى, سالاماتتى ءومىر سالتى قاعيداتتارىن, ونىڭ ىشىندە جاستار اراسىنان جوعارى دارەجەدەگى سپورتشىلاردىڭ قاتىسۋىمەن ناسيحاتتاۋدى جۇزەگە اسىرادى;
4) جاستار ۇيىمدارىمەن دەنە شىنىقتىرۋ جانە سپورت ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
5) جاستار اراسىندا دەنە شىنىقتىرۋ جانە سپورت ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
6) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
14-باپ. ءدىني قىزمەت سالاسىنداعى ۋاكىلەتتى ورگاننىڭ قۇزىرەتى
ءدىني قىزمەت سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار اراسىندا كونفەسسياارالىق كەلىسىم مەن ءدىني تاعاتتىلىقتى نىعايتۋ بويىنشا ءتۇسىندىرۋ جۇمىسىن جۇزەگە اسىرادى;
3) جاستار ۇيىمدارىمەن كونفەسسياارالىق كەلىسىم مەن ءدىني تاعاتتىلىقتى نىعايتۋ بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
4) جاستار اراسىندا كونفەسسياارالىق كەلىسىم مەن ءدىني تاعاتتىلىقتى نىعايتۋ ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
5) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
15-باپ. ىشكى ىستەر ورگاندارىنىڭ قۇزىرەتى
ىشكى ىستەر ورگاندارى ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار اراسىنداعى قۇقىق بۇزۋشىلىقتاردىڭ پروفيلاكتيكاسى جونىندە شارالار قولدانادى;
3) جاستاردى اسكەري-پاتريوتتىق تاربيەلەۋ جونىندە شارالار قولدانادى;
4) جاستار ۇيىمدارىمەن جاستار اراسىنداعى قۇقىق بۇزۋشىلىقتاردىڭ پروفيلاكتيكاسى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
5) جاستار اراسىنداعى قۇقىق بۇزۋشىلىقتاردىڭ پروفيلاكتيكاسى ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
6) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
16-باپ. قورعانىس مينيسترلىگىنىڭ قۇزىرەتى
قورعانىس مينيسترلىگى ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستاردى اسكەري-پاتريوتتىق تاربيەلەۋ جونىندە شارالار قولدانادى;
3) جاستار ۇيىمدارىمەن قورعانىس جانە اسكەري قىزمەت ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
4) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
17-باپ. قورشاعان ورتانى قورعاۋ سالاسىنداعى ۋاكىلەتتى ورگاننىڭ قۇزىرەتى
قورشاعان ورتانى قورعاۋ سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار اراسىندا ەكولوگيالىق مادەنيەتتى قالىپتاستىرۋ جونىندە شارالار قولدانادى;
3) جاستار ۇيىمدارىمەن قورشاعان ورتانى قورعاۋ ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
4) جاستار اراسىندا قورشاعان ورتانى قورعاۋ ماسەلەلەرى بويىنشا مەملەكەتتىك الەۋمەتتىك تاپسىرىستى قالىپتاستىرۋدى جانە ىسكە اسىرۋدى جۇزەگە اسىرادى;
5) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
