بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا قاسىم-جومارت توقاەۆ تۇزەتۋ مەكەمەلەرىندەگى ايەلدەرگە قاتىستى زاڭدىق ۇستانىمداردى قايتا قاراۋدى تاپسىردى, دەپ حابارلايدى Egemen.kz.
مەملەكەت باسشىسى بەلگىلى ادۆوكات ايمان وماروۆانىڭ كوتەرگەن ماسەلەسىنىڭ ماڭىزدىلىعىنا توقتالدى. ايەلدەر كولونياسىنداعى احۋالدى ءجىتى باقىلاپ, جۇكتى ايەلدەر مەن كىشكەنتاي بالالارى بار ايەلدەردىڭ جاعدايىنا باسا نازار اۋدارۋ كەرەكتىگىن جەتكىزدى.
«ەلىمىزدەگى قىلمىستىق-اتقارۋ جۇيەسىنىڭ ماقساتى سوتتالعان ازاماتتاردى جازالاۋ ەمەس, تۇزەتۋ بولۋى كەرەك دەگەن پىكىرمەن كەلىسەمىن. ەر ادام نەمەسە ايەل بولسىن, باس بوستاندىعىنان ايىرىلعانداردىڭ ءبارى زاڭ الدىندا بىردەي ەكەنى تۇسىنىكتى. دەگەنمەن ادامگەرشىلىك قۇندىلىقتاردى باسشىلىققا الىپ, «زاڭ مەن ءتارتىپ» قاعيداتىن ساقتاي وتىرىپ, كامەلەتكە تولماعان بالاسى بار ايەلدەرگە قاتىستى كەيبىر زاڭدىق ۇستانىمداردى قايتا قاراۋعا بولادى دەپ ويلايمىن. قۇقىق قورعاۋ ورگاندارى مەن دەپۋتاتتار وسى ماسەلەنى بايىپتى ءارى جان-جاقتى زەرتتەپ, شەشىم قابىلداۋ ءۇشىن ۇسىنىستار ەنگىزۋى كەرەك», دەدى پرەزيدەنت.