18-باپ. بۇقارالىق اقپارات قۇرالدارى سالاسىنداعى ۋاكىلەتتى ورگاننىڭ قۇزىرەتى
بۇقارالىق اقپارات قۇرالدارى سالاسىنداعى ۋاكىلەتتى ورگان ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) جاستار ۇيىمدارىمەن بۇقارالىق اقپارات قۇرالدارى ماسەلەلەرى بويىنشا ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
3) مەملەكەتتىك جاستار ساياساتى ماسەلەلەرى بويىنشا مەملەكەتتىك اقپاراتتىق ساياساتتى جۇرگىزۋ جونىندەگى مەملەكەتتىك تاپسىرىستى ورنالاستىرادى;
4) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
19-باپ. جەرگىلىكتى وكىلدى جانە اتقارۋشى ورگانداردىڭ قۇزىرەتى
1. وبلىستىڭ, رەسپۋبليكالىق ماڭىزى بار قالانىڭ جانە استانانىڭ, اۋداننىڭ (وبلىستىق ماڭىزى بار قالانىڭ) جەرگىلىكتى وكىلدى ورگانى ءوز قۇزىرەتى شەگىندە:
1) جىلىنا كەمىندە ءبىر رەت جەرگىلىكتى اتقارۋشى ورگاندار باسشىلارىنىڭ مەملەكەتتىك جاستار ساياساتىنىڭ ىسكە اسىرىلۋ بارىسى تۋرالى ەسەپتەرىن تىڭدايدى;
2) اكىمدىكتەر جانىنداعى جاستار ىستەرى جونىندەگى كەڭەستەردىڭ قىزمەتىنە قاتىسادى;
3) جىلىنا كەمىندە ءبىر رەت مەملەكەتتىك جاستار ساياساتىنىڭ ىسكە اسىرىلۋ ماسەلەلەرى بويىنشا جاريا تىڭداۋلار وتكىزەدى;
4) قازاقستان رەسپۋبليكاسىنىڭ زاڭناماسىنا سايكەس ازاماتتاردىڭ قۇقىقتارى مەن زاڭدى مۇددەلەرىن قامتاماسىز ەتۋ جونىندەگى وزگە دە وكىلەتتىكتەردى جۇزەگە اسىرادى.
2. وبلىستىڭ, رەسپۋبليكالىق ماڭىزى بار قالانىڭ جانە استانانىڭ, اۋداننىڭ (وبلىستىق ماڭىزى بار قالانىڭ) جەرگىلىكتى اتقارۋشى ورگانى ءوز قۇزىرەتى شەگىندە:
1) مەملەكەتتىك جاستار ساياساتىن ىسكە اسىرادى;
2) وزەكتى پروبلەمالاردى انىقتاۋ جانە شەشۋ, مەملەكەتتىك جاستار ساياساتىن ىسكە اسىرۋدىڭ تيىمدىلىگىن ارتتىرۋ ءۇشىن مونيتورينگ جۇرگىزۋدى جانە جاستاردىڭ قاجەتتىلىكتەرىن باعالاۋدى قامتاماسىز ەتەدى;
3) جاستاردى جۇمىسپەن قامتۋ جانە جۇمىسقا ورنالاستىرۋ ساياساتىن ىسكە اسىرۋدى قامتاماسىز ەتەدى, ەڭبەك نارىعىنىڭ جانە جاس مامانداردى جۇمىسقا ورنالاستىرۋ پراكتيكاسىنىڭ مونيتورينگىن ۇيىمداستىرادى;
4) جاستاردىڭ ۆولونتەرلىك قىزمەتىن جانە جاستاردىڭ ءوزىن-ءوزى باسقارۋىن دامىتۋعا جاردەمدەسەدى;
5) جاستار رەسۋرستىق ورتالىقتارىن قۇرادى, ولاردىڭ قىزمەتىن قامتاماسىز ەتەدى جانە ۇيلەستىرەدى;
6) وڭىرلىك جاستار فورۋمىن وتكىزۋدى قامتاماسىز ەتەدى;
7) قازاقستاندىق ءپاتريوتيزمدى, كونفەسسياارالىق كەلىسىم مەن ەتنوسارالىق تاعاتتىلىقتى نىعايتۋ جونىندە شارالار قولدانادى;
8) قازاقستان رەسپۋبليكاسىنىڭ زاڭناماسىمەن جەرگىلىكتى اتقارۋشى ورگاندارعا جۇكتەلەتىن, جەرگىلىكتى مەملەكەتتىك باسقارۋ مۇددەلەرىندە وزگە دە وكىلەتتىكتەردى جۇزەگە اسىرادى.
3-تاراۋ. مەملەكەتتىك جاستار ساياساتىن قالىپتاستىرۋدىڭ جانە ىسكە اسىرۋدىڭ تەتىكتەرى
20-باپ. رەسپۋبليكالىق جانە وڭىرلىك
جاستار فورۋمدارى
1. جاستار فورۋمى رەسپۋبليكالىق جانە وڭىرلىك دەڭگەيلەردە وتكىزىلەدى.
2. رەسپۋبليكالىق جاستار فورۋمى:
1) ورتالىق مەملەكەتتىك ورگاندار مەن جاستار, جاستار ۇيىمدارى اراسىنداعى ديالوگ پەن ءوزارا ءىس-قيمىلدى;
2) مەملەكەتتىك جاستار ساياساتىن ىسكە اسىرۋ ماسەلەلەرىن تالقىلاۋدى قامتاماسىز ەتەدى.
3. رەسپۋبليكالىق جاستار فورۋمىندا «قازاقستان جاستارى» ۇلتتىق بايانداماسى تالقىلانادى, ورتالىق جانە جەرگىلىكتى اتقارۋشى ورگانداردىڭ ەسەپتەرى تىڭدالادى, ونىڭ قورىتىندىلارى بويىنشا قازاقستان رەسپۋبليكاسىنىڭ ۇكىمەتىنە مەملەكەتتىك جاستار ساياساتىن جەتىلدىرۋ جونىندە ۇسىنىمدار ەنگىزىلەدى.
4. وڭىرلىك جاستار فورۋمى:
1) جەرگىلىكتى اتقارۋشى ورگاندار مەن جاستار, جاستار ۇيىمدارى اراسىنداعى ديالوگ پەن ءوزارا ءىس-قيمىلدى;
2) مەملەكەتتىك جاستار ساياساتىن ىسكە اسىرۋ ماسەلەلەرىن تالقىلاۋدى;
3) مەملەكەتتىك جاستار ساياساتىن جەتىلدىرۋ جونىندە ۇسىنىمدار تۇجىرىمداۋدى قامتاماسىز ەتەدى.
21-باپ. مەملەكەتتىك جاستار ساياساتى سالاسىنداعى
كونسۋلتاتيۆتىك-كەڭەسشى ورگاندار
1. قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى جونىندەگى كەڭەس كونسۋلتاتيۆتىك-كەڭەسشى ورگان بولىپ تابىلادى, ونىڭ وكىلەتتىكتەرىن, قىزمەتىن ۇيىمداستىرۋ جانە ونىڭ ءتارتىبىن قازاقستان رەسپۋبليكاسىنىڭ پرەزيدەنتى ايقىندايدى.
2. اكىمدىكتەر جانىنداعى جاستار ىستەرى جونىندەگى كەڭەستەر قازاقستان رەسپۋبليكاسىنىڭ زاڭناماسىنا سايكەس قۇرىلاتىن جانە ءوز قىزمەتىن مەملەكەتتىك جاستار ساياساتىن جەتىلدىرۋ جانە ۆەدومستۆوارالىق ءوزارا ءىس-قيمىلدىڭ تيىمدىلىگىن ارتتىرۋ جونىندە ۇسىنىمدار تۇجىرىمداۋ ماقساتىندا جۇزەگە اسىراتىن كونسۋلتاتيۆتىك-كەڭەسشى ورگاندار بولىپ تابىلادى.
3. جاستار ۇيىمدارىن دامىتۋ جونىندەگى ۇيلەستىرۋ كەڭەسى قازاقستان رەسپۋبليكاسىنىڭ زاڭناماسىنا سايكەس قۇرىلاتىن جانە ءوز قىزمەتىن جاستار ۇيىمدارىنىڭ ءتيىمدى ءوزارا ءىس-قيمىل جاساۋى, قىزمەتىن ۇيلەستىرۋدى كۇشەيتۋ جانە ودان ءارى جەتىلدىرۋ جونىندە ۇسىنىمدار تۇجىرىمداۋ ماقساتىندا جۇزەگە اسىراتىن, ۋاكىلەتتى ورگان جانىنداعى كونسۋلتاتيۆتىك-كەڭەسشى ورگان بولىپ تابىلادى.
4. ورتالىق اتقارۋشى ورگانداردا ۇكىمەتتىك ەمەس ۇيىمدارمەن, ونىڭ ىشىندە جاستار ۇيىمدارىن تارتا وتىرىپ, ءوزارا ءىس-قيمىل جاساۋ جانە ىنتىماقتاستىق جونىندەگى كەڭەستەر قۇرىلۋى مۇمكىن.
22-باپ. جاستارعا ارنالعان الەۋمەتتiك ينفراقۇرىلىم
1. مەملەكەتتىك ورگاندار قازاقستان رەسپۋبليكاسىنىڭ زاڭناماسىنا سايكەس جاستارعا ارنالعان الەۋمەتتىك ينفراقۇرىلىم قۇرۋدى جانە ونىڭ جۇمىس ىستەۋىن قامتاماسىز ەتەدى.
2. جاستار ۇيىمدارى قازاقستان رەسپۋبليكاسىنىڭ زاڭناماسىندا ايقىندالعان تارتىپپەن ۇيلەردى, قۇرىلىستاردى, عيماراتتاردى جانە وزدەرىنىڭ جارعىلىق ماقساتتارىن جۇزەگە اسىرۋ ءۇشىن قاجەتتى وزگە دە م ۇلىكتى وتەۋسىز پايدالانۋعا الۋى مۇمكىن.
23-باپ. جاستار رەسۋرستىق ورتالىقتارى
1. جاستار رەسۋرستىق ورتالىقتارى جاستار مەن جاستار ۇيىمدارىن قولداۋ جانە دامىتۋ ءۇشىن قىزمەتتەر كورسەتۋ ماقساتىندا قۇرىلادى.
2. جاستار رەسۋرستىق ورتالىقتارى جاستاردىڭ باستامالارىن اقپاراتتىق-ادىستەمەلىك, كونسۋلتاتسيالىق سۇيەمەلدەۋ مەن قولداۋدى, جاستار اراسىنداعى احۋالدىڭ مونيتورينگىن جانە ونى تالداۋدى جۇزەگە اسىرادى.
3. بيۋدجەت قاراجاتى ەسەبىنەن قارجىلاندىرىلاتىن جاستار رەسۋرستىق ورتالىقتارى كورسەتەتىن قىزمەتتەر تەگىن ۇسىنىلادى.
24-باپ. «جاستار» عىلىمي-زەرتتەۋ ورتالىعى
1. «جاستار» عىلىمي-زەرتتەۋ ورتالىعى مەملەكەتتىك جاستار ساياساتىن ىسكە اسىرۋدى عىلىمي قامتاماسىز ەتۋ ماقساتىندا قازاقستان رەسپۋبليكاسى ۇكىمەتىنىڭ شەشىمىمەن قۇرىلادى.
2. «جاستار» عىلىمي-زەرتتەۋ ورتالىعى عىلىمي زەرتتەۋلەر جۇرگىزەدى جانە مەملەكەتتىك جاستار ساياساتىن ىسكە اسىرۋدى ادىستەمەلىك قامتاماسىز ەتۋدى جۇزەگە اسىرادى.
3. «جاستار» عىلىمي-زەرتتەۋ ورتالىعىنىڭ قىزمەتىن قارجىلاندىرۋ بيۋدجەت قاراجاتى ەسەبىنەن, سونداي-اق قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەر ەسەبىنەن جۇزەگە اسىرىلادى.
25-باپ. جاستارعا ارنالعان
الەۋمەتتىك قىزمەتتەر
1. جاستارعا ارنالعان الەۋمەتتىك قىزمەتتەر ءوز قىزمەتىن جاستاردىڭ زياتكەرلىك, رۋحاني, دەنە ءبiتiمiنىڭ, شىعارماشىلىق تۇرعىسىنان دامۋى, كاسiبي دايارلىعى جانە كاسىپكەرلىك الەۋەتىن ىسكە اسىرۋ ءۇشىن جاعدايلار جاساۋ ماقساتىندا جۇزەگە اسىرادى.
2. جاستارعا ارنالعان الەۋمەتتىك قىزمەتتەر قىزمەتىنىڭ نەگىزگى باعىتتارى:
1) ومىرلىك قيىن جاعدايدا جۇرگەن, ارناۋلى ءبىلىم بەرۋ ۇيىمدارىنان جانە ەرەكشە رەجىمدە ۇستايتىن ءبىلىم بەرۋ ۇيىمدارىنان ورالعان, الكوگوليزمنەن, ناشاقورلىقتان, ۋىتقۇمارلىقتان ەمدەۋدەن وتكەن جاستارعا, سونداي-اق مۇگەدەكتەر قاتارىنداعى جاستارعا پسيحولوگيالىق-پەداگوگيكالىق, مەديتسينالىق-الەۋمەتتىك, زاڭ كومەگىن جانە كونسۋلتاتسيا بەرۋدى جۇزەگە اسىرۋ;
2) جاستاردىڭ قۇقىققا قارسى ارەكەتتەرىنىڭ پروفيلاكتيكاسى;
3) تۇرعىلىقتى جەرى بويىنشا جاستاردىڭ بوس ۋاقىتىن ۇيىمداستىرۋ;
4) جاستاردىڭ كاسiپكەرلiك قىزمەتiن قولداۋ مەن دامىتۋ;
5) جاستاردىڭ ءوزiن-ءوزi باسقارۋىن دامىتۋعا ءجاردەمدەسۋ;
6) قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە الەۋمەتتىك ماڭىزى بار باعىتتار بولىپ تابىلادى.
26-باپ. حالىقارالىق ىنتىماقتاستىق
1. قازاقستان رەسپۋبليكاسىنىڭ مەملەكەتتىك جاستار ساياساتى سالاسىنداعى حالىقارالىق ىنتىماقتاستىعى قازاقستان رەسپۋبليكاسى زاڭناماسىنىڭ جانە قازاقستان رەسپۋبليكاسى حالىقارالىق شارتتارىنىڭ نەگىزىندە جۇزەگە اسىرىلادى.
2. قازاقستان رەسپۋبليكاسىنىڭ مەملەكەتتىك ورگاندارى مەملەكەتتىك جاستار ساياساتى سالاسىنداعى حالىقارالىق ىنتىماقتاستىققا:
1) جاستار مەن جاستار ۇيىمدارىن قازاقستان رەسپۋبليكاسى مۇشەسى بولىپ تابىلاتىن حالىقارالىق ۇيىمداردىڭ قىزمەتىنە تارتۋ;
2) تاجىريبە الماسۋعا, دوستىق جانە ىسكەرلىك قارىم-قاتىناستاردى دامىتۋعا ىقپال ەتەتىن ءىس-شارالاردى ۇيىمداستىرۋ;
3) قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە ءىس-شارالاردى ۇيىمداستىرۋ ارقىلى جاردەم كورسەتەدى.
27-باپ. مەملەكەتتىك جاستار ساياساتىن
قارجىلىق قامتاماسىز ەتۋ
مەملەكەتتىك جاستار ساياساتىن قارجىلاندىرۋ بيۋدجەت قاراجاتى جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەر ەسەبىنەن جۇزەگە اسىرىلادى.
4-تاراۋ. جاستاردىڭ مەملەكەتتىك جاستار ساياساتىن قالىپتاستىرۋعا جانە ىسكە اسىرۋعا قاتىسۋى
28-باپ. جاستار ۇيىمدارى
1. جاستار ۇيىمى ۇكىمەتتىك ەمەس ۇيىم بولىپ تابىلادى, ونىڭ قىزمەتى جاستاردى دامىتۋعا, ولاردىڭ ءوزىن-ءوزى كورسەتۋىنە, قۇقىقتارى مەن زاڭدى مۇددەلەرىن قورعاۋعا, سونداي-اق جاستاردىڭ الەۋمەتتىك, مادەني, ءبىلىم الۋ, رۋحاني جانە وزگە دە قاجەتتىلىكتەرىن قاناعاتتاندىرۋعا باعىتتالادى, جاستار وكىلدەرى ونىڭ مۇشەلەرى (قاتىسۋشىلارى) بولىپ تابىلادى.
2. جاستار ۇيىمدارى:
1) مەملەكەتتىك جاستار ساياساتىنىڭ وزەكتى ماسەلەلەرىن تالقىلاۋعا;
2) مەملەكەتتىك جاستار ساياساتى سالاسىنداعى كونسۋلتاتيۆتىك-كەڭەسشى ورگانداردىڭ قىزمەتىنە;
3) رەسپۋبليكالىق جانە وڭىرلىك جاستار فورۋمدارىنىڭ جۇمىسىنا;
4) جاستاردىڭ ءوزىن-ءوزى باسقارۋ ورگاندارىنىڭ قىزمەتىنە قاتىسۋعا قۇقىلى.
29-باپ. جاستاردىڭ ۆولونتەرلىك قىزمەتى
1. جاستاردىڭ ۆولونتەرلىك قىزمەتى جەكە جانە زاڭدى تۇلعالاردىڭ مۇددەلەرىندە وتەۋسىز نەگىزدە جۇزەگە اسىرىلاتىن ەرىكتى, قوعامعا پايدالى قىزمەت بولىپ تابىلادى.
2. جاستاردىڭ ۆولونتەرلىك قىزمەتى ساياسي پارتيالاردى جانە ءدىني بىرلەستىكتەردى قولداۋعا باعىتتالماۋعا ءتيىس.
30-باپ. جاستاردىڭ ءوزىن-ءوزى باسقارۋى
1. جاستاردىڭ ءوزىن-ءوزى باسقارۋى تۇلعالىق جانە كاسىبي ءوسۋ, قوعامدا ويداعىداي الەۋمەتتەنۋ, ءوزىنىڭ زياتكەرلىك جانە شىعارماشىلىق الەۋەتىن ىسكە اسىرۋ ءۇشىن جاعدايلار جاساۋ جونىندەگى جاستار قىزمەتىن ۇيىمداستىرۋ نىسانى بولىپ تابىلادى.
2. جاستاردىڭ ءوزىن-ءوزى باسقارۋ ورگاندارى قازاقستان رەسپۋبليكاسىنىڭ زاڭناماسىنا سايكەس نەگىزگى ورتا, ورتا (جالپى ورتا, تەحنيكالىق جانە كاسىپتىك ءبىلىم بەرۋ), ورتا بىلىمنەن كەيىنگى, جوعارى, جوعارى وقۋ ورنىنان كەيىنگى ءبىلىم بەرۋ ۇيىمدارىندا جانە ەڭبەك ۇجىمدارىندا قۇرىلۋى مۇمكىن.
5-تاراۋ. قورىتىندى ەرەجەلەر
31-باپ. وسى زاڭدى قولدانىسقا ەنگىزۋ ءتارتiبi
1. وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
2. «قازاقستان رەسپۋبليكاسىنداعى مەملەكەتتىك جاستار ساياساتى تۋرالى» 2004 جىلعى 7 شىلدەدەگى قازاقستان رەسپۋبليكاسى زاڭىنىڭ (قازاقستان رەسپۋبليكاسى پارلامەنتىنىڭ جارشىسى, 2004 ج., № 16, 95-قۇجات; 2007 ج., № 10, 69-قۇجات; № 20, 152-قۇجات; 2010 ج., № 22, 130-قۇجات; 2011 ج., № 6, 49-قۇجات; № 11, 102-قۇجات; 2013 ج., № 14, 72, 75-قۇجاتتار; 2014 ج., № 1, 4-قۇجات) كۇشى جويىلدى دەپ تانىلسىن.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2015 جىلعى 9 اقپان. № 285-V قرز